JABURU 69:19 - KITABI HABARI MOPIOHE

¹⁹ Podunggaalo mai mopoa̒ahu olo watotia, lopataalo mai watotia monto mumuu-suuwaalo watotia.

JABURU 69:19 ပူးပေါင်းရင်းမြစ်များ

JABURU 38:9

Helo toyopu daa̒ hilaa lowatotia wau ilopulita lo lotolo, watotia helopo ilaalo suusa sababu hilaa lowatotia balisa.

JABURU 5:9

Yaa Eeya, mailaba dadaatalo musu lowatotia! Delowalo watotia u mohutu kahandaki lo Eeya wau potunuwalo mai dalalo Eeya u musi nao̒o lowatotia.

YESAYA 53:3

Ito mohina wau mohalahu monto olio, taa u polupolu lo polodutolo wau biasa momanta ngongoto. Diaaluo penu boli ngotaa mao̒ tamohuto momilohe olio, penu boli ito olo diila momandungi olio.

YAHYA 8:49

Ti Isa lolametao̒, “Wau̒ diila ilotuanga lolati. Wau̒ hemo hulumati li Paapa-U̒, bo timongoli lohina ola-U̒.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

1 PETRUS 2:23

Tou̒ Tio hepilu-piluwayolio, Tio diila lomalasi wolo puwayo. Tou̒ Tio dutodutolo, Tio diila helo nganjamu; Tio bo lohudu mola palakala-Lio ode Allahu Taa̒ala, Hakimu taa̒adili boito.