JABURU 127:3 - KITABI HABARI MOPIOHE

³ Tau̒ kekeei̒ yito wowohi mai lo Allahu Taa̒ala, tutuulio tutu, timongolio boito wowohi mai.

JABURU 127:3 ပူးပေါင်းရင်းမြစ်များ

ILOOWALI 1:28

Lapatao̒ bilalakati-Lio timongolio wolo tahuda “Potolo walao̒olo wau potolo wombuulo mola u dadaata, alihu walimu mai motibiluloa̒ to ngoilanggubu dunia wau motolo kawasa mao̒. Timongoli wohiya-U̒ mai tuugasi molaala totoo-lowaalo, bubuu-rungiyalo, wau ngoa̒amila binatangi wewo u molinggelo.

ILOOWALI 33:5

Tou̒ tei Esau loo̒onto mao̒ ngoa̒amila mongobua wau tau̒kekeei̒ boito, tio malohintu, “Tatoonu timongolio tapee̒-pee̒enta wolemu botie?” “Timongolio mongo walao̒ lowatia,” tametao̒ lei Yako, “Allahu Taa̒ala malomonu mai mongo walao̒ boito ode laatia.”

ILOOWALI 4:1

Lapatao̒ tei Adamu lo sootubua woli Hawa, dilelio, wau ilombodaa̒lo mola taabua boito. Tio lopotutu mai talolai̒ ngota wau loloi̒ya, “Wolo tilulungia lo Eeya wau̒ maloo̒tapu walao̒ talolai̒ ngota.” Yi iluntelio walao̒ boito tei Kain.

ILOOWALI 48:4

Allahu Taa̒ala lotahuda mai ode olau̒, “Wau̒ mamongohi mai olemu walao̒ dadaata wau wombu, alihu waliimu mola mowali bangusa dadaata; Wau̒ mamongohi mola lipu botie to waliimu mai odelo miliki limongolio u ohiheo-ohiheolo mao̒.”

OLUO LO SAMUEL 3:5

Tei Yitram. Tiilolio yito ti Egla. Olomoota walao̒ mongo lolai̒ boito he pilotutulio mai to Hebron.

BOHULO TAWARI 28:5

Eeya longohi mai walao̒ dadaata olau̒ wau lonto ngoa̒amila walau̒uu̒ boito Eeya lolulaotao̒ olei Salomo u momalenta to Isirai̒lu, bele biluloa̒ saaha li olongia lo Eeya.

BOHULO TAWARI 8:40

Mongo walae̒e Ulam ngoa̒amilalo mongo pajule tamolotolo buheli daa̒ wau tahi ahaalia momana. Walao̒ wau wombulio mongo lolai̒ ngoa̒amilalo woluo ngohetuto limo lopulu lota. Timongolio ngoa̒amila yito pongawaa̒ losuku Benyamin.

AYUBA 1:2

Tio owalao̒ talolai̒ pitulota wau walao̒ taabua toulota.

YESAYA 13:18

Wolo buutio̒ wau panalio timongolio momate-mateelo mao̒ tau-tauwalo humula. Timongolio diila motolia̒ngo to tau̒nge wau diila modehu hilao towalao̒.

YESAYA 8:18

Utieelo watia wau tau̒ kekeei̒ tailohi mai lo Eeya olaatia. Eeya Taa Laba-labaalo kawasa tahemo malenta to Huludu Sion, lolao olami lowali tuoto ode umati lo Isirai̒lu.

TINGULI 28:11

Timongoli mawohiya-Lio walao̒ dadaata. Bibiahi mongoli mamowali dadaata wau tilapulo huta limongoli laba-labaalo daatalio tolipu u dilanti lo Eeya odeli nenemoya limongoli u wohi ode limongoli.

TINGULI 28:4

Mabala-balakatilo timongoli, tilinggula mongo walai̒ mongoli dadaata, tilapulo huta limongoli letaletaao̒ wau sapi boli batade himba limongoli ojumulaa daa̒.

MONGO HAKIMU 12:9

Tei Ebjan owalao̒ mongo lolai̒ tolo pulu lota wau mongobua tolo pulu lota. Walai̒o mongobua boito hepilopo nikaalio wolo tau-tauwala lonto suku wewo, wau tio helohama olo tolo pulu lota mongo dulahu lonto suku wewo ode walai̒o mongo lolai̒. Pitu lotaunu mola hiheolio tei Ebjan helo titau̒wa to umati lo Isirai̒lu,

BOHULO SEMUEL 1:27

Walao̒ botie tamaa pilohile lowatia lonto Eeya. Dua̒ lowatia madilungohei lo Eeya,