JABURU 140:3 - KITABI HABARI MOPIOHE

³ Timongolio hemo matuju u moleeto todelomo hilao, wau timii̒du dulahu hemo potoodei tolonggalo.

JABURU 140:3 ပူးပေါင်းရင်းမြစ်များ

ILOOWALI 3:13

Lapatao̒ Eeya Allahu Taa̒ala lotahuda mao̒ ode taabua boito, “Yilongola mapilo hutumu uito?” Ualio mao̒, “Watotia ilaakali lo tulidee, tilinggula mai̒lo tamela lo watotia hungo boito.”

JABURU 57:4

Lonto sologa Eeya lolametai wau lopoa̒ahu mai olaatia; Eeya lopoo̒laaheo̒ tau-tauwalo tahi podeehea olaatia. Allahu Taa̒ala mamopo ilaalo deu̒ Eeya tatapu wau molotolo hilao olaatia, wau laito momonu olaatia.

JABURU 58:4

Taa moleeto mailapalo tumulalo mai lonto talomo timongolio malo himbulo anggadu pilotutulio mai.

JABURU 59:7

Tou̒ lolaango timongolio muli mohualingo, henge-hengeto monahutu daa̒ debo odelo apula sambela hemohelili kota.

POHUMAYA 12:18

Loi̒ya udiila ota-otaa mao̒ moo̒pali hilao debo odelo bituo̒ wamilo; tataa-heyaalo u molinepo debo odelo wunemo u mopoo̒luli.

POHUMAYA 23:32

Loombu mola dimodupio yio̒ molaasa debo odelo matilopango tulidu obisa.

POHUMAYA 6:14

Pikiilangilio u moleeto polupolu wolo patuju moleeto wau hemo potoodei polobuutola to utoonulalo mao̒.

YESAYA 59:13

Amiaatia malomaahu wau helo malakala to Eeya, wau diila mohuto modudua̒ to Allahu Taa̒ala lamiaatia. Amiaatia malodeehe taa wewo wau diila lodungohe palenta; pikiilangi lamiaatia yilapalo, wau loi̒ya olamiaatia yimbulo.

YEREMIA 9:3

wau laito dapadapato u mohimbulo. To ngoilanggubu lipu, u otutu diila okawasa, tumbao̒ u diila motulidu hale hemowali-wali. Eeya lotahuda mai, “Umati-U̒ hipohutua u moleeto lou̒ diila ohuhe-huheliilio, timongolio diila lomasisi ola-U̒ odelo Allahu Taa̒ala limongolio.”

YEREMIA 9:5

Ngoa̒amilalo mohihii-mbulowa lomao̒, diaaluo tahemo bisala u motiludu hale. Tunggilio mabiliyasa mohimbulo, timongolio diila mambo mololaa mao̒ dusalio. Opoparangi domi opoparangi, polowimbulo domi polowimbulo diila ohuheliilio hepohutuo limongolio, timongolio sama-samaata diila mololimo ola-U̒.

HIYONGO MOPOILAALO SUUSA 3:62

Timongolio hemoloi̒ya olo watotia oo̒olaanga. U mopo topotala olo watotia, timongolio hipohutua lanjana u kootolo.

MATIUSI 12:34

Timongoli tau moleeto, diila pongalo aakali timongoli moo̒ loi̒ya susuu-aliyaalo u mopiohe, wonu timongoli moleeto? Wolo uiloi̒ya lotunggilo ui-uitolo u molepatai monto hilao!

2 KORINTUS 11:3

Bo watia molawalo pikiilangi limongoli maa owaingalio udiilalo tatapu wau molotolo hilao toli Almasi, debo odelo ti Hawa omoo̒omolu olo ilowainga lo aakali moleeto lo tulidu.