JABURU 69:5 - KITABI HABARI MOPIOHE

⁵ Taa u molonuo̒ olo watotia lou̒ diila o alaasani, lebe dadaata mao̒ wolo huwoo̒ to lunggongo watotia. Tau-tauwalo hilootola ohilaa mopobinasa olo watotia; timongolio hipoluhua olo watotia wolo pitana. Watotia pilakusaalio u mopo walingao̒ halata udiila yilambato lowatotia.

JABURU 69:5 ပူးပေါင်းရင်းမြစ်များ

JABURU 17:3

Wonu Eeya motesi hilaa lo watotia wau monao̒ mai motulete olo watotia tou̒ hui, yi mao̒dungga lo Eeya deu̒ watotia otutu wau belesi hilao; loi̒ya lowatotia motuuu̒de wolo pikiilangi lowatotia.

JABURU 19:12

Wato lo Eeya pilopo eelao̒ to ngoa̒amilalo boito; wuupa udaa̒ leidapato duo̒lo taa u modungoheo̒.

JABURU 35:19

Diila mao̒ polulia watotia poitohio lo taa u hemoluwali olo watotia lou̒ diila osababu. Diila mao̒ polulia watotia hantia̒lio lo taa u hemolonuo̒ olo watotia lou̒ diila o alaasani.

JABURU 38:5

Watotia yilumoduo̒ todelomo totala lowatotia udaata-daatalo mao̒, bantalo dusa lowatotia mailaba buheeto olo watotia.

JABURU 38:9

Helo toyopu daa̒ hilaa lowatotia wau ilopulita lo lotolo, watotia helopo ilaalo suusa sababu hilaa lowatotia balisa.

YEREMIA 16:17

Iloontonga-U̒ ngoa̒amila u pilohutu limongolio. Diaaluo u leituuo̒ to Olau̒; duduu-sawaalo limongolio olo maa iloontonga-U̒.