JABURU 71:9 - KITABI HABARI MOPIOHE

⁹ Diila mao̒ tapila lo Eeya watotia tomasa watotia panggola mola diila mao̒ tolai watotia wonu lotolo watotia malo pulito,

JABURU 71:9 ပူးပေါင်းရင်းမြစ်များ

OLUO LO SAMUEL 19:35

Umulu lowatotia mawalu lopulu lotaunu, wau diduuluo mao̒ olo umowali moo̒ sanangi towatotia. Watotia diilalo moo̒ lamito wolo u tamelo lowatotia meaambo u yilumo lowatotia, wau diilalo moo̒dungohu suala lotaa hemo polahu mola. Watotia bo mamowali banta li Baginda.

JABURU 71:18

Yaa Allahu Taa̒ala, diila mao̒ tolai watotia, tunggula watotia panggola wau ouwaalo, alihu watotia mopololadu kawasa wau olootolo boli obuheli daa̒ lo Eeya to ngoa̒amila wali mola u madungga-dungga mai.

JABURU 73:26

Eleponu jiwa wau batanga lowatia mowali molulupuhu, Eeyaalo olootolo lowatia, yaa Allahu Taa̒ala; Eeyaalo tilolahepaalo u mililiki lowatia u ohiheo-hiheolo mao̒.

JABURU 90:10

Tembo tutumulo mongowatotia bo pitu lopulu lotaunu, wonu mongowatotia molotolo, walu lopulu lotaunu mola. Bo wambao̒ osuukali wau podutolo u hemotapu lo mongowatotia; lapatio mao̒ tutumulo u limbulimbu, mongowatotia mooli lomola.

YESAYA 46:4

Wau̒ debo Allahu Taa̒ala limongoli tunggula timongoli panggola; wau debo modaha olimongoli tunggula timongoli waalaalo. Wau̒ lopowali mai olimongoli wau debo molaala olimongoli, Wau̒ mamo tuulungi wau mopoa̒ahu mai olimongoli.

2 TIMOTIUS 1:12

Uitolo sababuulio wau̒ helo dutolo ngoa̒amilalo botie, bo wau̒ debo yakini, sababu otaawau̒ tutu tatoonu taa pilalacayau̒. Wau̒ yakini deu̒ wolo u mapilo malacaya-Lio mai olau̒, Tio olo mambo modaha mai dilumutu to Dulahe Kiama.

2 TIMOTIUS 4:18

Memangi Eeya mamopo lopato olau̒ monto motii̒du tolopani u moleeto ode olau̒. Tio mamodelo olau̒ wolo moa̒ahu ode delomo yilaidia-Lio tosologa. Mamusi Tio pou̒daa̒alo ohiheo-hiheolo mao̒! Amin.