JABURU 18:3 - KITABI HABARI MOPIOHE

³ Eeya debo odelo biintengi u motoheto tambati potiduo̒la lowatotia. Allahu Taa̒ala lo watotia debo odelo hui̒dee botu tambati potililunga lowatotia. Debo odelo porisai, Eeya lolau̒bei olo watotia, wau helodaha olo watotia alihu aamani laito.

JABURU 18:3 ပူးပေါင်းရင်းမြစ်များ

OLUO LO SAMUEL 22:4

Watotia longiibode ode Eeya, tapaatuti pujiolo, Eeya lolopata olo watotia lonto mumuu-suuwalo watotia.

NEHEMIA 9:5

Ibaadati to dulahe boito hetilumula tau-tauwalo Lewi wumbutio mola botie: tei Yesua, Kadmiel, Bani, Hasabneya, Serebya, Hodia, Sebanya wolei Petahya. Timongolio loloi̒ya, “Tihuloolo wau pujialo mola Eeya Allahu Taa̒alanto! Wohia mola poloi̒laalo momuji ode Eeya ohiheo-hiheolo mao̒! Ilopujialo mola tanggulo Eeya tapolupolu lo molamahu, tanggulo upolu-polutuo̒, mongilabotao̒ totoonulalo poloi̒laalo momuji!”

JABURU 144:1

Lonto olei Dauda. Pujiaalo mola Eeya tamoo-duo̒lawa olaatia! Eeya lopoo̒laatai olaatia lotuuhua, wau helo ngaajali mai olaatia lopaatea.

JABURU 145:3

Sababu Eeya udaa̒ wau laba-labaalo ilopujia, odudaa̒ lo Eeya diila otonea̒.

JABURU 3:4

Bo Eeya, yaa Eeya, deu̒yito-yito porisai u moduo̒lai olo watotia. Pilyilohi lo Eeya watotia u loo̒haama, wau Eeya lopou̒daa̒ hilaa lowatotia.

JABURU 31:4

Ooo̒, Eeya debo odelo hui̒dee botu biintengi u motoheto olo watotia! Delowalo watotia motuuu̒de wolo danti lo Eeya.

JABURU 48:1

Jaburu lokaumu Korah.

JABURU 50:15

Pongiibodulo to Olau̒ tou̒ oweepita, Wau̒ mamo lopatai olimongoli, wau timongoli mamomuji ola-U̒.”

JABURU 55:16

Huliilo mao̒ musuuu̒ mate tumahuo̒olo mola wau hitumula motuhuta mola ode dunia lotaa mate, sababu u moleeto woluo tobele limongolio, tohuungi mongolio.

JABURU 62:3

Bo Eeya tamoduo̒la wau mopoa̒ahu mai olaatia, Eeya tamooduulua olaatia, watia diila tamoe̒etu.

JABURU 62:8

Eeyaalo Allahu Taa̒ala talongohi mai olaatia oa̒ahu wau ohurumati, Eeyaalo tamoo-duo̒lawa olaatia wau tamooduulua tamolotolo.

JABURU 71:3

Powaliilo duo̒lo watotia odelo hui̒dee botu tambati potibiluloa̒ lowatotia, u gaambangi o aata lowatotia laito. Sababu Eeya malolantu mai u mopoa̒ahu olo watotia, Eeyaalo tambati potiduo̒la wau potiwolungo lowatotia.

JABURU 76:4

Mola teto Eeya helo ngantulu ngoa̒amila pakaakasi lo popaatea, ngoa̒amila pana hililingga, porisai wau wamilo.

JABURU 91:15

Wonu tio mongiibodu ola-U̒, Wau̒ mamolametai olio. Tou̒ oweepita, Wau̒ mamotulungi olio; tio malopato-U̒ wau wohiya-U̒ ohurumati.

JABURU 91:2

mowali moloi̒ya to Eeya, “Eeyaalo tamooduulua wau tamoo-duo̒lawa olaatia, yaa Allahu Taa̒ala lowatotia, to Eeyaalo watotia palacaya.”

JABURU 96:4

Sababu udaa̒alo mola Eeya, wau laba-labaalo ilopujia, wau musi ooheelo lebe lou̒ totoonulalo dewa.

YEREMIA 16:19

Yaa Eeya, Eeyaalo talo duo̒lai olaatia wau helongohi mai lotolo olaatia; Eeya lotuulungi olaatia tomaasa usuukali. Babaa-ngusawalo monto huudu dunia mamonao̒ mai ode Eeya wau moloi̒ya, “Loluuhuru lamiaatia bo o ila paaluti sama-samaata diila ohuna.

LUKASI 1:71

u mopoa̒ahu olanto monto musunto wau monto kawasa lotau-tauwalo tamolonuo̒ olanto.

WUNGGULI LOMONGO RASULU 2:21

Towakutu boito, taa u mongiibodu to Eeya mapoa̒ahuwolo.’

WAHI 4:11

“Oo Eeya, oo Allahu Taa̒ala lomongo watotia! Eeyaalo wambao̒ tapaatuti mololimo poloi̒laalo momuji, hulumati wau kawasa. Sababu Eeyaalo talo powali mai totoonulalo u hitua-tuawua, wau to kahandaki lo Eeya olo totoonulalo u hitua-tuawua boito malotoduo mai wau tumutumulo.”