JABURU 2:2 - KITABI HABARI MOPIOHE

² Mongo olongia lo dunia lobongu pee̒entalo mao̒ wau tahi kawaasawa heloheeluma moluwali to Eeya wau olongia tatilulao-Tio.

JABURU 2:2 ပူးပေါင်းရင်းမြစ်များ

JABURU 110:5

Eeya woluo to ambahu olowalamu, wonu Eeya muluka, mongo olongia olaahe lo Eeya.

JABURU 2:10

Oditolio poo̒tuotilo, wuu mongo olongia, poo̒tuotilo, wuu tahi kawaasawa dunia!

JABURU 45:7

Allahu Taa̒ala mongohi mai kawasa olemu u momalenta, kawasaamu moo̒ taahangi u ohiheo-hiheolo mao̒; wolo aadili yio̒ momalenta ulipumu.

JABURU 48:4

Allahu Taa̒ala bilu biluloa̒ todelomo bibii-ntengilio, malo ilaalo Eeya lohihilaolo tamoo duo̒lawa olia.

JABURU 48:5

Bilohilo, mongo olongia helo tia̒mbu; timongolio lonao̒ mai ohilaa moluhu.

JABURU 74:18

Eelailo mai woloolo mola musu helohina to Eeya, yaa Eeya, bangusa tadiila motota to Eeya hemo tombulaa̒ tanggulo Eeya.

JABURU 74:23

Diila mao̒ lipata wuwaatio̒ lo mumuu-suuwaalo Eeya, ubuluhuto lo lalaa-waniyaalo Eeya!

JABURU 83:6

Babaa-ngusawalo malo panggala, wau loheeluma moluwali to Eeya:

JABURU 89:20

Muloololio mai daa̒ todelomo bibilohe tuwau, Eeya lotahuda mai ode wato lo Eeya utatapu wau molotolo hilao, “Wau̒ malo tulungi ngotaalio lo pahalaawani, ngotaalio lo tatilulaotu-U̒ lonto ulipu mapilo laiu̒u-U̒.

PILOTIMUA̒TA 16:7

Loombu mola dumodupo timongoli mamoo̒onto tinelaa owoluo lo Eeya. Eeya maloo̒ dungohe olimongoli hemoingo Olio; ooo̒ to Eeya, sababu ami botie bo hipohutua upilo malentaa-Lio mai.

POHUMAYA 21:30

Diaaluo ootota, ootoloo̒ meaambo otinepo umoo̒ taahangi totalu lo Eeya.

YESAYA 61:1

Kawasa lo Eeya Taa Laba-labaalo molanggato woluo to olaatia; Eeya lolulaoto wau lolao olaatia u modelo habari mopiohu totaa mosikini wau mopoo̒luli taa u loa̒antulu daa̒ hilaalio; u mopo malalumu totaa tataahangi deu̒ timongolio hua̒a lopatolio, wau totau-tauwalo todelomo tutupa deu̒ timongolio malopatolio.

MATIUSI 2:16

Tou̒ ilotaawa lei Herodes tahi ahalia lopoliama lonto tiimulu boito longaakali olio, maloingo daa̒ tio. Tulusi tio malei̒ pate yila-yilateelo mao̒ ngoa̒amila mongo lolai̒ kekeei̒ taa umululio totibawa dulo taunu to Betelehemu wau topalitio. Uito lotuuu̒de wolo katalangani u lotapulio lonto tahi ahalia lo poliyama boito tomimbihu saaa̒tilio poliyama boito iloontonga.

MATIUSI 26:3

Tou̒ boito mongo iimamu tau̒wa wau mongo tau̒wa lo Yahudi hia̒mbua totambati bele biluloa̒ saaha li Iimamu Daa̒ Kayapas.

MATIUSI 26:59

Mongo iimamu tauwa wau ngoa̒amila Mahakama lo Agama hipo tolopania moo̒tapu sakusi paluti u mowali mopodehu hukuumani mate odeli Isa.

MATIUSI 27:1

Donggo didimodupo daa̒, ngoa̒amila iimamu tau̒wa wau tau̒wa lo Yahudi lohutu mao̒ putuusani u momate li Isa mate-mateelo mao̒.

LUKASI 13:31

Towakutu boitolo, woluo dengolo lota taulo Parisi lonao̒ mai odeli Isa wau loloi̒ya, “Diila mao̒ potitola tewe! Nao̒lo ode tambati uwewo, sababu tei Herodes ohilaa momate mateelo mao̒ ole-Mu.”

YAHYA 1:41

Lolamemetao̒ tei Andreas lololohe olei Simon, wutatio, wau loloi̒ya olio, “Ami malo dunggaya woli Mesiasi!” (Mesiasi tutuuwauwa woli Almasi, deu̒ito-yito: Olongia Tamoo-poa̒ahua).

YAHYA 15:23

Taa molonuu̒u-U̒, molonua̒ li Paapa-U̒.

YAHYA 3:34

Sababu taa uilao mai lo Allahu Taa̒ala mopo tunggulai tataa-heyaalo Allahu Taa̒ala, sababu Rohullah mailohi ode o-Lio lealeaatulo mao̒.

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

WUNGGULI LOMONGO RASULU 9:4

Tio lodehu lewumbade tohuta tulusi loo̒dungohe suala tuwau lotahuda mai olio, “Saulus, Saulus! Wolo sababuulio yio̒ mongalinaya ola-U̒?”

IBRANI 1:9

Yio̒ mamotohilaa u aadili, wau mamolonuo̒ udiila juujulu; uitolo sababuulio Allahu Taa̒ala, Allahu Taa̒ala-Mu, molulaota ole-Mu wau mongohi ole-Mu ohulumati u moo̒toduo weengahe, mongilabota lomongo sahabati-Mu.”