JABURU 41:9 - KITABI HABARI MOPIOHE

⁹ Uali mongolio, “Ngongotio tiluhua daa̒, tio diila pongalo aakali muli mobongu mai.”

JABURU 41:9 ပူးပေါင်းရင်းမြစ်များ

YAHYA 13:18

Wolo u tilahuda-U̒ mai botie diila tomimbihu olimongoli ngoa̒amila. Otaawa-U̒ tita-tita tamaa tilulaotu-U̒. Bo wolo u tulatuladu todelomo Kitabi, musi motoduo mai, deu̒ito-yito, ‘Taa molamela wola-U̒, mamoluwali ola-U̒.’

MATIUSI 26:23

Ti Isa lolametao̒, “Tamo polomo roti todelomo manggo pee̒-pee̒enta wola-U̒, tio-tioolo tamamo hiyanati ola-U̒.

YEREMIA 20:10

Odungohe tau hipoloohuma to utoonulalo mao̒, “Owoohe hemohutu totoonulalo otohilaa lohilao! Dulo podulohe tio ode tao̒kawasa!” Tumbao̒ ngoa̒amila sahabati mohulango wolaatia hemohima odudehu lowatia. Uali mongolio, “Otanu wolo paaluto, tio mowali olaahento, alihu mowaliilo ito momaalasi niyati ode olio.”

AYUBA 19:19

Moo̒onto olau̒, tamaniu̒ modudula daa̒ wolau̒ molaasa tumihela hapato; wau̒ tilolaa limongolio lotao̒ tolia̒nguu̒.

OBAJA 1:7

Yio̒ yimbulowa lomongo panggalumu, wau polahiolio lonto lipumu. Yio̒ olaahe lomongo sahabatimu, hentobu lotaa hemolamela wolemu. Timongolio mamohintu-hintu pasali lo batangamu, ‘Tou̒toonu botia ngoa̒amila pongototamu?’

MIKHA 7:5

Diila mao̒ yakinia to tiheedumu, diila mao̒ potiwunela to sahaabati. Poo̒daha-dahaalo mao̒ wolo loloo-i̒yaamu eleponu tamo dungoheo̒ yito dilemu taabua lohihilao.

OLUO LO SAMUEL 15:12

Lapatao̒ tou̒ tei Absalom donggo hemo podewo bake, tio olo lolao utolia ode kota Gilo u lotiangai olei Ahitopel, deu̒yito-yito tala ngota lo tamoo-nasehatia li Olongia Dauda. Odi-odieelo mola woomboa tahi poluwalia oli olongia boito lebe hemo lotolao̒, wau lebe hedadaata mola tahidudua̒ olei Absalom.

AYUBA 19:13

Mongo pohutatau̒ pilopo lamingo lo Eeya lonto olau̒; wau̒ lowali tau deli to ngoa̒amila tamoo̒taawa wolau̒.

TINGULI 32:15

Umati lo Eeya lowali kaya, bo yinao momalakala, timongolio hiliingohe, hibutuhe lou̒ aalo. Lapatao̒ timongolio lololaa mao̒ Allahu Taa̒ala, Talopowali mai olio wau diila mololimo Tamoo-poa̒ahua olio tamolotolo boli buheli.

JABURU 101:3

ololeeto diila tapoluli lowatia. Yilonuo̒ lowatia huhutu lotaa momaahe iimani, wau diila mohuto mou̒ruusania woli mongolio.