JABURU 17:3 - KITABI HABARI MOPIOHE

³ Wonu Eeya motesi hilaa lo watotia wau monao̒ mai motulete olo watotia tou̒ hui, yi mao̒dungga lo Eeya deu̒ watotia otutu wau belesi hilao; loi̒ya lowatotia motuuu̒de wolo pikiilangi lowatotia.

JABURU 17:3 ပူးပေါင်းရင်းမြစ်များ

BOHULO TAWARI 28:9

Lapatao̒ odelei Salomo, tei Dauda loloi̒ya mao̒, “Walau̒uu̒, patutilio Allahu Taa̒ala tahe tuboo liyamamu, akuwimu mao̒ odelo Allahu Taa̒alamu. Yio̒ musi motiwato to Eeya wolo hilaa ihilasi wau iloheela lohilao. Sababu otaawa lo Eeya ngoa̒amila pikiilangi wau otohilaa lo hilaanto. Wonu yio̒ mololohe to Eeya, Eeya maa odunggamu, bo wonu yio̒ mololaa mao̒ to Eeya, Eeya mamo potouli olemu u ohiheo-hiheolo mao̒.

BOHULO TAWARI 29:17

Otaawa lo watotia Eeya helotesi mai hilaa lo timii̒du ngotaalio wau Eeya motohilaa taa umantali hilaalio. Wolo hilao motulidu wau ihilasi wau hilao sanangi pilodewo mola lo watotia ngoa̒amilalo botie ode Eeya. Watotia malo sakusi woloolo mola umati lo Eeya tahi ambua tewe helodelo dewo limongolio ode Eeya wolo sanangi lohilao.

AYUBA 23:10

Bo otaawa lo Eeya totoonulalo dalaluu̒ wau olo timii̒du diambanguu̒. Wonu debo odelo hulawa wau̒ sopuolo, yi maa obukuti deu̒ hilaau̒ belesi.

AYUBA 24:14

Tou̒ subu tamoomatea mate-mateelo mao̒ mobongu mai monto tutuluhio, tulusi lumualao̒ momate mateelo mao̒ taa umosikini, wau ngotilonggadu dulahee diipo dimodupai, tio tuua̒o̒-tuua̒o̒ mohehulo debo odelo tamootao̒wa.

JABURU 11:5

Eeya hemotesi taa mopiohe wau taa moleeto, Eeya molonua̒a to taa udiila omanusia.

JABURU 119:106

U pilodanti lowatia wolo tadia mapomata lowatia, u motidihu to putuusani lo Eeya ua̒adili.

JABURU 139:1

Duo̒lo diriheni lopolemboa̒ tamoolahua. Jaburu lei Dauda. Yaa Eeya, Eeya molonea̒i olo watotia wau motota lo watotia.

JABURU 139:23

Tuleteaalo mai watotia yaa Allahu Taa̒ala, tonea̒alo mai hilaa lowatotia, tesiyaalo mai watotia wau ototai mao̒ pikiilangi lowatotia.

JABURU 16:7

Watotia momuji mola to Eeya tahe mongohi potua olo watotia; penu boli tou̒ hui suala hilaa lowatotia hemo ngaajali olo watotia.

JABURU 26:2

Tuleteaalo mai watotia, yaa Eeya, wau tesiyalo mai watotia, palakisailo mai ilohilaa wau pikiilangi lowatotia.

JABURU 39:1

Duo̒lo diriheni lopolemboa̒ tamoolahua. Jaburu lei Dauda. Odelei Yudutun.

JABURU 66:10

Yaa Allahu Taa̒ala, Eeya malotesi mai olamiaatia debo odelo taa tamosopu talaa̒ todelomo tulu.

JABURU 7:4

Yaa Eeya Allahu Taa̒ala lo watotia, humayaalio watotia helohutu udiila juujulu, helohutu u moleeto to sahabati, meaalo heloo̒ luhi laawani lou̒ diila o alaasani, humayaalio watotia helohutu u odito,

POHUMAYA 13:3

Taa u mopoo̒ daha-dahaalo mao̒ to lapali loi̒yaalio maa̒amani tutumulio; taa u mobisala diila ota-otaa mao̒ mao̒dungga lou̒ suusa.

YEREMIA 12:3

Bo Eeya, yaa Eeya, moo̒onuhe olaatia. Eeya moo̒onto mai wolo u pohutuo lowatia, wau Eeya motota woloolo mola pongolaasa hilaa lowatia to Eeya. Delowalo tau-tauwalo moleeta boito ode bulemengio, delowalo timongolio debo odelo himba ode tambati pongolotalo. Dahailo timongolio tunggula meidungga wakutuulio timongolio olotolo.

YEREMIA 50:20

Tou̒ boito Isirai̒lu wau Yehuda mamobelesi monto dusa, sababu Wau̒ mamo ngambungu mai tau-tauwalo tamaa piloa̒ahu-U̒. Wau̒, Eeya, malo tahuda mai.”

HOSEA 7:6

Debo odelo tulu todelomo tihengo odi-odieelo mola niyati moleeto wau oyiyingo limongolio hinta-hintalabu todelomo hilao ilo-iloonua, wau tou̒ dumodupo wali-walihuhu lowali lei̒ito tulu upolu-polutuo̒.

MIKHA 2:1

Matilopotala tau-tauwala tahipo lanjanawa u moleeto tou̒ hibalata totambati potuluhelo towakutu hui, lapatao̒ moponao̒ tou̒ dumodupo sababu timongolio o olootolo u mopohutu mao̒.

JAKARIA 13:9

Bo ngotayadio totolu mamoa̒ahu. Wau timongolio boito mapo mantaliyo-U̒ debo odelo talaa̒ u pilobelesi lotulu. Timongolio matesiyo-U̒ debo odelo tamotesi hulawa. Lapatao̒ timongolio mamodua̒ mai ode Olau̒, wau Wau̒ mamolametai olimongolio. Wau̒ mamotahuda ode limongolio deu̒ timongolio yito umati-U̒, wau timongolio olo mamongaku deu̒ Wau̒ulo Eeya Allahu Taa̒ala limongolio.”

MALEAKHI 3:2

Bo tatoonu tamoo̒ taahangi todulahu Eeya dungga-dungga mai wau mopobilohe batanga-Lio? Sababu Tio debo odelo tulu lopani tamoo-powolangoa logamu, wau debo odelo sabongi lo tamoo-muboa̒wa.

WUNGGULI LOMONGO RASULU 11:23

Wau tou̒ tei Barnabas leidungga mola odito, wau loo̒onto woloolo mola Allahu Taa̒ala lobalakati tau-tauwala boito, tio leengahe daa̒. Lapatao̒ pilohilelio alihu timongolio tio̒otutua tatapu wau molotolo hilao modungohe to Eeya wolo lealeaatu lohilaa limongolio.

WUNGGULI LOMONGO RASULU 16:9

Huilio mao̒, to Troas, tei Paulus loo̒onto tuwaulio lobibilohu. Todelomo bibilohio boito tio loo̒onto taulo Makedonia ngota tihutihula totalulio sambela hemohile lou̒ tio̒otutua alihu tio monao̒ ode Makedonia mola motulungi olimongolio.

1 KORINTUS 4:4

Watia diila molaasa ototala penu boli todelomo sua̒li wolo wambai̒o, bo uito diila mopo bukuti deu̒ watia memangi diila ototala. Eeya lohihilaolo tamolantu mai deu̒ watia ototala meaalo diila.

2 KORINTUS 1:12

Amiaatia meengahe, sababu hilaa lamiaatia helo poyakini olamiaatia deu̒ tutumulo lamiaatia todunia botie – lebe-lebe mao̒ wumbuta lamiaatia wolo Wutato – mapilo ponao̒ lamiaatia wolo ihilasi wau hilaa belesi. Hepilohutu lamiaatia uito, diila wolo tinepo lomanusia, bo wolo omambo uilohi mai lo Allahu Taa̒ala.

YAKOBUS 3:2

Ito ngoa̒amila laito hemohutu totala. Bo taa diila pee̒enta mao̒ helohutu totala wolo loloo-iyaalio, tio taa u wimu-wimumuto tutu, tamoo̒ kawasa ngoilanggubu batangalio.

1 PETRUS 1:7

Patujulio yito u mopo bukuti mao̒ wolo timongoli tio̒otutua palacaya to Eeya meaalo diila. Hulawa u mowali moluusa olo, tesiyola wolo tulu. Naa, iimani limongoli yito lebe mao̒ ohalaga wolo hulawa, oditolio musi tesiyola olo alihu mowali motoheeto. Wau lou̒ odito timongoli mapujio wau hulumatiolo boli polaio̒olo todulahe podudungga mai li Isa Almasi.

BOHULO SEMUEL 24:10

Tei Saul loili ode wulea wau tei Dauda losujudulo mola wolo hurumati tulusi loloi̒ya mao̒, “Yilongola ti Baginda lodungohe bisala lotaa u hipoloi̒yawa deu̒ watotia ohilaa mopotopotala oli Baginda?

BOHULO SEMUEL 24:12

Bilohilo mai, Paapa lo watotia! Bilohilo mai pitango jumba li Baginda u dilihuma lo watotia botie! Tutuulio tutu watotia moo̒pate oli Baginda mate-mateelo mao̒, bo watotia bo longoyodeo̒ ngoi̒di biihu jumba li Baginda. Oditolio, malo patatao̒ deu̒ watotia diila opatuju u moleeto meaambo mojuluhaka. Ti Baginda helo hila-hilaapita olo watotia u momate olo watotia mate-mateelo mao̒, eleponu watotia diila ototala penu boli ngoi̒di mao̒ toli Baginda.

BOHULO SEMUEL 26:11

Potala Eeya mongabutai olau̒ momate oli olongia tatilulaoto Eeya! Hamawalo mao̒ totobui̒o wau gintilio, tulusi ito monao̒lo!”

BOHULO SEMUEL 26:23

Eeya mamo balakati mai timii̒du taa utatapu wau molotolo hilao wau juujulu. Sababu eleponu todulahee botie Eeya mohudu mai oli tuani lowatotia ode watotia, bo watotia debo diila ohilaa mohutu mao̒ u moleeto odeli Baginda, olongia tatilulaoto Eeya.