JABURU 70:3 - KITABI HABARI MOPIOHE

³ Poluliaalo mao̒ taa u ohilaa momate olo watotia mate-mateelo mao̒ olaahelio wau tumeteo̒ hilingua. Poluliaalo mao̒ taa u hemohantia̒ osuusa lo watotia pateelo tumouli wau hinaalio.

JABURU 70:3 ပူးပေါင်းရင်းမြစ်များ

JABURU 35:21

Hepilo wawaatia̒ limongolio watotia wau loloi̒ya deu̒ timongolio maloo̒onto huhutu lowatotia.

JABURU 35:25

Diila mao̒ polulia timongolio moloi̒ya todelomo hilao, “Sukuru, ito malo poo̒pulito nyawalio. U otohilaanto maa yilomata!”

JABURU 40:15

Poluliaalo mao̒ taa u motohilaa momate olo watotia mate-mateelo mao̒ olaahelio wau tumeteo̒ hilingua. Poluliaalo mao̒ taa u hemohantia̒ pasali omarapo lowatotia pateelo tumouli wau hinaalio.

JABURU 71:13

Poluliaalo mao̒ taa u hemoluhu olo watotia poo̒olitolio wau poo̒pulitolo. Poluliaalo mao̒ taa u ohilaa mopo topotala olo watotia hilingua wau yilanggube lo ohiihina.

JABURU 71:24

Ngotupa lodulahu mapo loladu lowatotia oa̒adili lo Eeya, sababu tau-tauwalo tao̒hilaa mopo topotala olo watotia mai̒lolaahe wau piloo̒olito.

YEHESKIEL 25:3

Ahuliilo bangusa boito modungohe wolo u Wau̒, Eeya Taa Laba-labaalo molanggato motahuda mai ode limongolio, ‘Timongoli sanangi moo̒onto Belee-U̒ pilopo kootolo wau huta lo Isirai̒lu yiruusaalio boli bangusa lo Yahudi bilintai̒o mota ode polayahu.

YEHESKIEL 26:2

“Wuu manusia panaa, ulipu lo Tirus malo tinga-tingalaa̒ meengahu sambela hipoloi̒yawa, ‘Yerusalemu malo aantulu! Olootolio todelomo daahangi mailooli! Tio diilalo lowali baliinto!’ ”

YEHESKIEL 36:2

‘Tou̒ babaa-ngusawalo to palitio moluhu wau molambata olimongoli, timongolio malohina ngoilanggubu Isirai̒lu. Wolo hiweengahe timongolio loloi̒ya deu̒ masaatia huhuu-luduwaalo u muloloolio mai daa̒ boito lowali miliki limongolio. Sababu uito, wuu huhuu-ideyaalo wau huhuu-duwaalo, walao̒ dutulaa wau lumbaya, wuu kokoo-tawaalo u malowali toude wau u matilolaa lo ulipulio boli yilanbato wau hilenteo̒ lo babaa-ngusawalo topalitio, dungohiilo wolo u pilotahuda mai lo Eeya Taa Laba-Labaalo molanggato ode olemu: To delomo omulukaa-U̒ uwali-walihuhu Wau̒ lodini wolo moo̒ohuu̒ babaa-ngusawalo to palitumu wau tolomodulio Edom, sababu timongolio wolo sanangi wau owatade mohina, malohama lou̒ pakusa hutaa-U̒ wau lolambata huhuu-tawaalo luasi u pilobutua lo huo̒yoto. Botia Wau̒ mulika wau molilau sababu babaa-ngusawalo boito malohina daa̒ wau helo podupapa olimongoli.

WUNGGULI LOMONGO RASULU 1:18

Tei Yudas botie maloo̒tapu huta polobungalo olio lonto wuupa ololeeto lopolo hiyanatilio. Tio lodehu wau yilate wolo ombongio lobutao̒ tunggula tuango ombongio yilumualai ngoa̒amilalo.