JABURU 135:9 - KITABI HABARI MOPIOHE

⁹ Mola teeto Eeya helohutu dadaata moo̒linggolabu wau tuoto u mohukuumani mao̒ olongia wau ngoa̒amila pogaweelio.

JABURU 135:9 ပူးပေါင်းရင်းမြစ်များ

NEHEMIA 9:10

Toli olongia lo Masiri hepilohutu mai lo Eeya susuu-aliyaalo upolu-polutuo̒, wau olo to pogawee wau ulipu lo lipulio, sababu otaawa lo Eeya woloolo mola umati lo Eeya hepiloo̒ ngongotio. Lapatao̒ lomasahuru lomola tanggulo Eeya tunggula to dulahe botie.

JABURU 136:15

Bo olongia lo Masiri wau suludadulio pilopoa̒humo Eeya; ponu lo Eeya ohiheo-hiheolo mao̒ diila opulitio.

JABURU 78:12

To talu loluuhuru limongolio, Allahu Taa̒ala helohutu moo̒linggolabu tolipu lo Masiri, todatahu lo Joan.

WUNGGULI LOMONGO RASULU 7:36

Tei Musa boitolo talodelo bangusa lo Isirai̒lu yilumualai lonto Masiri wolo helohutu u moo̒linggolabe wau susuu-aliyaalo upolu-polutuo̒ to Masiri, to Deheto Meela, wau tohuta datahu u luasi daa̒ wau delita wopato pulu lotaunu mola.

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

TINGULI 6:22

Ami lohihilao losakusi mao̒ Eeya helohutu totoonulalo moo̒linggolabu wau susuu-aliyaalo u moo̒tihela hapato ode taulo Masiri wau odeli olongia limongolio wau ngoa̒amila tahidihuma pantungo lipulio.