JABURU 72:4 - KITABI HABARI MOPIOHE

⁴ Pohileaala dua̒ ti olongia mopoduulua haku ulipu tadiila bangusa, wau motulungi tau-tauwalo mosikini wau mopoo̒ pulitao̒ tahi podeehea olimongolio.

JABURU 72:4 ပူးပေါင်းရင်းမြစ်များ

AYUBA 34:24

Lou̒ diila motulete wau momalakisa Eeya mopohinggi takaawasa wau momudua̒a tamobuulota wolio.

JABURU 109:31

Sababu Eeya mopoduulua wau mopoa̒ahu taa mosikini monto olimongolio tamopodehu hukuumani mate ode yitaatio.

JABURU 2:9

Timongolio maboliyomu mao̒ wolo tunggudu wate wau poo̒omu debo odelo ulongo huta.’ ”

JABURU 94:5

Timongolio hemodeehe umati lo Eeya, yaa Eeya, wau helo potoyopu tau-tauwalo tahe tilulaoto Eeya.

POHUMAYA 20:26

Olongia tamolinepo motota tatoonu taa umoleeto; tio mahukuu-manio limongolio lou̒ diila o aambungu.

YESAYA 11:4

Taa mosikini butoo̒lio wolo aadili, taa didu olootolo poduulualio wolo juujulu; taa ototala hukuu-maniyolo to palentaalio, taa moleeto poo̒pulitolio sama-samaata.

YESAYA 42:1

Tahuda mai lo Eeya, “Utieelo wato-U̒ tabiloowo-U̒, taa tilulaotu-U̒ wau taloo̒ sanangi hilaa-U̒. Wau̒ malongohi kawasaa-U̒ to olio u modelo ua̒adili ode timii̒du bangusa.

YESAYA 42:3

Wawohu u leibanti diila taboliyolio, tohe u ilapao̒-ilapao̒ diila tapateelio. Wolo tatapu wau molotolo hilao tio mamopo ilaalo mai obobanari,

YESAYA 9:4

Sapatu lo suludadu u hulo-hulopai̒o wau boo̒lio u lomulomu loduhu, mamo pulito maahu lotulu.

JAKARIA 11:11

To dulahee boito olo daantia boito diila pilopomata. Tahi podahangia lohimba boito helo ngimato olaatia, wau timongolio longalati deu̒ Eeya donggo hemo tahuda loli totoonulalo huhutu lowatia.

JAKARIA 11:7

Watia, Jakaria, lapatao̒ hewuupa lomongo dahangi lohimba u mohimbala hihii-mbaawaalo u mao̒lotolo. Watia otunggudu duloputu; u ngoputu iluntee lowatia “Omuura” wau u ngoputu poli “Buuhuta”. Lapatao̒ watia lolumula lodaaha wau lolaalao̒ hihii-mbaawaalo boito.

MATIUSI 11:5

Taa pitoo̒ maloo̒onto, taa didu mowali monao̒ malowali lonao̒, tao̒ngongoto lo alipo u moo̒tihela hapato maloluli; taa bungolo maloo̒ dungohu, taa yilate maa tilumumulai, wau Habari Mopiohe monto Allahu Taa̒ala pilo habariilio ode tau-tauwalo tahi mosikinia.

WAHI 18:20

Wuu sologa, poti wengahulo mola to oa̒antulu lokota boito! Wuu umati lo Allahu Taa̒ala, mongo rasulu, mongo nabi, poti wengahulo mola! Sababu Allahu Taa̒ala malo hukuumani mai olio odelo toli tou̒ wolo umaa pilohutulio limongoli!

WAHI 18:24

Babel hilukuumani-Lio sababu todelomo kota boito mai̒lo dungga duhu lomongo nabi, duhu umati lo Allahu Taa̒ala – limbui̒o mao̒ duhu lo ngoa̒amila taa u mapilatelio yila-yilateelo mao̒ totudu lodunia.

WAHI 19:2

Pomuto-I̒o aadili wau molinepo! Tio malo podehu mai hukuumani to tasuuntali daa̒, tamoruusa dunia wolo polo hulotolio. Allahu Taa̒ala malo hukuumani mai tasuuntali boito, sababu tio lomate yila-yilateelo mao̒ mongo wato lo Allahu Taa̒ala.”