JABURU 69:27 - KITABI HABARI MOPIOHE

²⁷ Sababu timongolio helo ngalinaya taa u hilukuumaniU̒, wau hemoloi̒ya totau-tauwalo tahe silikisaaU̒.

JABURU 69:27 ပူးပေါင်းရင်းမြစ်များ

NEHEMIA 4:5

Ambunguolo diila mao̒ ambungua mai ololeeti mongolio wau ambunguolo diila mao̒ lipata dusa limongolio, sababu timongolio malohina olo mongowatotia tadonggo hemomongu botie.”

AYUBA 19:22

Allahu Taa̒ala tulusi lodeehe loo̒huu̒-huu̒ulo mao̒ olau̒; yilongola timongolio heloo̒baaya to Eeya? Tingga diipo ilolulia lohilao timongoli helo posikisaa?

JABURU 109:14

Huliaalo mao̒ ololeeto loluuhurulio debo ileela lo Eeya, wau dusa liilolio diila yiluluto.

JABURU 24:5

Tioolo tamaa balakatia wau poa̒ahu mai lo Eeya, wau poi̒laalo diila ototala lo Allahu Taa̒ala.

JABURU 81:12

Bo umati-U̒ diila lohuto lodungohe ola-U̒, Isirai̒lu diila lohuto lodungohe to ola-U̒.

PILOTIMUA̒TA 8:15

Tou̒ ti olongia loo̒onto mao̒ deu̒ tutuu-mbiheyalo boito mailate, tio debo baa̒ngiyolo. Wau debo odelo u matilahuda lo Eeya, ti olongia diila mohuto momaduli loi̒ya lei Musa wolei Haruna.

PILOTIMUA̒TA 8:32

Bo pee̒enta botie olo ti olongia debo baa̒ngiyolo wau diila lopoluasi bangusa boito lonao̒.

PILOTIMUA̒TA 9:12

Bo Eeya helohutu mao̒ oli olongia baa̒ngiyolo, wau debo odelo u matilahuda lo Eeya, ti olongia diila mohuto momandungi loi̒ya lei Musa wolei Haruna.

YESAYA 26:10

Penu boli taa moleeto pohutuolo wolo mopiohu, tio olo diila mopoo̒olaato wolo otutu. Penu boli tolipu lobutoo̒ olo tio mohutu diila juujulu, wau diila mohuto motolongaku kawasa lo Eeya.

YESAYA 5:6

Wau̒ mamo poluli mao̒ pobutua mai lo pilomulo udiila tilaala. Bungo lo anggurulio diila tapopota-U̒, wau diila tapo belesiyo-U̒. Tumbao̒ poluli-U̒ mao̒ otau̒be lodiu̒to oduhi wau huo̒yoto, tumbao̒ hehee-ngowaalo diniyo-U̒ mopodehu mai didi ode yitaatio.”

YESAYA 53:4

Tutuulio tutu ngongotonto wambao̒ u bilantalio, dudutolonto wambao̒ u dilutolaalio, lebe-lebe pomao̒ he lantobunto dudutolio boito hukuumani lo Allahu Taa̒ala de olio.

IMAAMATI 26:39

Ngotayade kikiio̒ limongoli tadonggo tumu-tumulo tolipu lomusu limongoli mamo minggalato sababu dusa limongoli lohihilao wau dusa loluuhuru limongoli.

MATIUSI 21:19

Lapatao̒ Tio maloo̒onto mota ayu ara ngobungo tobiihu dalalo. Tio lonao̒ mota ode bungo lo ara boito, bo diila loo̒dungga penu boli ngobotu hungolio bo duungio wambao̒. Lapatao̒ ti Isa lotahuda mao̒ ode bungo lo ayu boito, “Yio̒ madiilalo momungo mai!” Tulusi bungo lo ayu ara boito hua̒a lololantelo mola.

ROMA 1:28

Masababu manusia diila molaasa palalu moo̒onuhe to Allahu Taa̒ala, yi hiluliaalo mao̒ lo Allahu Taa̒ala pikiilangi limongolio lowali lolusa, tilinggula timongolio helohutu susuu-aliyaalo udiila opohutuo limongolio.

ROMA 9:18

Oditolio, Allahu Taa̒ala modehu hilao ode tahingota-ngotaawa, wonu Allahu Taa̒ala mokahandaki odito. Wau Allahu Taa̒ala olo moo̒sababu ode tahingota-ngotaawa mowali baa̒ngiyolo, wonu Allahu Taa̒ala mokahandaki odito.

ROMA 9:31

Bolii̒o mao̒, tau-tauwalo Yahudi laito hemo tolopani modungohe butoo̒ alihu wumbuta limongolio wolo Allahu Taa̒la muli mowali mopiohu. Bo timongolio tumbao̒ diila ilohaasili.

2 TIMOTIUS 4:14

Tei Alexander, tamoodupawa tombaha boito malohutu susuu-aliyaalo u moleeto daa̒ to olau̒. Eeya mamo lontuli mai olio modudua̒ huhutuulio.