JABURU 51:3 - KITABI HABARI MOPIOHE

³ Ponualo mai watotia yaa Allahu Taa̒ala, sababu Eeya debo momonu, lulutaalo mai dusa lowatotia sababu odehu hilao lo Eeya u udaa̒.

JABURU 51:3 ပူးပေါင်းရင်းမြစ်များ

AYUBA 33:27

Yi totalu lotaa dadaata tio mamoloi̒ya, ‘U moleeto ilanggapuu̒ mopiohu, yi iludaa̒alo mola dusau̒, bo Allahu Taa̒ala diila lohukuumani mai olau̒.’

JABURU 32:5

Lapatao̒ watotia lotolongaku mola dusa lo watotia to Eeya, totala lo watotia diaaluo u dilepuhe lo watotia. Watotia lolantu u motolongaku mola to Eeya, wau Eeya helo ngambungu mai ngoa̒amila dusa lowatotia.

JABURU 38:18

Watotia bolo ngopee̒ lodehu, mololalaaita watotia heodungga lo ngongoto.

JABURU 40:12

Yaa Eeya, diila mao̒ pohuheli momonu mai olo watotia; duo̒lalo mai watotia laito wolo ponu wau otatapu wau olootolo hilao lo Eeya.

JABURU 41:5

Loi̒ya lo watotia, “Watotia mai̒lodusa to Eeya, yaa Eeya, ponuwalo watotia wau poo̒lulia mai watotia.”

POHUMAYA 28:13

Tatoonu tamoluuo̒ dusalio diila tau̒untungi. Tatoonu tamongaku wau mololaa mao̒ dusalio, maponuo lo Eeya.

YESAYA 43:25

Bo Wau̒ Allahu Taa̒ala talo lulutai dusaamu, Wau̒ longambungu mai olemu sababu mao̒ditolo watade-U̒; Wau̒ diila moe̒ela-eela mola dusaamu.

YESAYA 59:12

Otutu dadaatalo mao̒ ololeeto lamiaatia to Eeya; duduu-sawaalo lamiaatia hemo potala olamiaatia. Amiaatia otu-otutuulo mao̒ mongalati ololeeto lamiaatia, wau motota duduu-sawaalo lamiaatia.

YEREMIA 3:25

Oditolio, poluliaalo mai amiaatia momanta woolito, wau poluliaalo mai amiaatia mowali hina. Sababu, amiaatia wau loluuhuru lamiaatia mai̒lodusa to Eeya Allahu Taa̒ala lamiaatia, wau diila pee̒enta mao̒ lodungohe to ngoa̒amila palenta lo Eeya.”