JABURU 66:3 - KITABI HABARI MOPIOHE

³ Poleleaalo ode Allahu Taa̒ala, “Otutu moo̒linggolabu huhutu lo Eeya! Musu taa̒luku to Eeya polupolu lo owowohe, sababu laba-labaalo udaa̒ kawasa lo Eeya.

JABURU 66:3 ပူးပေါင်းရင်းမြစ်များ

JABURU 18:44

Eeya lopo lopatai watotia lonto kaumu tamomaahu palenta, wau lopowali olo watotia takaawasa to babaa-ngusawalo; bangusa tadiila otaawa lowatotia lowali wato lowatotia.

JABURU 18:45

Tau-tauwalo tahideelia lotaa̒aluku towatotia wau modungohe wonu palenta lowatotia.

JABURU 47:2

Polaa̒apolo mola uluu̒ wolo wengahu, wuu totoonulalo bangusa! Pujialo mola Allahu Taa̒ala wolo tingalaa̒ meengahu!

JABURU 65:5

Potisanangilo tutu taa u tilulaoto Eeya, wau tiliango Eeya u motibiluloa̒ to Bele lo Eeya. Amiaatia mapoluli tohilao wolo tilolahepaalo u mopiohu to Bele lo Eeya, piloti biluloa̒ lo Eeya u mantali.

JABURU 68:30

Mongo olongia hipodeloa dewo ode Eeya to Bele lo Eeya to Yerusalemu.

JABURU 76:12

Eelailo mola dantimu to Eeya Allahu Taa̒alamu. Patutilio ngoa̒amila bangusa tahi biluloa̒wa totili modelo dewo ode Allahu Taa̒ala u tao̒ohelo.

JABURU 81:15

yi Wau̒ hua̒a mopo taa̒aluku mai musu limongolio, wau mopoo̒laaheo̒ ngoa̒amila laawani limongolio.

PILOTIMUA̒TA 15:21

Ti Miriyama lopolahu mola ode limongolio, “Polahualo mola duo̒lo Eeya, sababu Tio maloo̒haama wolo polu-polutoo̒. Ngoa̒amila wadala wau jokilio pilomahu-Lio ode delomo deheto.”

YESAYA 2:19

To saaa̒ti Eeya timihulai wau mopolotau̒lo dunia, tau matumuwoto ode delomo gogoowaalo to huhuu-luduwaalo patihu wau mongau̒de huango todelomo huta alihu molopato monto omuluka lo Eeya wau monto kawasa lo Eeya u molamahu. Wonubolo dulahee boito meidungga, babaa-laahalaalo talaa̒ wau hulawa u piluhtu wau hetuboo limongolio boito matolaalio odito wambai̒o ode udu wau abuhu.

YESAYA 25:3

Eeya mapujio lo babaa-ngusawalo tamolotolo, wau oohelio to kokoo-tawaala lo babaa-ngusawalo tadiila omanusia.

YESAYA 40:26

Pomilohulo mola ode hulungo, wau poo̒tuotalo! Tatoonu talopowali popoo-liyamaalo? Eeya talo ngaatulu olimongolio debo odelo pasuukani, Otaawa lo Eeya jumulaa limongolio ngoa̒amila, wau motianga ngota-ngota wolo tanggulio. Diaaluo penu boli tuwau mao̒ u yilooli, sababu udaa̒alio kawasa lo Eeya!

YESAYA 64:3

Pee̒enta Eeya lohutu mai huhutu u moo̒tihela hapato, u diila helantobu lamiaatia. Eeya lotuhutai, wau totalu lo Eeya huhuu-ideyaalo lolotau̒lo.

YEREMIA 10:10

Bo Eeya, yaa Eeya, Allahu Taa̒ala tabanari, Allahu Taa̒ala tamoongohia tutumulo, olongia ohiheo-hiheolo mao̒. Wonu Eeya muluka, dunia humeula mototoo̒ wau moo̒ohuu̒, wonu Eeya muluka daa̒ yi babaa-ngusawalo diila moo̒ taahangi. (