JABURU 38:20 - KITABI HABARI MOPIOHE

²⁰ Tau-tauwalo tahi pomusua olo watotia dadaata wau hilootola, timongolio molonuo̒ todudelo tutumulo watotia.

JABURU 38:20 ပူးပေါင်းရင်းမြစ်များ

JABURU 35:12

Opopiohu lo watotia tilulia limongolio wolo u moleeto; watotia loa̒humo todelomo yilooli harapani.

1 YAHYA 3:12

Diila mao̒ potihutu ito debo odelo tei Kain, tamalowali walao̒ Ibilisi wau lomate wutatio lohihilao yila-yilateelo mao̒. Wolo sababuulio tei Kain lomate wutatio yila-yilateelo mao̒? Sababu susuu-aliyaalo u pilohutulio yito tilala, bo susuu-aliyaalo u pilohutu lowutatio boito otutu.

YEREMIA 18:20

Wolo mowali u mopiohu balasiyalo lou̒ moleeto? Bo timongolio malongau̒de huango alihu watotia modehu mola ode delomio. Eelailo mai deu̒ watotia malo poduulua olimongolio totalu lo Eeya, alihu Eeya diila mao̒ muluka olimongolio.

1 PETRUS 3:13

Tatoonu tamo tohilaa mohutu u moleeto olimongoli, wonu timongoli sanangi mohutu u mopiohu?

YAHYA 10:32

Boti Isa lotahuda mao̒ olimongolio, “Timongoli maloo̒onto ola-U̒ helohutu dadaata kalaja umopiohu, uiludu mai li Paapa ola-U̒. Monto ngoa̒amila kalaja boito, toonu umoo̒ sababu olimongoli ohilaa momai̒ ola-U̒?”

JABURU 7:4

Yaa Eeya Allahu Taa̒ala lo watotia, humayaalio watotia helohutu udiila juujulu, helohutu u moleeto to sahabati, meaalo heloo̒ luhi laawani lou̒ diila o alaasani, humayaalio watotia helohutu u odito,

BOHULO SEMUEL 25:21

To saaa̒ti boito tei Dauda donggo hemotolo mikiilangi mola, “Diila ilohuna wambai̒o wau̒ helodaha miliki lotau boito tohuta datahu u luasi daa̒ wau delita! Diaaluo penu boli ngoi̒di mao̒ uilooli lonto milikiilio; wau botia tiluliilio opopiohuu̒ wolo u moleeto!

BOHULO SEMUEL 25:16

Hui wau dulahu timongolio helodaha olamiaatia ngotilonggadu amiaatia hemo himbala batade wau himba totili limongolio.

BOHULO SEMUEL 23:5

Yi lonao̒lo tei Dauda wolo tahidudua̒ olio ode Kehila lapatao̒ tiluhulio wau hepilatelio yila-yilateelo mao̒ dadaata taulo Pilistin, yilambatio bibiahi mongolio. Odi-odieelo mola tei Dauda helo lopato ulipu lokota boito.

MATIUSI 5:10

Potisanangilo tutu taa modutolo poloa̒linaya sababu hemohutu kahandaki lo Allahu Taa̒ala; timongolio yito pongawaa̒ umati lo Allahu Taa̒ala!

JABURU 25:19

Bilohilo mai malo odito daatalio musu lowatotia; timongolio molonuo̒ daa̒ olo watotia.

JABURU 35:19

Diila mao̒ polulia watotia poitohio lo taa u hemoluwali olo watotia lou̒ diila osababu. Diila mao̒ polulia watotia hantia̒lio lo taa u hemolonuo̒ olo watotia lou̒ diila o alaasani.

JABURU 142:7

Poo̒tuotilo mai iibodu lowatotia, sababu watotia laba-labaalo modutolo. Poa̒ahuwalo watotia monto mumuu-suuwaalo watotia, sababu timongolio laba-labalo molotolo ode watotia.