JABURU 71:3 - KITABI HABARI MOPIOHE

³ Powaliilo duo̒lo watotia odelo hui̒dee botu tambati potibiluloa̒ lowatotia, u gaambangi o aata lowatotia laito. Sababu Eeya malolantu mai u mopoa̒ahu olo watotia, Eeyaalo tambati potiduo̒la wau potiwolungo lowatotia.

JABURU 71:3 ပူးပေါင်းရင်းမြစ်များ

JABURU 144:2

Eeyaalo tamoo-tulungia wau tamoo-duuluwawa olaatia, tamoo-poa̒ahua olaatia tambati potiwolunga lowatia. Eeya tamoo-duo̒lawa olaatia, tambati mopoa̒ahu batanga lowatia, babaa-ngusawalo pilopo taa̒aluku lo Eeya odelaatia.

JABURU 18:2

Ilohilaa lo watotia to Eeya, yaa Eeya, Eeyaalo olootolo watotia.

JABURU 18:3

Eeya debo odelo biintengi u motoheto tambati potiduo̒la lowatotia. Allahu Taa̒ala lo watotia debo odelo hui̒dee botu tambati potililunga lowatotia. Debo odelo porisai, Eeya lolau̒bei olo watotia, wau helodaha olo watotia alihu aamani laito.

JABURU 44:4

Huta boito diila yilahu limongolio wolo wamilo; diila wolo olootolo limongolio lohihilao timongolio heloo̒haama, bo wolo kawasa wau tinelo owoluo lo Eeya, sababu Eeya lotuhatawa to umati lo Eeya.

JABURU 68:28

Benyamin, suku talaba-labaalo ngoi̒di, helonao̒ totalu, lapatao̒ hia̒po-apoolawa totooyunuta tahimuloa lolipu lo Yehuda to wulealio tahimuloa lolipu lo Jebulon wau Naputali.

JABURU 89:27

Tio mamoloi̒ya ode Olau̒, ‘Eeyaalo ti Paapau̒, Allahu Taa̒alau̒, tamoo-duo̒laawa wau tamoo-poa̒ahua olau̒.’

JABURU 90:1

Dua̒ lei Musa, wato lo Allahu Taa̒ala. Yaa Eeya, Eeyaalo tambati potiduo̒la lo mongowatotia wawaalia mola.

JABURU 91:9

Sababu yio̒ lopowali Eeya tamooduulua olemu, Taa Laba-labaalo molanggato pilowalimu tamoo-duo̒lawa olemu.

POHUMAYA 18:10

Eeya boito debo odelo monara u motoheto; odito mola taa juujulu monao̒ wau moo̒tapu tambati u aamani.

YESAYA 33:16

Yi timongoli maa meiduo̒la wau aamani, debo odelo woluo todelomo biintengi u motoheeto. Ua̒alo wau u yilumolo mamei dapato olimongoli.

YEHESKIEL 9:6

Pateaalo mate-mateelo mao̒ ngoa̒amila mongo lolai̒ wau mongobua, panggola wau muda, mongo dulaa̒ wau tau̒kekeei̒. Bo diila mao̒ dedeta penu boli ngotaa mao̒ taa otuoto totau̒lio. Tumuliilo monteea, monto Bele-U̒ botie.” Yi timongolio malo lumula tuugasi limongolio wolo lomate yila-yilateelo mao̒ mongo tau̒wa lo Isirai̒lu tadonggo hitihula to Bele lo Eeya.

TINGULI 33:27

Allahu Taa̒ala ohiheolo mao̒ mowali potiduo̒la limongoli, polooto-Dio u ohiheo-hiheolo mao̒ molumude olimongoli. Tio lopolahi musu lonto talumu, wau lopoa̒hu olimongoli mopobinasa mao̒ olimongolio.