JABURU 40:5 - KITABI HABARI MOPIOHE

⁵ Potisanangilo tutu taa u palacaya to Eeya, tadiila loduduo̒ lolubo dedeewaalo, meaalo lei̒ tuulungi totaa soombongi.

JABURU 40:5 ပူးပေါင်းရင်းမြစ်များ

AYUBA 26:14

Bo ngoa̒amila boito bo potuoto lo kawasaa-Lio; bo loohuma u leidungga mai to bulonganto. Mailaba ngoi̒di pongotota to olanto pasali lo Allahu Taa̒ala wau oheebati kawasaa-Lio!”

AYUBA 5:9

Totoonulalo ilomata lo Allahu Taa̒ala polu-polutuo̒; ito diila mabo momahamu mao̒. Totoonulalo moo̒linggolabe u pilohutu-Lio mai, diila oyia̒apa wau diila opulitio.

AYUBA 9:10

Diila opahaamuanto totoonulalo ilomata lo Eeya, diila mambo ito moia̒apo mumuu-jijatiyaalo Eeya.

JABURU 136:4

Bo Eeya tamohutu mai totoonulalo moo̒linggolabe udaa̒; ponu lo Eeya ohiheo-hiheolo mao̒ diila opulitio.

JABURU 139:6

Mailaba delomio ode watotia pongotota lo Eeya boito, diila ooma lo pikiilangi lowatotia.

JABURU 71:15

Ngotupa lodulahu mawunggulio lowatotia totoonulalo huhutu lo Eeya ua̒adili, wau oa̒ahu monto Eeya u diilalo oyia̒apa.

JABURU 73:28

Bo olaatia otutu mopiohulo woluo totili lo Allahu Taa̒ala, Eeya Allahu Taa̒ala pilowali lowatia tambati potiduo̒la lowatia, alihu watia moo̒ pololade totoonulalo huhutu lo Eeya.

JABURU 92:5

Sababu huhutu lo Eeya moe̒engahe hilaa lowatotia, watotia mopolahu mola wolo weengahu sababu ilomata lo Eeya.

PILOTIMUA̒TA 11:8

Pulitio tei Musa malo loi̒ya, “Ngoa̒amila tahidihuma pantungo lipu li Tuani lowatotia mamonao̒ mai wau mosujudu totalu lowatotia wau mohile alihu watotia wau bangusa lowatotia mololaa mao̒ lipu botie. Lapatao̒ uito watotia mamonao̒.” Lapatao̒ wolo loingo daa̒ tei Musa lololaa mao̒ oli olongia.

PILOTIMUA̒TA 15:11

Allahu Taa̒ala toonu tamowali mongilabotao̒ ole-Mu, yaa Eeya Taa Laba-labaalo molamahu wau mantali? Tatoonu tamowali mohutu u momoo̒-linggolabeyalo wau huhutu leidaa̒ debo odelo Eeya?

YEREMIA 29:11

Wolo diila Wau̒ lohihilao tamotota ngoa̒amila lanjana-U̒ ode limongoli? Ngoa̒amila lanjana boito diila u mopo topotala olimongoli, bo u mopoa̒ahu olimongoli wau u mongohi mai olimongoli dulahee momooli u lealeaatu lo halapani.