JABURU 81:3 - KITABI HABARI MOPIOHE

³ Potingohelo mola rabana, pomintao̒lo mola lahu, pokutilo gaambusi wau kocapi wolo moonungo.

JABURU 81:3 ပူးပေါင်းရင်းမြစ်များ

OLUO MONGO OLONGIA 4:23

“Yilongola musi monao̒ botia?” yilintu mao̒ lodilelio. “Dulahee botie diila dulahee saabati wau olo diila dulahu buka lo Hulalo Bohu.” “Diila mongola,” tametio mao̒.

BOHULO TAWARI 15:16

Tei Dauda olo helo poa̒hu mongo tau̒wa lotau-tauwalo Lewi boito alihu mongohi mao̒ tuugsi ode dengolo lota monto suku limongolio u mopolahu mola wau mopoitoheo̒ lalaa-huwaalo moe̒engahu to kocapi wai simbali limongolio.

BOHULO TAWARI 16:42

Tei Heman wolei Yedutun olo otuugasi to torompeti, simbali wau pakaakasi lo muusiki wewolio u poitohio molunuheo̒ lalaa-huwaalo poloi̒laalo momuji. Popoo-ngawaa̒alo kaumu Yedutun yilohialio tuugasi u modaha mao̒ huhuu-hebuwaalo hulubangi.

BOHULO TAWARI 16:6

wau iimamu duulota, deu̒yito-yito tei Benaya wolei Yahajiel, yilohia tuugasi debo mohiipa torompeti totalu lo Bulua Daantia boito.

BOHULO TAWARI 25:1

U motitau̒wa to uu̒u-pacalawalo poi̒baadatiala, ti Olongia Dauda wau mongo tau̒wa taulo Lewi helo lulaotao̒ kakaa-wumuwaalo Lewi u wumbutio mola botie: tei Asap, Heman wolei Yedutun. Timongolio yilohia tuugasi u mopo tunggulao̒ tahuli lo Allahu Taa̒ala lou̒ tunu-tunuhe wolo muusiki kocapi, gaambusi wau simbali. U motitau̒wa to ibaadati wolo upacaraalio ngota-ngota, hetilulaoto ngopo-ngopolemboa̒ u wumbutio mola botie:

OLUO TAWARI 13:12

Tau̒wa lami yito Allahu Taa̒ala lohihilao wau mongo iimamu-Lio woluo tewe. Timongolio malo tidapato u mohiipa mola torompeti odelo tuoto olami u moluhu olimongoli. Wuu taulo Isirai̒lu, diila mao̒ poluwali to Eeya, Allahu Taa̒ala loluuhurumu! Timongoli diila tamoo̒ haama!”

OLUO TAWARI 13:14

Tou̒ pasuukani lo Yehuda loo̒onto deu̒ timongolio mabilalaalio, yi timongolio longuatio̒ mola lei̒ tulungi mai to Eeya. Mongo iimamu helohiipa mola torompeti,

OLUO TAWARI 2:4

Botia watia ohilaa mopo tihulao̒ bele ngowale poi̒baadatialo tolomodu u mohurumati to Eeya Allahu Taa̒ala lowatia. To bele boito watia wau ulipu lo watia mamo ibaadati to Eeya wolo momobu dupa wau yilonta, wau mopodewo roti pohinta ode Eeya lou̒ tatapu. To bele boito olo amiaatia mamo podewo bake yilalango timii̒du dimodupo wau hui, timii̒du dulahu Saabati, dulahu buka Hulala Bohu wau duduu-laheyaalo pohetu wewolio u mohurumati to Eeya Allahu Taa̒ala lamiaatia. Sababu, Eeya malo malentai alihu sua̒li boito ponao̒olo u ohiheo-hiheolo mao̒.

OLUO TAWARI 8:13

Babaa-keyaalo boito pilopo dewolio helo dudua̒ Butoe̒e Musa duo̒lo timii̒du dulahu buka: dulahu Saabati, dulahu buka Hulalo Bohu, wau otolu dulahu buka timii̒du taunu, deu̒yito-yito dulahu buka Roti Diila Oragi, dulahu buka lo Polosembo, wau dulahu buka Wombohe Duungo.

JABURU 149:3

Pujiaalo mola tanggulo Eeya wolo elungo boli elungo, pujiaalo mola Eeya wolo kocapi wau rabana!

JABURU 33:2

Posukurulo mola to Eeya wolo kocapi, polahuwalo mola ode Eeya wolo tunutunuhe muusiki.

JABURU 98:6

Hiipalo mola torompeti wau sangkakala, potingalao̒lo mola ramerame wolo wengahu ode Eeya, Olongiaanto.

HIYONGO MOPOILAALO SUUSA 2:6

Eeya longantulu bele-Lio tambati umati lo Eeya motia̒mbu u molubo to Eeya. Eeya lohutu mai tau loo̒lipato to Saabati wau duduu-laheyaalo buka. Sababu Eeya lomuluka daa̒, iimamu wau olongia mapilotouli lo Eeya.

NAHUM 1:15

Bilohilo ngotaalio lo utolia dungga-dungga mai moli huhuu-ideyaalo, modelo habari mopiohe, habari ohohaama. Wuu bangusa lo Yehuda, porameyaalo dulahu bukaamu wau bayaaliyalo dantimu to Allahu Taa̒ala. Lipumu diilalo kawasaalio lotaa moleeto. Timongolio mailantulu sama-samaata.

YIA̒APO 15:3

Duo̒lo bake meaalo bake pomayali danti meaalo bake iloheela lohilao meaalo to lalaa-mengiyalo biasa, timongoli mowali mopodewo mao̒ ode Eeya: sapi ulai̒, himba ulai̒, himba meaalo batade. Boolo babaa-keyaalo boito moo̒sanangi hilaa lo Eeya.

YIA̒APO 28:11

Tobohulo timii̒du hulalo musi podewolo ode Eeya bake yilalango debo odelo duluo sapi ulai̒ buboto, tuwau himba ulai̒, pitu walao̒ himba ulai̒ ou̒umulu ngotaunu, u tinggai diila otailio.

TINGULI 16:15

Pitu hui mola hiheolio timongoli musi mopolame potihunggu boito u mohulumati Eeya Allahu Taa̒ala limongoli totambati u tilulaoto Eeya. Poti wengahulo mola, sababu Eeya Allahu Taa̒ala limongoli malo balakati mai tilapulo huta wau kalaja limongoli.

KOLOSE 2:16

Sababu uito diila mao̒ polulia tau mopotala olimongoli tomimbihu ua̒alo wau minuumani, meaalo tomimbihu duduu-laheyaalo buka lo agama, meaalo totoonulalo lameyangi hulala bohu, meaalo tomimbihu dulahu Saabati.