JABURU 24:2 - KITABI HABARI MOPIOHE

² Eeya lopodutu wumbatio toitaato deheto, wau lopo tihulao̒ toitaato taluhee u modelomo.

JABURU 24:2 ပူးပေါင်းရင်းမြစ်များ

ILOOWALI 8:22

Ngotilonggadu dunia botie woluo, laito mawoluo mai sembo lo mopomulo, wau sembo lo molipu, sembo lo huhuulo, wau sembo lopatu, sembo lo polohengu wau sembo lodidi, dulahu wau hui.”

AYUBA 38:4

Tingga mawoluo yio̒ tou̒ dunia pilowali-U̒ mai? Wonu memangi luasi pongototaamu, poleleaalo mai!

JABURU 136:6

Eeya lopo wumbatai dunia toitaato taluhu; ponu lo Eeya ohiheo-hiheolo mao̒ diila opulitio.

JABURU 33:6

Eeya longohi palenta, yi hulungo yilowalilo mola; mato lo dulahu, hulalo wau poliyama pilopowali wolo tahudaa-Lio.

JABURU 89:12

Hulungo wau dunia yito miliki lo Eeya, dunia wau totoonulalo tuangio pilowali mai lo Eeya.

JABURU 93:1

Eeya yito Olongia; Eeya pakepake odudaa̒ wau olootolo. Dunia tihu-tihulo motoheto diila mowali moe̒etu.

JABURU 95:4

Eeya mongawaasa wiwii-mbihuwalo u modelomo daa̒ lohuta, totoonulalo bolitutuo̒ hui̒du olo miliki lo Eeya.

JABURU 96:10

Pohabariyalo to babaa-ngusawalo, “Eeya boito Olongia! Dunia motoheto diila oe̒etua; Eeya mamomutoa̒i babaa-ngusawalo wolo aadili.”

YEREMIA 5:22

Wau̒ulo Eeya; yilongola timongoli diila moohe to Olau̒? Paatutilio timongoli humuhela totalu-U̒! Wau̒ulo talohutu mai pentadu lowali siipati lodeheto u diila mowali laodelio u ohiheo-hiheolo mao̒. Deheto moliliibe hula-hulaubio wau buo̒olo mowali molilau, bo diila mowali lumaode siipati boito.