JABURU 40:9 - KITABI HABARI MOPIOHE

⁹ Watotia sanangi mohutu mao̒ kahandaki lo Eeya, yaa Allahu Taa̒ala, butoo̒ lo Eeya tilahu mao̒ lowatotia todelomo hilao.”

JABURU 40:9 ပူးပေါင်းရင်းမြစ်များ

JABURU 119:13

Wolo suala daa̒ watia mopo malalumu ngoa̒amila butoo̒ u yiludu mai lo Eeya.

JABURU 139:2

Otaawa lo Eeya totoonulalo huhutu lowatotia; monto molamingo Eeya mongalati pikiilangi lo watotia.

JABURU 22:22

Watotia diila olotolo, lopataalo mai watotia monto tunge losapi oa̒ayua wau monto tunggilo hayahayao̒ singa.

JABURU 22:25

Sababu Eeya diila momilohe hina taa hideehea, wau diila momilohe gambangi polodutolio. Eeya diila mopalingo monta tau boito, bo modungohe wonu tio mei̒ tulungi to Eeya.

JABURU 35:18

Yi watotia mamo sukuru mola ode Eeya to huungo umati lo Eeya, wau momuji mola tanggulo Eeya todelomo dudunggaya limongolio.

JABURU 37:31

Butoo̒ lo Allahu Taa̒alaalio tahutahu todelomo hilaalio, tio diila molambanga butoo̒ boito.

YEREMIA 31:33

Uti-utieelo daantia bohu u mapohutuwo-U̒ wolo umati lo Isirai̒lu: ngoa̒amila butoo̒o-U̒ madutuwo-U̒ todelomo hilaa limongolio, wau tuladu-U̒ mao̒ todelomo hilaa limongolio. Wau̒ mamowali Allahu Taa̒ala limongolio, wau timongolio mamowali umati-U̒.

YAHYA 21:17

U otolulio ti Isa luli lotahuda mao̒ olio, “Simon walae̒e Yona, wolo yio̒ motolia̒ngo ola-U̒?” Tei Petrus masiluukali sababu ti Isa malohintu olio tunggula poo̒otolu. Yi tei Petrus luli lolametao̒, “Eeya, otaawa lo Eeya totoonulalo u hitua-tuawua. Otaawa lo Eeya watotia motolia̒ngo to Eeya!” Tulusi ti Isa lotahuda olio, “Biyaheelo ngoa̒amila himba-U̒.

IBRANI 2:12

Ti Isa loloi̒ya ode Allahu Taa̒ala, “Wau̒ mamo pohabari tomongo wutatu-U̒ pasali lo Allahu Taa̒ala. Wau̒ mamomuji mola Allahu Taa̒ala todelomo dudunggaya limongolio.”

YOSUA 22:22

“Taa Laba-labaala kawasa yito Eeya! Otaawa lo Eeya yilongola ami helohutu sua̒li botie, otohilaa lami olo alihu otaawa mao̒ limongoli! Humayaalio ami mohutu sua̒li boito wolo makusudu moluwali to Eeya meaalo kalana ami diilalo palacaya to Olio, yi huliilo mai ami mateelo mola botia!