JABURU 69:4 - KITABI HABARI MOPIOHE

⁴ Watotia helo ngibo-ngiibode mola tunggula yiloongolo wau bunggohu lowatotia yilohengu. Mato lowatotia mololowango hemohima bantua mai lo Allahu Taa̒ala lowatotia.

JABURU 69:4 ပူးပေါင်းရင်းမြစ်များ

JABURU 35:19

Diila mao̒ polulia watotia poitohio lo taa u hemoluwali olo watotia lou̒ diila osababu. Diila mao̒ polulia watotia hantia̒lio lo taa u hemolonuo̒ olo watotia lou̒ diila o alaasani.

JABURU 40:12

Yaa Eeya, diila mao̒ pohuheli momonu mai olo watotia; duo̒lalo mai watotia laito wolo ponu wau otatapu wau olootolo hilao lo Eeya.

JABURU 59:3

Lopatalo mai watotia monto taa u hipohutua u moleeto, poa̒ahuwalo mai watotia monto tahi pomatea mate-mateelo mao̒.

JABURU 6:7

Watotia diila o lotolo sama-samaata sababu yiloongolo hemo podulohu: timii̒du hui ponu lowatotia tilumolohu heloo̒ bata tambati potuluhe lowatotita.

YAHYA 15:25

Bo mawajibulio odito, alihu motoduo mai wolo u tulatuladu todelomo Buku Butoo̒ limongolio, deu̒ito-yito: ‘Timongolio molonuu̒u-U̒ diila o alaasani.’

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

1 PETRUS 2:22

Tio diila pee̒enta mao̒ helohutu dusa, wau diila pee̒enta mao̒ olo penu boli ngotaa loo̒dungohe o-Lio helo himbulo.

1 PETRUS 2:24

Ti Almasi lohihilao talomanta totoonulalo dusaanto tobatanga-Lio toitaato ayu salipu, alihu ito molopato monto okokawasa lodusa, wau tumumulo modudua̒ u otohilaa lo Allahu Taa̒ala. Papaa-liyaalo li Almasi boitolo u lopoo̒luli olimongoli.

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.