JABURU 3:3 - KITABI HABARI MOPIOHE

³ Woluo dadaata tahi poloi̒yawa deu̒ Allahu Taa̒ala diila mohuto motulungi olo watotia.

JABURU 3:3 ပူးပေါင်းရင်းမြစ်များ

ILOOWALI 15:1

Lapatao̒ uito tei Abram lololimo bibilohe wau loo̒dungohe Eeya lotahuda mai olio, “Diila mao̒ oohe, Abram, Wau̒ mamoduo̒lai olemu monto baala, wau mongohi mai olemu wuupa udaa̒.”

ILOOWALI 40:13

To delomo tolo hui botie ti olongia mamopo bebasi mao̒ olemu, tio mamo ngambungu olemu wau mopowalinga olemu ode huhuloa̒mu ubohu-bohulio mai. Yio̒ mamohinta mao̒ halati lo minumani odeli olongia debo odelo ubohu-bohulio mai.

OLUO MONGO OLONGIA 18:30

Diila mao̒ podungohu paalutolio u motiwunela to Eeya. Diila mao̒ polantobu deu̒ Eeya mamopoa̒ahu mai olimongoli wau molanggu suludadu lo Asyur malambata kota limongoli.

OLUO MONGO OLONGIA 18:32

dilumutu timongoli limbatou̒ mola ode lipu tuwau udebo odelo lipumu lohihilao. Mola teto woluo ilengi lo angguru u mongohi tilapulo angguru olimongoli, wau halabolu lopale u mongohi tilapulo labu duo̒lo ua̒alo. Tolipu boito woluo dadaata bungo lo ayu jaitun, winulo jaitun wau hula lotiia̒. Wonu timongoli modungohe wolo u potuhaatau̒ mai olimongoli, yi timongoli matumumulo, diila mate. Diila mao̒ podungohe olei Hiskia! Tio bo hemo himbulo olimongoli wolo loi̒ya deu̒ Eeya mamo poa̒ahu mai olimongoli.

OLUO MONGO OLONGIA 25:27

To dulahu odulo pulaa pitu hulalo opulaa duluo todelomo taunu otolo pulaa pitu lapatio mao̒ tei Yoyakhin bilintai̒o mota ode polayahu, tei Ewil-Moredakh lowali olongia lo Babel. To taunu boitolo tio helo poi̒laalo odehu hilaalio to olei Yoyakhin, wau lolopata olio lonto tutupa,

JABURU 110:7

Olongia mamongilu monto dutulaa tobiihu dalalo, lapatao̒ piloo̒ lotolo, tio mamoo̒haama.

JABURU 119:114

Eeyaalo tamoo-dulua wau tamoo duo̒lawa olo watotia, watotia hemo tiwunela todanti lo Eeya.

JABURU 18:2

Ilohilaa lo watotia to Eeya, yaa Eeya, Eeyaalo olootolo watotia.

JABURU 27:6

Botia watotia loo̒haama tomusu topalito lowatotia; yi wolo tingalaa̒ meengahu pilodewo lowatotia bake sukuru to Bele lo Eeya; watotia ohilaa mopolahu mola wau momuji to Eeya.

JABURU 28:7

Eeya tamoo-duo̒lawa wau tamoo-duuluwawa olo watotia, watotia palacaya to Eeya. Eeya lotulungi mai wau heloo̒ wengahe hilaa lowatotia, watotia momuji mola to Eeyawolo lahu sukuru.

JABURU 4:3

Wuu tau-tauwalo, donggo ngoolo mola poli timongoli mohina to Allahu Taa̒ala lowatotia? Dilumutu omolua timongoli motolia̒nga udiila ohuna wau mohilapita udiila otutu?

JABURU 62:7

Bo Eeya talo duo̒lai wau lopoa̒ahu mai olaatia; Eeya tamooduulua olaatia, watia diila tamoe̒etu.

JABURU 84:11

Lebe mopiohe ngohui to Bele lo Eeya wolo ngolihu hui to tambati uwewo. Watotia lolulaota lowali tamoodahawa huhebu to Bele lo Allahu Taa̒ala lowatotia lou̒ motibiluloa̒ tobele lotaa moleeto.

YESAYA 45:25

Bo wali mai lei Yako mapoa̒ahuwolo, wau timongolio mamomuji ola-U̒, Eeya.

YESAYA 60:19

Yio̒ diila palalu tinela mai mato lodulahu tou̒ dulahu, wau diila palalu tinela mai lo hulalo tou̒ hui. Sababu Wau̒ Eeya mowali tinelo ohiheo-hiheolo mao̒ olemu, Wau̒ molinelai olemu wolo odudaa̒a-U̒.

LUKASI 2:32

debo odelo baango ulopo baangai dalalo babaa-ngusawalo wewo, tau monao̒ mai ode Eeya; deu̒ito-yito baango u mopotoduo mai ohulumati duo̒lo umati-Mu Isirai̒lu.”

TINGULI 33:29

Potisanangilo tutu yio̒, wuu Isirai̒lu! Diaaluo bangusa tadebo odelo yio̒ piloa̒ahu lo Eeya. Eeya debo odelo wamilo wau polame olemu; u mopoduulua olemu wau mopoo̒haama olemu. Mumuu-suumu mamei dungga mai mei̒ tolia̒ngo, wau yio̒ mamo lumbe-lumbetaa̒ olimongolio.”

WAHI 21:11

wolo tinelo wau odudaa̒ lo Allahu Taa̒ala. Kota boito molilingga debo odelo botu poliyoto, debo odelo botu baiduri ponda u moolango debo odelo kristali.

WAHI 21:23

Kota boito diila palalu otinela mato lodulahu meaalo hulalo, sababu odudaa̒ lo Allahu Taa̒ala molinela olio, wau Walao̒ Himba boito yito tohelio.