JABURU 26:3 - KITABI HABARI MOPIOHE

³ Watotia laito hemoe̒ela mola ponu lo Eeya, wau debo molotolo hilao to Eeya.

JABURU 26:3 ပူးပေါင်းရင်းမြစ်များ

OLUO MONGO OLONGIA 20:3

“Yaa Eeya, ambunguolo eelailo mai deu̒ watotia botie malo tiwato ode Eeya wolo tatapu wau molotolo hilao wau tio̒otutua belesi lohilao. Watotia laito hemo tolopani modudua̒ otohilaa lo Eeya.” Lapatao̒ tei Hiskia hilumoyongo wolo suukali lohilao.

JABURU 101:2

Watia ohilaa mopoo̒tuoto dudelo tutumulo udiila o aibu. Omolua Eeya meidungga mai odelaatia? Watia ohilaa tumumulo mantali tobele lowatia,

JABURU 119:142

Oa̒adili lo Eeya moo̒taahangi ohiheo-hiheolo mao̒, wau butoo̒ lo Eeya laito otutu.

JABURU 25:5

Ajaliyalo mai wau delowalo watotia u tumumulo modudua̒ kahandaki lo Eeya, sababu Eeyaalo Allahu Taa̒ala talo poa̒ahu olo watotia, watotia laito hemo haarapu mola to Eeya.

JABURU 52:1

Duo̒lo diriheni lopolemboa̒ tamoolahua. Lahu pongaajali lei Dauda,

JABURU 86:11

Poo̒laata mai kahandaki lo Eeya ode watotia, yaa Eeya, alihu watotia modudua̒ wolo tatapu wau molotolo hilao; powaliyalo mai watotia saale wolo lealeaatu lohilao.

YESAYA 2:5

Wuu, wali mai lei Yako, dulo ito monao̒ todelomo tilango Eeya!

YESAYA 8:20

Tameta mao̒ odie, “Dungohilo pongaajali lo Eeya! Taa udiila mobisala motuhatawa wolo pongaajali boito, diila o halaapani.”

LUKASI 6:36

Mamusi timongoli odehu hilao debo odelo ti Paapamu olo odehu hilao!”

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 8:9

Sababu otaawa limongoli tutu deu̒ ito otolia̒ngo daa̒ li Isa Almasi Eeyanto. Tio kaya bo Tio lohutu batanga-Lio lowali mosikini ode polohuna daa̒ limongoli, alihu wolo omosikini-Lio boito, timongoli mowali kaya.

EPESUS 4:32

Bolii̒o mao̒, mamusi timongoli o hilao u mopiohe wau modehu hilao ode ngota-timongota, wau mongaa-ngambungua tutuuwauwa debo odelo Allahu Taa̒ala olo longambungu mai olimongoli lotimbulude li Almasi.

1 YAHYA 1:7

Bo wonu ito tumutumulo todelomo mobaango odelo woloolo mola Allahu Taa̒ala woluo todelomo mobaango, yi ito tumutumulo moa̒aita tutu, mopiohe wau dame ngota timongota, wau duhu li Isa, Wala-I̒o, mopobelesi olanto monto ngoa̒amila dusa.

2 YAHYA 1:4

Watia leengahe daa̒ lotota deu̒ woluo mongo walai̒ Ibu tahitumula lodudua̒ pongaajali lo Allahu Taa̒ala, debo odelo umapilo malentai lo Allahu Taa̒ala to olanto.

3 YAHYA 1:11

Wutato tao̒tolia̒ngo, diila mao̒ dudui̒ wolo u moleeto. Dudui̒ mao̒ wolo u mopiohe. Taa hipohutua umopiohe yito miliki lo Allahu Taa̒ala. Wau taa hipohutua u moleeto diipo motota lo Allahu Taa̒ala.