JABURU 21:3 - KITABI HABARI MOPIOHE

³ Eeya malo poo̒polu mai ilotohilaa lohilaalio, wau longohi wolo u pilohilelio.

JABURU 21:3 ပူးပေါင်းရင်းမြစ်များ

OLUO LO SAMUEL 12:30

Tei Dauda lohama makuta lonto lunggongi olongia limongolio wau pilopo pakelio lohihilao to lunggongio. Makuta boito buheetio tanu tolo pulaa limo lokilo wau pakepake polioto u gaaga daa̒. Tei Dauda olo helodelo dadaata daa̒ balangi yilambata lonto kota boito.

OLUO LO SAMUEL 2:4

Lapatao̒ tau-tauwalo Yehuda lonao̒ mai ode Hebron, wau lomudua̒ao̒ olei Dauda lowali olongia to Yehuda. Tou̒ ilodungohe lei Dauda deu̒ tau-tauwalo Yabesh to Gilead malo lobungao̒ milate lei Saul,

OLUO LO SAMUEL 5:3

Tei Dauda lohutu mao̒ daantia wolo mongo tau̒wa lo Isirai̒lu boito, lapatao̒ timongolio malo mudua̒ olio lowali olongia lo Isirai̒lu.

BOHULO TAWARI 20:2

Lapatao̒ uito tei Dauda lonao̒ mai wau helohama dadaata daa̒ balangi yilambato lonto kota boito. To wolota lo babaa-langiyalo boito woluo makuta li olongia Amon. Makuta boito buheetio tanu tolo pulaa pato kilo wau opoliyoto ngobotu. Tei Dauda lohama poliyoto boito wau helo pohuli mao̒ to makutalio lohihilao.

OLUO TAWARI 6:41

Ambunguolo pobongulo botia, yaa Eeya Allahu Taa̒ala! Wau pee̒-pee̒enta wolo Bulua Daantia u mopo bayahei kawasa lo Eeya boito patutilio Eeya tumuwotai ode Bele lo Eeya botie wau motibiluloa̒ tewe ohiheo-hiheolo mao̒. Ambunguolo balakatiaalo mai totoonulalo kalaja lomongo iimamu lo Eeya botie, wau pohileaala dua̒ ngoilanggubu umati lo Eeya sanangi tutu sababu Eeya mopiohe toli mongolio.

AYUBA 41:11

Tatoonu tamowali moluhu olio lou̒ diila otohauta lo topotala? To dunia botie diaaluo tamambo mohutu mao̒.

JABURU 18:18

Eeya lopoaahu mai olau̒ lonto musu tamolotolo boli buheli daa̒ wau lonto tau-tauwalo lo tahi polonua̒wa olau̒, sababu timongolio malo odito lotolo to olau̒.

JABURU 20:5

Pohileaala dua̒ Eeya mongohi mai totoonulalo u otohilaamu, wau mohutu mai totoonulalo ranjanaamu ohaasili.

JABURU 31:19

Pambolilo ngango lo tahi pohimbuloa u wolo batingga hemo henteo̒ taa juujulu.

JABURU 59:10

Eeyaalo olootolo watotia, watotia hemo tiwunela mola to Eeya, Eeya tambati poa̒ahuwalo batanga lowatotia, yaa Allahu Taa̒ala.

ROMA 11:35

Tatoonu tapee̒enta longohi hitua-tuawua to Eeya tilinggula mowali mohile wolo moo̒ohuu̒ balasi-Lio?”

ROMA 2:4

Meaalo timongoli diila botie paduli omuula lo Allahu Taa̒ala wau otanggalo hilaa boli osabali-Lio u odito udaa̒? Tantu otaawa limongoli deu̒ Allahu Taa̒ala mopo bilohei opopiohu hilaa-Lio sababu Tio motohilaa alihu timongoli molilihu monto dusa limongoli.

EPESUS 1:3

Ilopujialo mola Allahu Taa̒ala, ti Paapa Eeyanto Isa Almasi! Tio labalakati mai olanto wolo totoonulalo balakati rohu todelomo sologa, sababu ito lotituwau woli Almasi.

IBRANI 2:9

Bo ito maloo̒onto li Isa okawasa! Tio pilo powali lebe dupadupapa ngopee̒ wolo malai̒kati todelomo wakutu u ngoi̒nta lomato, alihu to opopiohu hilaa lo Allahu Taa̒ala Tio mowali mate duo̒lo ngoa̒amila umati lomanusia. Ito moo̒onto o-Lio botia yilohia huhuloa̒ u molamahu wau hulu-hulumati sababu Tio malo dutolo tunggula yilate.

WAHI 19:12

Mato-Lio debo odelo lei̒to tulu wau tolunggo-Ngio Tio pakepake makuta dadaata. To batanga-Lio tulatulade tanggulo tuwau; wau bo Tio lohihilao tamotota tanggulo boito.

BOHULO SEMUEL 16:13

Lolamemeto tei Semuel lohama winulo jaitun boito wau lomudua̒ olei Dauda wolo upacala powinulo totalu lomongo hulangio. To saaa̒ti boitolo tei Dauda kiluwaasa mai Rohullah. Tumulalo mai todulahee boito wau lololaalaaita mola Rohu lo Eeya pee̒-pee̒enta wolio. Lapatao̒ malo hualingo tei Samuel ode Rama.