JABURU 92:3 - KITABI HABARI MOPIOHE

³ mopololade ponu lo Eeya tou̒ dimodupo, wau otatapu wau molotolo hilao lo Eeya tou̒ hui,

JABURU 92:3 ပူးပေါင်းရင်းမြစ်များ

BOHULO TAWARI 13:8

hiambola tei Dauda wolo ngoilanggubu bangusa lo Isirai̒lu hipo ngelu-ngelengawa wau hipolahua wolo lealeaatu lo sumaangati, u mohurumati mola to Allahu Taa̒ala diludua̒ wolo kocapi, rabana, simbali wau torompeti.

BOHULO TAWARI 15:16

Tei Dauda olo helo poa̒hu mongo tau̒wa lotau-tauwalo Lewi boito alihu mongohi mao̒ tuugsi ode dengolo lota monto suku limongolio u mopolahu mola wau mopoitoheo̒ lalaa-huwaalo moe̒engahu to kocapi wai simbali limongolio.

BOHULO TAWARI 23:30

Wewolio mao̒ leeto timongolio musi mopolahu mola u momuji to Eeya timii̒du dimodupo wau timii̒du hui;

BOHULO TAWARI 25:6

Ngoa̒amila walae̒e Heman boito mopoitohe muusiki simbali, kocapi wau gaambusi to tau̒wa liyamo limongolio u molunuhe upacara poi̒baadatiala to Bele lo Eeya. Tei Asap, Yedutun wolei Heman heloo̒tapu tuugasi lotuuu̒de wolo potuhata lonto oli olongia.

OLUO TAWARI 20:28

Tou̒ leidungga mota ode kota, timongolio lotibaarisi ode Bele lo Eeya tilunuhe lokocapi wau torompeti.

OLUO TAWARI 23:5

ngotayade totolu poli tobele biluloa̒ saaha li olongia, wau labitio to Huhebu Hulubangi Wumbato. Ngoilanggubu ulipu musi motia̒mbu topaango Bele lo Eeya.

OLUO TAWARI 29:25

Tutuuu̒de wolo totoonulalo potuhata uilohi mai lo Eeya odelei Dauda lotimbulude oli Nabi Gad, tahemo kalaja duo̒li olongia wau lotimbulude oli Nabi Natan, ti olongia helopo tambati tau-tauwalo Lewi to Bele lo Eeya u moitohe kocapi wau gaambusi,

NEHEMIA 12:27

Tou̒ dingingo meeseli lo kota Yerusalemu popidudutio mao̒, tau-tauwalo Lewi hetiliangio mai lonto ngoa̒amila tambati biluloa̒ limongolio, alihu modudua̒ mopolame daa̒ polou̒tia boito wolo lalaa-huwaalo syukuru, wau wolo muusiki gaambusi wau kocapi.

JABURU 149:3

Pujiaalo mola tanggulo Eeya wolo elungo boli elungo, pujiaalo mola Eeya wolo kocapi wau rabana!

JABURU 33:2

Posukurulo mola to Eeya wolo kocapi, polahuwalo mola ode Eeya wolo tunutunuhe muusiki.

JABURU 42:9

Pohileaala dua̒ Eeya mopobilohei ponu-Lio tou̒ dulahu, alihu tou̒ hui watia mowali mopolahu mola, wau modua̒ mola to Allahu Taa̒ala bungo lo tutumulo lowatotia.

JABURU 57:8

Watotia yakini wolo hilaa molotolo, yaa Allahu Taa̒ala watotia yakini wolo hilaa molotolo, watotia ohilaa mopolahu mola wau momuji to Eeya.

JABURU 68:25

Ngoa̒amila moo̒onto pawai ohohaama lo Eeya, yaa Allahu Taa̒ala, Allahu Taa̒ala lowatia, olongia lowatia, hedilepito lotaa dadaata ode tambati potibiluloa̒-Lio.

JABURU 9:16

Babaa-ngusawalo tadiila motota lo Eeya modehu ode delomo huango u ilau̒de limongolio lohihilao; timongolio otaala todelomo pajala limongolio lohihilao.

BOHULO SEMUEL 10:5

Lapatao̒ uito yio̒ musi monao̒ mola ode huludu lo Allahu Taa̒ala to Gibea, tambati pilo tikemawa taulo Pilistin. To huhebu potuwotalo ode kota yio̒ mamolaawode wolo ngopoa̒mbua nabi u molaahei monto huludu pobakeyalo. Timongolio mongelu-ngelungo wau hiwuwa-wuwaatia̒, hemoitohe gambusi, rabana tulali wau kocapi.