JABURU 8:2 - KITABI HABARI MOPIOHE

² Yaa Eeya, Allahu Taa̒ala lo mongowatotia, kawasa lo Eeya masa-masaahuru to ngoilanggubu dunia! Odudaa̒ lo Eeya tamo tolokawasa hulungo

JABURU 8:2 ပူးပေါင်းရင်းမြစ်များ

JABURU 148:13

Mopiohulo timongolio ngoa̒amila momuji mola tanggulo Eeya, sababu tanggulo Eeya lebe udaa̒ wolo totoonulalo tanggulo; odudaa̒ lo Eeya mongilabota hulungo wau dunia.

JABURU 4:4

Ototai mao̒, Eeya malo lulaotao̒ ode batanga-Lio ngotaalio tapilonu-Lio. Eeya helo dungohu wonu watotia mongiibode to Eeya.

JABURU 44:16

Ilo-ilolaanga watia hilentei̒o, helomanta woolito wau iloolia lobaya,

JABURU 46:10

Eeya helo pohuheli popaatea to ngoilanggubu dunia, buutio̒ wau totobuo̒ mooyoto he ilaantulu-Lio, popoo-risaiyaalo hihuululo hepilobu-Lio.

JABURU 57:6

Yaa Allahu Taa̒ala, pobiloheelo mai odudaa̒ lo Eeya to hulungo, wau omumulia lo Eeya to ngoilanggubu dunia.

PILOTIMUA̒TA 11:7

Bo towolota bangusa lo Isirai̒lu, mopio manusia meaalo bibiahu diila tapuyuwolo. Yi timongoli mamotota mao̒ deu̒ Wau̒, Eeya, mopo hiheedeo̒ wolota taulo Masiri wau taulo Isirai̒lu.’ ”

PILOTIMUA̒TA 15:16

Timongolio laba-labaalo moohe mosakusi olootolo Eeya. Tou̒ umati lo Eeya lumaode, musu diila okawasa molaahangi; malo aahulo bangusa tamaa yilopatu-Mu.

YESAYA 40:31

Bo taa u mopongaku to Eeya, mamoo̒tapu lotolo bohu. Timongolio debo odelo bulungi angga-angga u tilumomboto molanggato wolo olootolo polipii̒o. Timongolio tumeteo̒ wau diila mowali moongolo, timongolio monao̒ wau diila mowali molulupuhu.

YESAYA 6:3

Timongolio lotingalao̒ ngota timongota: “Mantali, mantali, mantali, Mantalilo mola Eeya Taa Laba-labaalo kawasa. Dunia lopolu lo owoluo-Lio u molamahu.”

AMOS 5:9

Tio mopobinasa taa okawasa pee̒-pee̒enta wolo polo biintengi limongolio.

HABAKU 2:20

Eeya maito todelomo Bele-Lio u mantali; mamusi ngoa̒amila tau todunia motipoo̒yo batanga totalu-Lio.

MATIUSI 11:25

Tou̒ boito ti Isa lodua̒, “Paapa, Eeya tamotolo kawasa hulungo wau dunia! Watia mosukuru mola odeli Paapa sababu u ngoa̒amilalo boito hehuliyo li Paapa lonto tahi tootawa wau tao̒ ilimi bo pilopo bilohei li Paapa to tau-tauwalo ode tadiila hio̒o sikolawa.

MATIUSI 21:16

Timongolio loloi̒ya mao̒ odeli Isa, “Tingga mai̒lo dungohe-Mu wolo u heloi̒ya limongolio?” “Ooo̒, ilodungohe-U̒,” tametao̒ li Isa. “Diipo pee̒enta mao̒ timongoli lopobaca ayati lo Kitabi botie: ‘Tau̒kekeei̒ wau tau̒nge mai̒laajali-U̒ u molapali poi̒laalo momuji uwimu-wimumuto ngoa̒amilalo’?”

LUKASI 10:21

To wakutu boito olo, ti Isa leengahu sababu kiluwasa lo Rohullah. Ti Isa loloi̒ya, “Paapa, Eeya takawa-kawasa hulungo wau dunia! Watia mosukuru toli Paapa sababu ngoa̒amilalo boito u hitua-tuawua u sangaja hetuuo̒ li Paapa totau-tauwala tahi tootawa wau tahi o ilimua, bo piloi̒laalo li Paapa totau-tauwalo tadiila osikolawa. Uitolo umopo sanangi hilaa li Paapa.

1 KORINTUS 1:27

Sababu memangi milakusudu Allahu Taa̒ala molulaotai tahe anggapuo lodunia botie mohulodu, alihu tau-tauwalo tahi tootawa mowali moolito. Wau Allahu Taa̒ala lolulaotai olo tahe anggapuo lodunia botie molulupuhu, alihu tau-tauwalo tahilotola boli buheli daa̒ mowali moolito.

BOHULO SEMUEL 2:9

Taa tatapu wau molotolo hilao laito aamani todelomo poloduo̒lo Eeya. Bo tau moleeto moa̒ntulu wau binasa todelomo udiila botie mobaango wau modio̒loma daa̒. Lotolo hihilao diila mowali pomangga, olootolo manusia diila mongohi ohohaama.