JABURU 74:3 - KITABI HABARI MOPIOHE

³ Potidutai̒ilo tambati u malowali tuodu; ngoa̒amilalo to Bele lo Eeya maa ilaantulu lomusu.

JABURU 74:3 ပူးပေါင်းရင်းမြစ်များ

OLUO MONGO OLONGIA 25:9

Tei Nebujaradan helomobu Bele lo Eeya, bele biluloa̒ saaha li olongia, wau ngoa̒amila bele lo tahimuloa lo ulipu to Yerusalemu.

NEHEMIA 1:3

Timongolio helo hungguli mai deu̒ tau-tauwalo bakasi polayahu tamalo hualingai ode huta pilohuluta lo duhulio boito, botia hitumula sikisa wau hehilina lo babaa-ngusawalo deli tawoluo topalitio. Donggo poli, didii-ngingaalo kota Yerusalemu donggo hia̒antulua daa̒ wau huhuu-hebuwaalo hulubangilio diipo piloo̒piohu tumulalo mai yilopobu tou̒ yilalu mao̒.

NEHEMIA 2:13

Dulahe donggo hui, tou̒ ami lololaa mao̒ kota lolibaaya Huhebu Hulubangi Lumbaya to ambahu otolopa. Ami lotidulunga mola ode ambahu hulialio, ode Huhebu Hulubangi Puputo, lolibaaya Butu lo Taluhu Naha. To delomo nonao̒ boito wau̒ lomalakisao̒ totoonulalo helorusa to dingingo meeseli lokota wau iloontongau̒ olo huhuu-hebuwalo hulubangi u mailaahu lotulu.

NEHEMIA 2:3

tulusi lolametao̒, “Pomalitutuo̒olo mola Baginda u ohiheo-hiheolo mao̒! Woloolo mola watotia diila suukali, wonu kota tambati lobake linenemoya lo watotia botia bolo tuodio wambao̒ wau huhuu-hebuwaalo hulubangilio maloaantulu yilaahu lotulu.”

JABURU 44:23

Domi Eeya amiaatia tulusi hea̒njamuo lomautu, wau pilohutulio debo odelo himba tilambalo.

JABURU 44:26

Amiaatia lodehu loa̒antulu tohuta, leibalata todelomo peaahuo̒ sababu ilolaahelio.

JABURU 79:1

Jaburu lei Asap. Yaa Allahu Taa̒ala, bangusa tadiila motota to Eeya malo tibiluloa̒ tohuta pusaka lo Eeya. Timongolio helo ponajisi Bele lo Eeya, Yerusalemu pilopowali limongolio tuodu.

YESAYA 10:6

Wau̒ lolao Asyur u loluhu bangusaa-U̒ talomaahe iimanilio wau taloo̒ muluka ola-U̒. Wau̒ lolao Asyur u lolambato wau lotao̒ boli helo lumbe-lumbetaa̒ bangusaa-U̒ debo odelo peaahuo̒ todalalo.”

YESAYA 25:10

Eeya mamoduo̒la Huludu Sion, bo Moab madutaa̒-dutaa̒a-Lio debo odelo laato to tambati lo puputo.

YESAYA 61:4

Timongolio mamomongu kokoo-tawaalo u malohiiheo loloohubu wau mopotihula tataa-mbatiyalo u malohiiheo loliilo.

YEREMIA 52:13

Tei Nebujaradan helomobu Bele lo Eeya, bele biluloa̒ saaha li olongia, wau ngoa̒amila bele lotaa himuloa lo ulipu to Yerusalemu.

HIYONGO MOPOILAALO SUUSA 1:10

Totoonulalo halata upangolio mailambato lo mumuu-suulio. Tumbao̒ tio musi momilohe olimongolio tumuwotao̒ ode Bele lo Allahu Taa̒ala, tuwaulio lo huhutu udilini lo Eeya duo̒lo taa udiila umati-Lio.

DANIALI 11:31

Lapatao̒ tio lolao mota papaa-sukaniyalo tamopo kootolo Bele lo Eeya. Timongolio mamo lulutao̒ bake timii̒du dulahu wau mopotihulo hitua-tuawua u moo̒tihela hapato u ilunte Ololeeto u mopoa̒ntulu.

DANIALI 9:17

Oo Allahu Taa̒ala lo mongowatotia, dungohilo mai dua̒ wau polohone lowatotia. Pongulia mai bele lo Eeya u mailantulu boito, poo̒pioheelo alihu otaawa lotaa ngoa̒amila deu̒ Eeyaalo Allahu Taa̒ala.

DANIALI 9:27

Ti Olongia boito mamohutu daantia motoheeto wolo taa dadaata ngotilonggadu pitu lotaunu mola. To tomutaao̒ lomasa boito, tio mamopo huheli powoluwoolio bake wau podewo. Lapatao̒ hitua-tuawua u moo̒tihela hapato u iluntee ololeeto umopo aantulu mapo tambatilio to Bele lo Eeya wau madebo woluo mola teto tunggula tio tau̒ pilo-tambatilio mota teto odungga lou̒ obobinasa u matilantu mai lo Allahu Taa̒ala olio.”

MIKHA 1:3

Eeya lotuhutai lonto piloti biluloa̒a-Lio u mantali wau lolontale toitaato boboo-litutuo̒walo hui̒du todunia.

MIKHA 3:12

Sababu ololeetumu boito, Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali huta u datahu wau luasi u pilobutua lo aa̒a-yuwaalo kekeei̒.

MARKUSI 11:17

Lapatao̒ ti Isa helo ngaajali totau-tauwalo mota teto. Tio lotahuda mao̒, “Todelomo Kitabi tulatulade odie mola: Allahu Taa̒ala lopilimani mai, ‘Bele-U̒ mau̒nteelo bele tambati podua̒alo duo̒lo totoonulalo bangusa.’ Bo timongoli lopowali mao̒ beelea lopoheehu!”

LUKASI 21:24

Woluo tamaa pateelio lobanggo mate-mateelo mao̒, woluo olo tamaa deloolio odelo tatilawalo ode lilii-puwaalo lotau; wau tau-tauwalo tadiila motota lo Allahu Taa̒ala mamo dutadutaa̒a Yerusalemu tunggula mopulito wakutuulio u matilantu lo Eeya ode limongolio.”

YOSUA 10:24

wau dilelolio odelei Yosua. Lapatao̒ tei Yosua malo tiangai ngoa̒amila taulo Isirai̒lu lotia̒mbu, tulusi lomalentao̒ mongo polowila talo duduo̒ helo tuuhua wolio mai lolumbetaa̒a batango buloo̒ lomongo olongia boito. Mongo polowila boito olo lonao̒ mai wau helo lumbetaa̒a batango buloo̒ lomongo olongia boito.

WAHI 11:2

Bo diila mao̒ tuu̒de paangio u toa̒mbahu bulemengo Bele lo Allahu Taa̒ala, sababu tayade boito mailudu ode tau-tauwalo tadiila hitootawa to Eeya. Timongolio mamoduta-dutaa̒a kota u mantali boito ngotilonggadu wopato pulaa dulo hula mola.