JABURU 67:4 - KITABI HABARI MOPIOHE

⁴ Pohileaala dua̒ babaa-ngusawalo mosukuru mola to Eeya, yaa Allahu Taa̒ala, pohileaala dua̒ ngoa̒amila bangusa mosukuru mola to Eeya.

JABURU 67:4 ပူးပေါင်းရင်းမြစ်များ

ILOOWALI 18:25

Ambunguolo diila bolo patea mate-mateelo mao̒ tau-tauwalo tadiila ototala boito pee̒-pee̒enta wolo tao̒totala. Ambunguolo yaa Eeyaa! Sababu wonu Eeya mopohutu mao̒ uito, taa diila ototala tantuulo mao̒ maa ohukumania pee̒-pee̒enta wolo tao̒totala. Diila pongalo aakali hakimu lo ngoilanggubu aalamu mohutu udiila aadili!”

JABURU 2:8

Pohileaalo, yi ngoa̒amila bangusa wuduwo-U̒ mai olemu, wau ngoilanggubu dunia powaliyo-U̒ milikimu.

JABURU 82:6

Wau̒ motahuda mai deu̒ timongoli ilahi timongoli ngoa̒amilalo mongo walao̒ Allahu Taa̒ala Taa Laba-labaalo molanggato.

JABURU 9:8

Eeya momalenta u ohiheo-hiheolo mao̒; Eeya helo potihula tambati huhuloa̒ lo Eeya u momutoo̒ dunia.

JABURU 96:10

Pohabariyalo to babaa-ngusawalo, “Eeya boito Olongia! Dunia motoheto diila oe̒etua; Eeya mamomutoa̒i babaa-ngusawalo wolo aadili.”

JABURU 98:9

Sababu Eeya dungga-dungga mai momutoo̒ dunia; babaa-ngusawalo mabutoo̒ lo Eeya wolo aadili wau otutu.

YESAYA 54:1

Yerusalemu, muloololio mai yio̒ debo odelo taabua hunusa tadiila mowali mopotutu mai. Bo botia potinga-tingalao̒lo meengahu, polahuwalo mola wolo wengahu! Sababu mongo walau̒mu dadaata daa̒, mongilabota walao̒ taabua tadiila tilolaa lodilelio.

YESAYA 55:4

Tutuulio tutu tio powaliyo-U̒ mai tau̒wa wau eyaanggu, sakusi monto kawasaa-U̒ ode babaa-ngusawalo.

YESAYA 60:6

Lipumu poyiimooa̒ lo unta dadaata daa̒, uu̒u-ntawaalo boito meidungga monto Midian wau Epa. Monto Syeba tau modelo mai hulawa wau alama, sambela hipomujia huhutu lo Eeya.

WUNGGULI LOMONGO RASULU 17:31

Sababu Tio malolantu mai wakutu tuwau u momutoo̒ ngoilanggubu dunia botie wolo aadili. Tuugasi boito mapohutuo lo ngotaalio tamaa tilulaoto Allahu Taa̒ala u mohutu mao̒ sua̒li boito. Wau alihu ngoa̒amila tau yakini losua̒li boito, Allahu Taa̒ala maluli lopo tumulai tau boito lonto opopate!”

ROMA 2:5

Bo timongoli baaa̒ngiola wau diila mohuto molomelo. Masababu uito timongoli lohihilaolo talohutu hukuumani limongoli heo̒duhenga mola buheetio to Dulahe Kiama, wonu Allahu Taa̒ala mopoilaalo mai mulukaa-Lio wau mopodehu hukuumani u aadili.

GALATIA 4:27

Sababu todelomo Kitabi tulatulade, “Potiwengahulo yio̒ wuu taabua hunusa, tadiila pee̒enta mao̒ lopotutu mai! Potiwengahulo wau potingala-ngalao̒olo mola wolo meengahu wuu yio̒ tadiila pee̒enta mao̒ loo̒laasa ngongotio lou̒ motutu! Sababu taabua tatilolaa mao̒ lodilelio mamoo̒tapu walao̒ lebe dadaata wolo taabua tatumu-tumuulo wolo dilelio.”

TINGULI 32:43

Wuu babaa-ngusawalo, pujiaalo umati lo Eeya, sababu Eeya mohukuumani ngoa̒amila tamomate-mateelo mao̒ olimongolio. Tio momalasi niyati to musu-Lio bo mongambungu mao̒ dusa lo umati-Lio.”