JABURU 74:9 - KITABI HABARI MOPIOHE

⁹ Mongo nabi wau tutuuotaalo u moo̒linggolabe diilalo oontonga, wau penu boli ngotaa mao̒ diaaluo tamotota tunggula omolua tulusi odie.

JABURU 74:9 ပူးပေါင်းရင်းမြစ်များ

PILOTIMUA̒TA 12:13

Duhu uwoluo tohuhebu lobelemu mamowali tuoto monto bebee-leyaalo tambati piloti biluloa̒amu. Wonu Wau̒ moo̒onto duhu boito, timongoli laode-U̒ mao̒ wau diila pobinasaa-U̒ tou̒ Wau̒ mohukuumani mai Masiri.

HIYONGO MOPOILAALO SUUSA 2:9

Huhuu-lubangilio ilotambula lohuta, ngoa̒amila papaa-langilio loboli; olongia wau tahidihuma pantungo lo pamalenta woluo to polayahu. Butoo̒ Eeya diilalo pilo-ngaajalilio; nabi diilalo lololimo wahi lonto Eeya.

YEHESKIEL 20:12

Ilahulaa-U̒ timongolio mohulumati dulahu Saabati odelo tuoto lo daantia-U̒ woli mongolio, u mopoe̒ela olimongolio deu̒ Wau̒ulo Eeya, malo potolomodu olimongolio ode Olau̒.

YEHESKIEL 7:26

Baala wau habari mobulilo mamei dungga diila obuntoolio. Timongoli mamohile alihu mongo nabi mohuto molaamali, bo timongolio diila mowali. Wau olo mongo iimamu diila owolo-wolo u pongaajali mao̒ limongolio ode umati, wau mongo tau̒wa opulita lo nasehati.

AMOS 8:11

Eeya Taa Laba-labaalo molanggato lotahuda mai, “Mamei dungga saaa̒tilio Wau̒ mopodungga mai baala lo polobiti tolipu botie. Tau mapolangolo, bo diila polangolo lo ua̒alo. Tau mamo totoa̒ngo, bo diila mototoa̒ngo lotaluhu. Timongolio polangolo wau mototoa̒ngo to tahulii-U̒.

MIKHA 3:6

“Wuu nabi, wakutuumu mawimbideo̒ mopulito; mato lo dulahumu donggo tulotulopo. Timongoli diilalo moo̒toduo mai bibilohe u mopoi̒laalo mai lalaa-njanaa-U̒. Timongoli diilalo moo̒ laamali wolo-wolo.”

MIKHA 3:7

Tau-tauwalo tahi polaamalia dulahee momooli mamoo̒tapu woolito sababu laamalilio diila tiluhata. Timongolio ngoa̒amila oolia lobaya sababu Allahu Taa̒ala diila molametai olimongolio.

IBRANI 2:4

Ngopohia mao̒ leeto, Allahu Taa̒ala lodudua̒ lopoo̒ toheeto osakusi lotau-tauwala boito lou̒ lopowoluo totoonulalo u moo̒linggolabe wau susuu-aliyaalo upolu-polutuo̒ wau lolaya-layadeo̒ totoonulalo wowohi lonto Rohullah lodudua̒ otohilaa-Lio lohihilao.

MONGO HAKIMU 6:17

Tametao̒ lei Gideon, “Wonu watotia otu-otutuulo mao̒ aahudu lo Eeya, ambunguolo ntali wohia mai tuota tuwau deu̒ memangi Eeyaalo talongohi mai palenta boito ode watotia.

BOHULO SEMUEL 3:1

Tou̒ boito, tei Semuel tadonggo kikiia̒ boito hemomaya to Eeya to imato lei Eli. To maasa boito, molawata daa̒ woluo tahuli wau bibilohu monto Eeya.