JABURU 7:1 - KITABI HABARI MOPIOHE

¹ Hiyongo wolo lapali lei Dauda, u pilopolahu mola ode Eeya sababu tei Kus taulo Benyamin boito.

JABURU 7:1 ပူးပေါင်းရင်းမြစ်များ

JABURU 11:1

Duo̒lo diriheni lopolemboa̒ tamoolahua. Jaburu lei Dauda. Wau̒ motiduo̒la to Eeya; diila ohunalio moloi̒ya mai olau̒, “Poa̒ahuwalo batangamu debo odelo bulungi u tombo-tomboto ode hui̒du.

JABURU 13:3

Tunggula omolua watotia musi momanta suusa, wau suukali lohilao ngotupa lo dulahu? Tunggula omolua watotia kawaasa lomusu?

JABURU 13:5

Diila mao̒ polulia musu lowatotia moloi̒ya deu̒ timongolio malo poo̒laaheo̒ olo watotia. Diila mao̒ polulia timongolio mohantia̒ olo watotia.

JABURU 18:2

Ilohilaa lo watotia to Eeya, yaa Eeya, Eeyaalo olootolo watotia.

JABURU 18:28

Taa u dupadupapa lohilao piloa̒ahu lo Eeya, bo taa u batingga pilopo taa̒aluku lo Eeya.

JABURU 25:2

yaa Allahu Taa̒ala lowatotia, watotia palacaya to Eeya! Diila mao̒ polulia mai watotia poo̒olitolio, wau hantia̒ lo mumuu-suuwaalo lowatotia.

JABURU 26:1

Jaburu lei Dauda. Wohiyalo mai ua̒adili watotia, yaa Eeya, sababu watotia tumutumulo wolo hilaa motulidu. Watotia hemoharapu mola to Eeya, wau diila helolingu penu boli ngi̒di mao̒.

JABURU 3:7

Watotia diila yiloohe to hilihu-lihua laawani tahe lomala lonto totoonulalo mantahu.

JABURU 30:12

Hilimuta lowatotia mabilolio̒ Eeya lowali elungo meengahe, Hilama lo Eeya osuukali hilaa lowatotia wau piloo̒polu mai lo Eeya watotia wolo wengahu.

JABURU 30:2

Watotia momuji mola to Eeya, yaa Eeya, sababu Eeya malo poa̒ahu olo watotia wau diila lopoluli musu lowatotia helo hantia̒ olo watotia.

JABURU 31:15

Bo watotia hemo tiwunelo mola to Eeya, yaa Eeya, sababu Eeyaalo Allahu Taa̒ala lowatotia.

JABURU 32:10

Taa odusa otemba losuusa dadaata; bo taa u hemo tiwunela to Eeya debo duo̒la ponu lo Eeya.

JABURU 43:4

Yi watia mamoti dulunga ode mesba lo Allahu Taa̒ala, motaalua wolo Allahu Taa̒ala bungo lo osaanangi tutu lowatia. Watia mamopolahu mola wau moitohe kocapi, u momuji mola to Eeya, yaa Allahu Taa̒ala, Allahu Taa̒ala lowatia.

JABURU 89:26

Yilaidialio mapoluasiyo-U̒ mola, monto Lau Tenga demola Dutulaa Eperat.

YESAYA 50:10

Wuu timongoli tamomasisi to Eeya, wau modungohe loi̒ya lo wato-Lio, dalalo u ponao̒wa limongoli otanu modio̒lomo, wau diaaluo tinelo u motinelai de olemu; bo poyakinilo to Eeya; potiwunelolo to Allahu Taa̒alamu.

YEREMIA 15:15

Lapatao̒ watia loloi̒ya, “Yaa Eeya, Eeya mongalati. Eelailo wau tulungia mai watia. Tontuliyalo mai timongolio tahemo hilapita wau hemodeehe olaatia. Diila botie posabali toli mongolio tilinggula timongolio de ohaasili momate-mateelo mao̒ olaatia. Eelailo mai deu̒ sababu Eeyaalo yi watia hilinaa.

YEREMIA 20:11

Bo Eeya, yaa Eeya, to ambahu olaatia; Eeya laba-labaalo lotolo poli wau molotolo boli buheli daa̒. Timongolio tahemo hilapita wau hemodeehe olaatia mamodehu wau diila olootolo. Timongolio mamoolito laito, diila momataalo ngoa̒amila lanjana limongolio. Ohihina limongolio boito mae̒elaalo laito.

YEREMIA 31:18

Ilodungohe-U̒ umati lo Isirai̒lu loloi̒ya polupolu lou̒ suukali daa̒ lohilao, ‘Yaa Eeya, amiaatia debo odelo binatangi udiipo pilopo luwamo bo piloo̒laatai lo Eeya amiaatia u modungohe, wau botia amiaatia dapadapato u mohualingai ode Eeya. Oditolio, delowalo amiaatia muli mohualingo, yaa Eeya, Allahu Taa̒ala lamiaatia.

DANIALI 9:4

Totoonulalo dusa lobangusa lowatia hei̒laku lowatia to Eeya Allahu Taa̒ala lowatia. Loi̒ya lowatia, “Eeya Allahu Taa̒ala, Eeya udaa̒, wau mongowatotia mohulumati to Eeya. Eeya laito moe̒ela mai daantia lo Eeya wau hemo pobilohei ponu lo Eeya udiila opulitio ode limongolio tamo tolia̒nga to Eeya wau hemohutu wolo u pomalentai lo Eeya.

HABAKU 3:1

Uti-utieelo dua̒ li Nabi Habaku:

JAKARIA 14:5

Timongoli matumeteo̒ molibaya lumbaya u molayade huludu boito mowali duluo. Timongoli matumeteo̒ debo odelo tinenemoyaamu tou̒ lotoduo mai liluhu to maasa pamalenta lei Ujia, olongia lo Yehuda. Lapatao̒ dungga-dunggaalo mai Eeya Allahu Taa̒alau̒, tilunuhe lo ngoa̒amila malai̒kati.

YOSUA 14:8

Tau-tauwalo talonao̒ wolaatia, helohutu umati lo Isirai̒lu mailoohe. Bo watia tatapu wau molotolo hilao lodungoheo̒ to Eeya Allahu Taa̒ala lowatia.

1 PETRUS 1:21

Motimbulude o-Liolo timongoli palacaya to Allahu Taa̒ala tamaaluli lopotumulai o-Lio lonto opopate wau lopou̒daa̒ o-Lio. Oditolio, Allahu Taa̒alaalo tai̒laku mao̒ limongoli wau to Allahu Taa̒alaalo olo timongoli mopowunelo halapani.

1 PETRUS 4:19

Sababu uito, wonu woluo tau-tauwalo tamo dutolo sababu Allahu Taa̒ala mokahandaki odito, mamusi tau-tauwala boito tumumulo lou̒ otutu wau mopo palacaya lobatanga to Talo powali mai olimongolio. Tio malaito moe̒elai danti-Lio.