JABURU 66:2 - KITABI HABARI MOPIOHE

² Polahuwalo wau pou̒daa̒alo mola tanggulo Eeya, polamahelo mola Eeya wolo puji poloi̒laalo momuji.

JABURU 66:2 ပူးပေါင်းရင်းမြစ်များ

NEHEMIA 9:5

Ibaadati to dulahe boito hetilumula tau-tauwalo Lewi wumbutio mola botie: tei Yesua, Kadmiel, Bani, Hasabneya, Serebya, Hodia, Sebanya wolei Petahya. Timongolio loloi̒ya, “Tihuloolo wau pujialo mola Eeya Allahu Taa̒alanto! Wohia mola poloi̒laalo momuji ode Eeya ohiheo-hiheolo mao̒! Ilopujialo mola tanggulo Eeya tapolupolu lo molamahu, tanggulo upolu-polutuo̒, mongilabotao̒ totoonulalo poloi̒laalo momuji!”

JABURU 106:2

Tatoonu tamoo̒ pololadu olootolo boli obobuheli daa̒ lo Eeya, wau mongohi poloilaalo momuji u paatuti to Eeya?

JABURU 107:15

Paatutilo timongolio mosukuru mola to Eeya sababu ponu lo Eeya, sababu totoonulalo huhutu lo Eeya u moo̒linggolabu ode manusia.

JABURU 107:22

Huliaalo mao̒ timongolio mosukuru mola lou̒ modelo dewo, wau mopo loladu huhutu lo Eeya wolo lalaa-huwaalo meengahu.

JABURU 68:33

Polahuwalo mola ode Allahu Taa̒ala, wuu ngoa̒amila yiladia, polahuwalo mola puji poloi̒laalo momuji ode Eeya,

JABURU 72:18

Ilopujiaalo mola Eeya, Allahu Taa̒ala lo Isirai̒lu! Bo Eeya tahemohutu mai susuu-aliyaalo u moo̒linggolabu.

JABURU 79:9

Tulungiyalo mai mongowatotia, yaa Allahu Taa̒ala tamoo-poa̒ahua to mongowatotia, ambungualo mai duduu-sawaalo mongowatotia wau lopataalo mongowatotia domi ohurumati lo Eeya lohihilao.

YESAYA 42:12

Mopiohulo timongolio mopou̒daa̒ to Eeya, wau mopo masaahuru Eeya to lilii-puwaalo u molamingo.

YESAYA 49:13

Polahuwalo mola wuu hulungo, potingalao̒lo meengahu wuu dunia, wuu huhuu-ideyaalo, potingalao̒lo meengahu! Sababu Eeya dungga-dungga mai moliyanga umati-Lio, Eeya momonu umati-Lio tahideehea.

YESAYA 6:3

Timongolio lotingalao̒ ngota timongota: “Mantali, mantali, mantali, Mantalilo mola Eeya Taa Laba-labaalo kawasa. Dunia lopolu lo owoluo-Lio u molamahu.”

WAHI 5:13

Lapatao̒ watia loo̒dungohe totoonulalo mahaluku tohulungo, todunia, to walungo dunia wau todelomo deheto – limbui̒o mao̒ totoonulalo mahaluku to ngoilanggubu aalamu botie – hipolahua, “Tio tahulo-huloo̒ toitaato tambati huhuloa̒ li olongia, wau Sangi Walao̒ Himba boito, deu̒ito-yito ilopujia, wau hulu-hulumati boli udaa̒ wau okawasa u ohiheo-hiheolo mao̒!”