JABURU 4:3 - KITABI HABARI MOPIOHE

³ Wuu tau-tauwalo, donggo ngoolo mola poli timongoli mohina to Allahu Taa̒ala lowatotia? Dilumutu omolua timongoli motolia̒nga udiila ohuna wau mohilapita udiila otutu?

JABURU 4:3 ပူးပေါင်းရင်းမြစ်များ

JABURU 31:23

To delomo olilingu lowatotia, yilan tobu watotia Eeya malolapi olau̒ lonto talu lo Eeya. Bo Eeya malo dungohe polohoneu̒ tou̒ wau̒ longiibode mola to Eeya.

JABURU 34:15

Poo̒lamingalo u moleeto, wau pohutua mao̒ u mopiohe, tolopaniyalo polodame wolo lealeaatu lotolo.

JABURU 49:3

mopio taa biaasa, meaambo tahimuloa lo ulipu, mopio taa mosikini, meaambo taa kaya.

JABURU 50:5

Tahudaa-Lio, “Ambuwalo ngoilanggubu umati-U̒ tamalo ngawade daantia wola-U̒, wau lopoo̒ tohetao̒ wolo bake tilambalo.”

JABURU 56:9

Eeya helo yia̒apa duduu-laheyaalo pilonao̒wa ode utoonulalo mao̒ lowatia, wau helotota jumulaa ponu lowatia; wolo diila Eeya tamoo̒-reekenia mao̒?

JABURU 6:8

Mato lo watotia moliliu̒lo sababu suukali, wau diila boti motilango sababu mumuu-suuwaalo watotia.

JABURU 62:10

Manusia bo ngohiipo napasi, udaa̒ kikiio̒ tutuuwauwa diila ohalaga. Wonu timengoolo, timongolio mopatato moheelo, lebe moheelao̒ wolo ngopohiipo lo napasi.

PILOTIMUA̒TA 33:16

Woloolo mola otaawa lotau deu̒ Eeya motuhatawa wolaatia wau wolo bangusa boito wonu Eeya diila motulungi mai olamiaatia? Owoluo lo Eeya tohuungo lamiaatia mamopo hiihede olamiaatia wolo babaa-ngusawalo wewo todunia.”

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

EPESUS 2:10

Ito yito pilowali lo Allahu Taa̒ala, wau lotimbulude li Isa Almasi, Allahu Taa̒ala lopoo̒piohu mai olanto alihu ito mohutu mao̒ susuu-aliyaalo u mopiohe umaa pilohetu-Lio olanto.

2 TIMOTIUS 2:19

Bo daasali motoheeto u pilohutu mai lo Allahu Taa̒ala diila mowali etuwolo. Toitaatio tulatulade utie, “Eeya moo̒onuhu tau-tauwalo miliki-Lio”, wau “Taa u moloi̒ya deu̒ tio miliki lo Eeya, tau boito musi mohuheli mohutu huhutu utalatala”.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

1 PETRUS 2:9

Bo timongoli yito bangusa tatilulaoto, mongo iimamu tamomaya li olongia, bangusa tamantali, tolomodu duo̒lo Allahu Taa̒ala, umati lo Allahu Taa̒ala lohihilao. Allahu Taa̒ala lolulaota olimongoli wau lotianga olimongoli yilumuwalo lonto u modio̒lomo u tumuwoto ode delomo baa-Ngio ulaba-labaalo mobaango, wolo makusudu alihu timongoli mopololadu habari pasali lo totoonulalo huhutuu-Lio upolu-polutuo̒.

2 PETRUS 2:9

Oditolio otaawa lo Eeya woloolo mola mopoa̒ahu tau-tauwalo tahipo dudua̒awa u otohilaa-Lio wonu timongolio motaalua wolo totoonulalo nahati. Wau otaawa lo Eeya woloolo mola molahu tau-tauwalo tahileeta u sikisaalo to Dulahe Pomutoa̒lo,