JABURU 40:2 - KITABI HABARI MOPIOHE

² Wolo sabali wau̒ hemohima tulungia mai lo Eeya; lapatao̒ Eeya lopoo̒ tuotai olau̒ wau lodungohe iiboduu̒.

JABURU 40:2 ပူးပေါင်းရင်းမြစ်များ

JABURU 37:23

Eeya modelo tau todalalo u musi nao̒olio, Eeya mopoo̒ tohetai taa u tutumulio motuhatawa to Eeya.

JABURU 119:133

Poo̒tohetalo mai diambango watotia motuuu̒de wolo danti lo Eeya, diila mao̒ polulia watotia kawasaa mai lou̒ moleeto.

JABURU 27:5

Eeya helo duo̒lai olo watotia tou̒ ileepita; Eeya loluuo̒ olo watotia todelomo Bele-Lio, wau lomintaa̒ mola olo watotia ode yitaato hui̒dee botu.

JABURU 61:2

Dungohilo mai iibodu lowatotia, yaa Allahu Taa̒ala, poo̒tuotilo mai dua̒ lowatotia.

JABURU 71:20

Eeya helongohi mai olo watotia polodutolo dadaata u mobuheeto, bo Eeya mamo ponguli mai lotolo watotia wau muli mopotumulai watotia monto kuubulu.

JABURU 86:13

Sababu Eeya debo momonu olo watotia wolo ponu u udaa̒; Eeya malo lopatai nyawa lowatotia lonto huango kuuburu.

JABURU 69:2

Poa̒ahuwalo mai watotia, yaa Allahu Taa̒ala, sababu taluhu malo botula demai buloo̒ lowatotia.

JAKARIA 9:11

Eeya lotahuda ode umati-Lio, “Domi daantia u pilohutu-U̒ wolimongoli, daantia u silaaha wolo duhu bake lodewo, malopato-U̒ ulipumu tahi dutolaa todelomo polayahu debo odelo taa u leiu̒lungo todelomo ali mohengu.

JABURU 18:36

Yaa Eeya, Eeya loduo̒lai wau lopoa̒ahu olo watotia, wau helo lumude olo watotia wolo kawasa lo Eeya; watotia lowali lebe lolaio̒ sababu huhutu lo Eeya.

WUNGGULI LOMONGO RASULU 2:24

Bo Allahu Taa̒ala luli lopotumulai o-Lio lonto wolota lotau-tauwalo tahe lopowate. Tio tiloloolo lo malikili mautu, bo Allahu Taa̒ala lolopata o-Lio, sababu diila pongalo aakali Tio kawasaalio tulusi lo opopate.

JABURU 143:3

Musu lowatotia malo hilapita wau lopoo̒laahe olo watotia, wau lopotuoto olo watotia ode delomo tutupa u modio̒lomo; watotia lowali debo odelo taa u malohiiheo yilate.

JABURU 17:5

Watotia laito tumutumulo lodudua̒ potuhata lo Eeya wau diila helo lambanga potuhata boito.

JABURU 116:3

Watia ilaanjamu baala lomautu; otihela hapato lomautu loluhu olaatia, helohutu olaatia balisa wau yiloohe.

MATIUSI 13:50

Lapatao̒ tau-tauwalo tahileeta boito mapo mahulolo ode delomo tihengo otulu. Mota teteetolo timongolio mahumoyongo wau modutolo.”

YESAYA 24:22

Timongolio maa̒ambuolo pee̒-pee̒enta debo odelo taulo tutupa todelomo wangopa, wau potuwotolo ode delomo tutupa tunggula meidungga wakutuulio u hukuu-maniyolo.

JABURU 18:7

To delomo ileepita lowatotia, watotia helo ngiibode mola to Eeya, watotia longuatia̒ mola ode Allahu Taa̒ala lowatotia lei̒ tulungi mai. Lonto Bele-Lio Eeya lodungohe suala lowatotia wau lopoo̒ tuotai iibodu lowatotia.