JABURU 69:3 - KITABI HABARI MOPIOHE

³ Watotia malei lotooo̒ tohuta umoopa wau yilomo lotaluhu u modelomo, diaaluo tambati potidutaa̒alo. Watotia yilumoduo̒ totaluhu u modelomo, pileelihu lobuo̒ola ulala-lalaabu.

JABURU 69:3 ပူးပေါင်းရင်းမြစ်များ

AYUBA 11:20

Bo taa moleeto mamoo̒onto wolo hilingua, sababu olimongolio diaaa̒ polotulungi. Tuwa-tuwaulo halaapani limongolio yito alihu mautu hua̒a meidungga.”

AYUBA 16:16

Bayau̒ yileela sababu hiyonguu̒; buntungo matou̒ lomunggulo wau loidu.

JABURU 119:123

Mato lowatia molawango hemohima bubantu mai lo Eeya u mopoa̒ahu, yilima lowatia polobebasi u pilodanti mai lo Eeya.

JABURU 119:82

Mato lowatotia moongolo mohima to Eeya mopoo̒opolu mai danti lo Eeya, watotia hemoloi̒ya, “Omolua Eeya mamo liyanga olo watotia?”

JABURU 22:15

Lotolo watotia helo pulito debo odelo taluhu u lobangguwato, ngoa̒amila tulalo watotia lolopato lonto leletualio, wau hilaa lowatotia lodidi debo odelo talu.

JABURU 22:2

Allahu Taa̒ala lowatotia, yaa Allahu Taa̒ala lowatotia, yilongola Eeya lololaa olo watotia? Watotia longiibode mola, bo Eeya debo molamingo wau diila lotulungi mai to watotia.

JABURU 25:21

Pohileaala dua̒ u mopiohu wau u juujulu modaha olo watotia, sababu watotia hemo haarapu mola to Eeya.

JABURU 39:7

tutumulio mopaluto debo odelo wolilu. Ngoa̒amila daatalio lo kalajaalio diila ohuna sama-samaata; tio mopohuntu daa̒ halata, bo diila otaawa tatoonu tamo pomake mao̒.

JABURU 40:3

Eeya lomantanga olau̒ lonto huango umoo̒ topotala, wau lonto latao̒. Pilotambati lo Eeya wau̒ toitaato huludu botu, tilinggula diambanguu̒ loontapo.

JABURU 6:6

Sababu todelomo aalamu lomautu Eeya diilalo o eela; diaaluo tamomuji Eeya todelomo dunia lotaa lopuunungo.

JABURU 69:21

Polohina maloo̒hutu olo watotia yilooli ilohilaa, wau watotia lopulito halaapani. Yilolohu lowatotia odehu hilao, bo diila ohuna, yilolohu lowatotia tamoo-liyangoa, bo diila ilodungga lowatotia.

JABURU 88:7

Eeya lopomahula olaatia ode huango u modelomo, ode huango kuubulu u modelomo wau modio̒lomo.

YESAYA 38:14

Sualaau̒ lebe hemooli wau diila boti odungohe, debo odelo bulungi poombo wau̒ mohiide napasi mopodulohu. Matou̒ moongolo sababu yilumanggela mola ode hulungo, yaa Eeya, lopatalo mai watotia monto usuusa botie.

HIYONGO MOPOILAALO SUUSA 2:11

Mato lowatia lomatango sababu hilumoyongo lou̒ diila ohuheliilio, jiwa lowatia lohiheo lodutola ngongoto diilalo oloi̒yawadiilalo oloi̒yawa. Hilaa lowatia loa̒ntulu loo̒onto obobinasa lo bangusa; loo̒onto tau̒kekeei̒ boli tau̒nge bilotoo̒ to dadaa-lalaalo kota.

YAHYA 19:28

Otaawa li Isa deu̒ botia mailapato ngoa̒amilalo, wau alihu wolo u tulatuladu todelomo Kitabi mowali motoduo mai, Tio malo tahuda “Wau̒ mototoa̒ngo.”

TINGULI 28:32

Totalu lomato limongoli mongo walai̒ mongoli mawuduolio odelo wato ode tau deli. Timii̒du dulahu mato limongoli mopiyoo̒to mololohe mongo walai̒ mongoli, bo tolopani limongoli diila ohuna, sababu timongolio diilalo mohualingai.

IBRANI 5:7

Tomaasa li Isa tumutumulo todunia botie, Tio helodua̒ wau lomolohone wolo watiwaatio̒ wau hiyongo ode Allahu Taa̒ala, tamambo lopoa̒ahu o-Lio lonto opopate. Wau sababu Tio taa̒luku to Allahu Taa̒ala wolo hulumati u lealeaatulo mao̒; yi Tio dilungohe-Lio.