JABURU 3:4 - KITABI HABARI MOPIOHE

⁴ Bo Eeya, yaa Eeya, deu̒yito-yito porisai u moduo̒lai olo watotia. Pilyilohi lo Eeya watotia u loo̒haama, wau Eeya lopou̒daa̒ hilaa lowatotia.

JABURU 3:4 ပူးပေါင်းရင်းမြစ်များ

ILOOWALI 15:1

Lapatao̒ uito tei Abram lololimo bibilohe wau loo̒dungohe Eeya lotahuda mai olio, “Diila mao̒ oohe, Abram, Wau̒ mamoduo̒lai olemu monto baala, wau mongohi mai olemu wuupa udaa̒.”

JABURU 119:114

Eeyaalo tamoo-dulua wau tamoo duo̒lawa olo watotia, watotia hemo tiwunela todanti lo Eeya.

JABURU 138:3

Tou̒ watotia longiibode mola to Eeya, Eeya lolametai, piloo̒lotolo Eeya hilaa lowatotia tilinggula watotia lowali buheli.

JABURU 18:3

Eeya debo odelo biintengi u motoheto tambati potiduo̒la lowatotia. Allahu Taa̒ala lo watotia debo odelo hui̒dee botu tambati potililunga lowatotia. Debo odelo porisai, Eeya lolau̒bei olo watotia, wau helodaha olo watotia alihu aamani laito.

JABURU 2:6

Tahudaa-Lio, “To Sion huludu-U̒ u mantali mapiludu-U̒ olongia tatilulaotu-U̒.”

JABURU 27:6

Botia watotia loo̒haama tomusu topalito lowatotia; yi wolo tingalaa̒ meengahu pilodewo lowatotia bake sukuru to Bele lo Eeya; watotia ohilaa mopolahu mola wau momuji to Eeya.

JABURU 28:7

Eeya tamoo-duo̒lawa wau tamoo-duuluwawa olo watotia, watotia palacaya to Eeya. Eeya lotulungi mai wau heloo̒ wengahe hilaa lowatotia, watotia momuji mola to Eeyawolo lahu sukuru.

JABURU 34:4

Pou̒daa̒alo mola Eeya pee̒-pee̒enta wolau̒, dulo pee̒-pee̒enta mopolamahu tanggu-Lio.

JABURU 34:6

Taa hideehea helo tiwunela mola to Eeya wau lotiwengahu, timongolio diila o alaasani u mowali moolito.

JABURU 43:3

Poi̒laalolo mai otatapu wau olootolo hilao lo Eeya u molinelai wau modelo olaatia, alihu watia muli mohualinga ode Sion, huludu lo Eeya u mantali wau ode Bele potibiluloa̒ lo Eeya.

JABURU 50:15

Pongiibodulo to Olau̒ tou̒ oweepita, Wau̒ mamo lopatai olimongoli, wau timongoli mamomuji ola-U̒.”

JABURU 62:8

Eeyaalo Allahu Taa̒ala talongohi mai olaatia oa̒ahu wau ohurumati, Eeyaalo tamoo-duo̒lawa olaatia wau tamooduulua tamolotolo.

JABURU 84:12

Sababu Eeya Allahu Taa̒ala tamoo-duo̒lawa olanto wau olongia tau̒daa̒, talongahi mai ponu olanto wau ohurumati. Eeya diila pee̒enta mao̒ mopotouli penu boli wolo u mopiohu totaa u tutumulio diila o aibu.

JABURU 89:19

Sababu tamoo-duo̒lawa olamiaatia yito taa tilulaoto Eeya, yaa Eeya; olongia lamiaatia yito miliki lo Allahu Taa̒ala Mantali lo Isirai̒lu.

JABURU 91:15

Wonu tio mongiibodu ola-U̒, Wau̒ mamolametai olio. Tou̒ oweepita, Wau̒ mamotulungi olio; tio malopato-U̒ wau wohiya-U̒ ohurumati.

JABURU 99:9

Polameheelo mola Eeya Allahu Taa̒alanto, wau tubowalo Eeya tohulu-Dio u mantali, sababu mantalilo Eeya Allahu Taa̒alanto.

POHUMAYA 2:7

To taa u otutu belesi hilao wau diila o aibu, yilohia-Lio tuulungi wau poloduo̒la.

YESAYA 65:24

Tou̒ timongolio diipo momolohone Wau̒ molametai; tou̒ timongolio diipo lapato modua̒, Wau̒ malo dungohei dua̒ limongolio.

HIYONGO MOPOILAALO SUUSA 3:56

Watotia momolohone wolo laba-labaalo diila mao̒ tau̒be bulonga lo Eeya to polohone lowatotia alihu Eeya motulungi mai olo watotia. Yi dua̒ lowatotia dilungohe lo Eeya, wau Eeya mai lohimbide; Eeya lotahuda, ‘Diila mao̒ pohuluhelo.’

MATIUSI 7:7

“Pohile, yi timongoli mamo olimo. Pololohu, yi timongoli mamoo̒tapu. Pongokoo̒, yi huhebu mahuo̒walio olemu.

YAKOBUS 5:13

Wonu to wolotamu woluo tadonggo suusa, mamusi tio modua̒. Wonu woluo tameengahe, mamusi tio mopolahu mola momuji Allahu Taa̒ala.