JABURU 5:4 - KITABI HABARI MOPIOHE

⁴ Sababu bo to Eeya watotia modua̒, yaa Eeya, dungohilo mai iibodu lowatotia tou̒ dimodupo. Didii-modupo deloo lowatotia dewo lowatotia wau watotia mohima totametai lo Eeya, yaa Eeya.

JABURU 5:4 ပူးပေါင်းရင်းမြစ်များ

BOHULO TAWARI 29:17

Otaawa lo watotia Eeya helotesi mai hilaa lo timii̒du ngotaalio wau Eeya motohilaa taa umantali hilaalio. Wolo hilao motulidu wau ihilasi wau hilao sanangi pilodewo mola lo watotia ngoa̒amilalo botie ode Eeya. Watotia malo sakusi woloolo mola umati lo Eeya tahi ambua tewe helodelo dewo limongolio ode Eeya wolo sanangi lohilao.

JABURU 101:7

Tamoo-himbuloa diila mowali motibiluloa̒ tobele lowatia; tamoo-himbuloa diila tamoo̒ taahangi totalu lowatia.

JABURU 11:5

Eeya hemotesi taa mopiohe wau taa moleeto, Eeya molonua̒a to taa udiila omanusia.

JABURU 140:13

Otaawa lo watotia Eeya mongohi mai ua̒adili totaa hideehea, wau mopoduulua palakala lotaa mosikini.

JABURU 50:21

Uitoolo u pilohutumu, bo Wau̒ helo tipoo̒oyo wambao̒, oditolio to pikiilangimu Wau̒ debo odelo yio̒. Bo botia Wau̒ mohentea̒i olemu, wau ngoa̒amila boito powaliyo-U̒ mai ilai̒laalo olemu.

JABURU 63:2

Yaa Allahu Taa̒ala, Eeyaalo Allahu Taa̒ala lowatotia, helolohu lo watotia wau ilowooloola mola lowatotia, yaa Eeya. Debo odelo huta delita mototoa̒ngo lo taluhu odi-odieelo mola watotia mooloolo to Eeya.

JABURU 88:14

Bo watotia, mei̒ tuulungi mai to Eeya, yaa Eeya, timii̒du dimodupo watotia hemodua̒ mola to Eeya.

JABURU 92:15

bungo lo ayu u donggo hemomungo totembo pilanggola mola, debo moidu wau mopiohu.

JABURU 94:20

Eeya diila helo panggala wolo mongo butoo̒ hileeta, tahi pomatujua u moleeto dadaasari to butoo̒.

HABAKU 1:13

Bo woloolo mola Eeya moo̒ tahangi momilohe tau-tauwalo moleeto wau diila omanusia boito? Diila maa Eeya talaba-labaalo mantali u momilohe ololeeto? Diila maa Eeya umolaasa molonuo̒ moo̒onto odiila aadili? Oditolio, yilongola Eeya lotipoo̒yo wambao̒ tou̒ taa saale ilaantulu lo tamomaahu palenta?

MALEAKHI 2:17

Timongoli helohutu Allahu Taa̒ala madiilalo mohuto wolo tabiboomu. Bo timongoli mohintu, “Woloolo mola mongowatotia mohutu to Eeya madiilalo mohuto?” Wolo moloi̒ya, “Ngoa̒amila taa u mohutu moleeto anggapuo lo Eeya mopiohe, wau Eeya motuhatawa toli mongolio.” Meaalo lou̒ mohintu, “Tou̒toonu Allahu Taa̒ala tailanggapu aadili boito?”

YAHYA 14:23

Ti Isa lolametao̒, “Taa motolia̒ngu-U̒, mamo dudua̒ pongaajali-U̒. Ti Paapa-U̒ mamomonu mai olio. Ti Paapa wau Wau̒ mamei dungga mai ode olio wau motibiluloa̒ wolio.

IBRANI 12:14

Potolo panilo u tumumulo lou̒ mopiohe wau dame wolo taa ngoa̒amila. Potolo panilo olo u tumumulo mantali, tolomodu ode Eeya. Sababu diaaluo penu boli ngotaa mao̒ mowali moo̒onto Eeya wonu tio diila tumumulo debo odelo uito.

2 PETRUS 3:13

Bo ito mohima wolo umapilo danti mai lo Allahu Taa̒ala, deu̒ito-yito hulungo u bohu wau dunia u bohu, tou̒toonu woluo u aadili.

WAHI 21:23

Kota boito diila palalu otinela mato lodulahu meaalo hulalo, sababu odudaa̒ lo Allahu Taa̒ala molinela olio, wau Walao̒ Himba boito yito tohelio.

WAHI 21:27

Bo taa umohutu susuu-aliyaalo umoo̒ lonuo̒, meaalo taa u mohimbulo – limbui̒o mao̒ penu boli wolo unajisi wambai̒o, sama-samaata diila tatumuwota ode delomio. Tamaa tumuwotao̒ bo taa u tanggulio tulatulade todelomo Buku Taa Tumutumulo, buku lo Walao̒ Himba boito.