JABURU 82:3 - KITABI HABARI MOPIOHE

³ Poduulua mao̒ walao̒ didu otiilo otiyamo wau taa molulupuhu, wohia mao̒ ua̒adili totaa mosikini wau modutolo.

JABURU 82:3 ပူးပေါင်းရင်းမြစ်များ

AYUBA 29:12

Sababu, he tulungiyau̒ taa mosikini tamei̒ bantu; he bilantuwau̒ tadidu otiilo otiyamo tadiaaluo u polonggaa.

AYUBA 31:21

Humayaalio mapee̒enta wau̒ helodeehe tadidu otiilo otiyamo, sababu yakini mamoo̒haama palakalaau̒,

JABURU 10:18

Walao̒ didu otiilo otiyamo wau taa hideehea piloduulua lo Eeya palakalaalio, alihu diaaluo taa u mopoo̒ohe olimongolio.

PILOTIMUA̒TA 23:3

Diila mao̒ popoo-hihiihedea tau todelomo palakala polobutoo̒, eleponu tabilutoo̒ boito taa mosikini.

PILOTIMUA̒TA 23:6

Pohutua mao̒ taa mosikini wolo aadili wonu tio mai mopo dudulao̒ palakalaalio ode polobutoo̒.

POHUMAYA 31:9

Pohipateelo odeli mongolio, wau powaliilo hakimu taa̒adili. Duo̒laalo haku lotaa mosikini wau taa hideehea.”

YESAYA 1:17

pobalaajalilo mohutu u mopiohu. Potulideelo uaadili; wau yinggilalo polodeehe; wohia mao̒ to tadidu otiilo otiyamo haku limongolio wau poduulua mao̒ palakala lomongo janda.”

YESAYA 1:23

Mongo tau̒wamu tamoo-malakalaawa wau wakili lo tamootao̒wa; timongolio mohuto mololimo palaseni wau doi sooloi̒. Timongolio diila mohuto mopoduulua tadidu otiilo otiyamo to bubutoo̒; diila mohuto modungohe dudulohu lomongo janda.

YEREMIA 22:3

“Potihutulo aadili wau motiludu. Lopata mao̒ taa u hepilo hamaawa uuntungi dadaata daa̒ lonto okokawasa lotaa u hemohama uuntungi dadaata daa̒ to olio. Diila mao̒ podeehe meaambo mohutu u moleeto totaa deli, walao̒ tadidu otiilo otiyamo, meaambo janda. Diila mao̒ pomate taa udiila ototala mate-mateelo mao̒ to tambati botie.

YEREMIA 5:28

wau molingohu boli maa̒amuru. Ololeeti mongolio diila o eenggadelio. Timongolio diila moponao̒ u aadili todelomo palakala lo tau̒kekeei tadidu otiilo otiyamo, wau diila mopoduulua haku lotau-tauwalo tahideehea.

JAKARIA 7:9

“Otaa-taunuwa u lopalutaa mola yilohi-U̒ mai papaa-lentaala botie ode umati-U̒, ‘Timongoli musi opii̒li aadili, odehu hilao wau mopiohe hale ode timongotamu.

TINGULI 10:18

Tio mopoduulua haku lo tadidu otiilo otiyamo wau janda alihu timongolio pohutuwola wolo aadili; Tio momonu tau deli tatumu-tumulo wolo bangusanto wau mongohi mai ua̒alo wau pakeyangi ode limongolio.

TINGULI 24:17

Diila mao̒ polambata haku lotau deli wau walao̒ tadidu otiilo otiyamo, wau diila mao̒ pohama pakeyangi ngotaalio lojanda u pongakuwalo.

YAKOBUS 1:27

Ododungohu to agama ubelesi wau u tutuuliotutu modudua̒ bibilohu lo Allahu Taa̒ala ti Paapa yito; motulungi tau̒kekeei̒ tadidu otiilo otiyamo wau mongo janda tahi dutola, wau modaha batanga lohihilao alihu diila mao̒ antuluo lodunia botie.