JABURU 69:23 - KITABI HABARI MOPIOHE

²³ Huliaalo mao̒ totameli mongolio moo̒toduo mai topotala, wau mowali taalo ode tataa-muwaalo limongolio.

JABURU 69:23 ပူးပေါင်းရင်းမြစ်များ

YEREMIA 30:6

Ntali pikiilia wau tuletea! Tingga mowali talolai̒ mopotutu mai lo tau̒nge? Wonu odito, yilongola bililohe lo Eeya timii̒du talolai̒ obaya motambuti daa̒ wau lolaahangi ombongio wolo uluu̒ debo odelo taabua tao̒hilaa mopotutu mai?

DANIALI 5:6

Tio malo tambuti daa̒, wau yiloohe daa̒ tilinggula huu̒lio hulu-huluhelio.

ROMA 11:10

Huliilo mao̒ bibilohi mongolio mowali modio̒lomo alihu timongolio diila moo̒onto; wau huliilo mao̒ timongolio mowali bunggu ohiheo-hiheolo mao̒.”

ROMA 11:25

Mongo wutato! Halapuo lowatia timongoli diila mao̒ molaasa mailotota totoonulalo hitua-tuawua. Sababu woluo sua̒li hitua-tuawua u kilahandaki lo Allahu Taa̒ala, bou̒ diipo ilotaawa lotau. Wau otohilaa lowatia otaawa mao̒ limongoli; deu̒ito-yito odie: Ngotayadu monto taulo Yahudi baaa̒ngiyolo, bo pii̒li limongolio boito mapohu-pohutu bo tunggula jumulaa lotau-tauwalo tadiila Yahudi tamonao̒ mai ode Allahu Taa̒ala malei wimumuto.

2 KORINTUS 3:14

Pikiilangi limongolio maloheu̒to. Wau dilumutu todulahe botie olo pikiilangi limongolio donggo heu̒heu̒ta wolo beleu̒to tou̒ timongolio mobaca bubuu-kuwaalo pasali lou̒ daantia u muloolo boito. Beleu̒to boito bo mowali mohuo̒ wonu tau motituwau woli Almasi.