JABURU 69:7 - KITABI HABARI MOPIOHE

⁷ Diila mao̒ polulia watotia mopotoduo mai wolito totau-tauwalo tahi poharapua to Eeya, yaa Eeya, Allahu Taa̒ala Taa Laba-labaalo kawasa. Diila mao̒ polulia watotia mopodungga mai nista totau-tauwalo tahi polubowa to Eeya, yaa Allahu Taa̒ala lo Isirai̒lu!

JABURU 69:7 ပူးပေါင်းရင်းမြစ်များ

JABURU 44:15

Pilowali lo Eeya amiaatia hipodalilia lo babaa-ngusawalo; timongolio hitahalilia lo lunggongo sambela hemohina olamiaatia.

JABURU 44:22

tantu mao̒taawa lo Allahu Taa̒ala, sababu Eeya molonea̒ dilepuhe lohilaa lamiaatia.

YESAYA 50:6

Yilohi laatia lowatia totaa u momate olaatia; wau pambilinga lowatia totaa u momonggato danggu lowatia. Watia diila lopopalingo baya lowatia tou̒ watia hilinaa wau pilonula loiyohu.

YESAYA 53:3

Ito mohina wau mohalahu monto olio, taa u polupolu lo polodutolo wau biasa momanta ngongoto. Diaaluo penu boli ngotaa mao̒ tamohuto momilohe olio, penu boli ito olo diila momandungi olio.

YEREMIA 15:15

Lapatao̒ watia loloi̒ya, “Yaa Eeya, Eeya mongalati. Eelailo wau tulungia mai watia. Tontuliyalo mai timongolio tahemo hilapita wau hemodeehe olaatia. Diila botie posabali toli mongolio tilinggula timongolio de ohaasili momate-mateelo mao̒ olaatia. Eelailo mai deu̒ sababu Eeyaalo yi watia hilinaa.

LUKASI 23:11

Tei Herodes wau mongo pongowaa̒ lo suludadulio helo poitohe wau lohina li Isa, lapatao̒ pilakealio Tio boo̒ odudaa̒, lapatao̒ luli yilaolio Tio odelei Pilatus.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.