JABURU 5:3 - KITABI HABARI MOPIOHE

³ Pandungialo mai iibodu lowatotia wau tulungialo mai watotia, yaa Olongia lowatotia wau Allahu Taa̒ala lowatotia.

JABURU 5:3 ပူးပေါင်းရင်းမြစ်များ

AYUBA 34:28

Timongolio loo̒sababu taa mosikini helo poi̒laalo susa hiyongi mongolio dilungohe lo Allahu Taa̒ala.

JABURU 119:147

Didimodupo watotia mobongu wau hemo ngiibodu mei̒ tuulungi; watotia hemo tiwunela to danti lo Eeya.

JABURU 130:2

Yaa Eeya, dungohilo mai iibodu lowatotia, poo̒tuotilo mai polohone lowatotia.

JABURU 130:6

Watotia mooloolo to Eeya, lebe lou̒ ngotaalio taa umonao̒ mohelili u modaha oa̒amani u mooloolo dulahu mobutu mai.

JABURU 145:1

Poloi̒laalo momuji lonto olei Dauda. Watotia ohilaa mopou̒daa̒ mola to Eeya, yaa Allahu Taa̒ala lowatotia wau Olongia lowatotia, wau momuji mola to Eeya ohiheo-hiheolo mao̒.

JABURU 22:2

Allahu Taa̒ala lowatotia, yaa Allahu Taa̒ala lowatotia, yilongola Eeya lololaa olo watotia? Watotia longiibode mola, bo Eeya debo molamingo wau diila lotulungi mai to watotia.

JABURU 44:5

Eeyaalo Olongia lo watotia wau Allahu Taa̒ala lowatia, talongohi mai u loo̒haama to umati lo Eeya.

JABURU 55:17

Bo wau̒ mongiibode mola to Allahu Taa̒ala, Eeya mamo poa̒ahu mai olau̒.

JABURU 69:16

Diila mao̒ polulia watotia peelihu lobuo̒olo ulala-lalaabu, wau moa̒humo towamoo̒ deheto meaambo lobungolo todelomo huango.

JABURU 74:12

Tumulalo mai bohulio Eeyaalo olongia lowatia, yaa Allahu Taa̒ala, Eeyaalo tahe lopoa̒ahu olamiaatia.

JABURU 84:4

Tumbao̒ dinggota moo̒tapu beelea wau bulungi kekeei̒ u hiwitoma lambutio obeelea tuwau, tambati podutua limongolio lo walai̒o totili mesba lo Eeya, yaa Eeya Taa Laba-labaalo kawasa, Olongia lowatotia wau Allahu Taa̒ala lowatotia.

JABURU 88:13

Tingga woluo tamotota u moo̒linggolabe lo Eeya todelomo u modio̒lomo, meaambo opopiohu lo Eeya tolipu tambati lotaa yilipato?

YESAYA 26:9

Jiwa lowatia mooloolo to Eeya tou̒ hui, hilaa lowatia hemohaalapu to Eeya tou̒ dimodupo. Wonu Eeya de momutoa̒i dunia, tuango dunia mamotota mao̒ wolo u otutu.

HIYONGO MOPOILAALO SUUSA 3:56

Watotia momolohone wolo laba-labaalo diila mao̒ tau̒be bulonga lo Eeya to polohone lowatotia alihu Eeya motulungi mai olo watotia. Yi dua̒ lowatotia dilungohe lo Eeya, wau Eeya mai lohimbide; Eeya lotahuda, ‘Diila mao̒ pohuluhelo.’

MARKUSI 1:35

Loloombulio mola, tou̒ donggo molaliyonu daa̒, ti Isa lobongu tulusi lololaa mao̒ bele. Tio lonao̒ mola ode tambati udiila otau to bulemengo kota, wau lodua̒ mola teto.