JABURU 127:1 - KITABI HABARI MOPIOHE

¹ Lahu lei Salomo. Wonu diila Eeya tamomongu bele, diila ohuna mongo panilio mokalaja. Wonu diila Eeya tamo lilunga kota, diila ohuna tahi pokawalia modaha.

JABURU 127:1 ပူးပေါင်းရင်းမြစ်များ

BOHULO MONGO OLONGIA 5:12

Eeya loe̒elai danti-Lio wau helongohi tinepo odelei Salomo. To wolota lei Hiram wolei Salomo owumbuta u mopiohu, wau timongolio duulota malohutu daantia.

BOHULO TAWARI 28:10

Eelailo mao̒ tio̒otutua deu̒ Eeya malo lulaotai olemu u mopo tihulao̒ bele u tolomodu ode Eeya. Naa, botia kalajailo uito wolo hilaa u tio̒otutua.”

BOHULO TAWARI 28:20

Lapatao̒ ti Olongia Dauda luli loloi̒ya mao̒ odelei Salomo walai̒o talolai̒, “Yio̒ musi yakini wau buheli. Tumulilo mao̒ kalaja boito wau diila mao̒ oohe penu boli loolo wambai̒o. Eeya Allahu Taa̒ala tahe tuboomu mamo tulungi mai olemu. Eeya mapee̒-pee̒enta wolemu tunggula ngoilanggubu kalaja boito lapato.

BOHULO TAWARI 29:19

Wohia mai odelei Salomo, walao̒ talolai̒ lo watotia, ohilao utio̒otutua u modudua̒a ngoa̒amila palenta lo Eeya wau u momongu mao̒ bele poi̒baadatiala boito u mapilopo dapato lowatotia.”

JABURU 120:1

Lahu jiara. To delomo osuusa lowatotia watotia longiibode mola to Eeya, wau Eeya lolametai olo watotia.

JABURU 121:1

Lahu jiara. Watia lomilohe mola ode huhuu-ideyaalo, lonto utoonu dudunggaa mai polo tulungi ode laatia?

JABURU 122:1

Lahu jiara lei Dauda. Watia leengahu tou̒ tau loloi̒ya ode laatia, “Dulo ito ode Bele lo Eeya!”

JABURU 123:1

Lahu jiara. Watotia motitalu mola ode Eeya yaa Eeya tahemo malenta tosologa.

JABURU 124:1

Lahu jiara lei Dauda. Woloolo mola humayaalio Eeya diila motiwambao̒ ode olanto? Wuu Isirai̒lu, tametilo mao̒ odie mola:

JABURU 125:1

Lahu jiara. Taa u palacaya to Eeya, yito debo odelo Huludu Sion u motoheto diila o eetua, wau moo̒taahangi ohiheo-hiheolo mao̒.

JABURU 126:1

Lahu jiara. Tou̒ Eeya loponguli owowoluwoa lo Yerusalemu, ito debo odelo tahi tohiilopoa!

JABURU 72:1

Lonto olei Salomo. Yaa Allahu Taa̒ala, poo̒laatalo mai butoo̒ lo Eeya odeli olongia, wohiyalo mai oa̒adili lo Eeya ode walao̒ talolai̒ li olongia.

JABURU 78:69

Eeya lomongu Bele lo Eeya debo odelo pilo tibiluloa̒ lo Eeya tosologa, wau debo odelo dunia, motoheto u ohiheo-hiheolo mao̒.

POHUMAYA 16:9

Manusia mowali mohutu lanjana, bo Allahu Taa̒ala tamolantu mai dalalo tutumulio.

TAMOO-HUTUBAWA 9:11

Todunia botie woluo poli u iloontongau̒: polobaalia diila laito ohaama lotaa u tumeteo̒ moo̒huu̒, polotuuhua diila laito ohaama lotaa u molotolo. Taa molinepo diila laito moo̒tapu popeehu. Wau taa motoloo̒ diila laito moo̒toduo okokaya. Wau olo tahi aahalia diila laito mowali masa-masaahuru. Sababu penu boli tatoonu wambai̒o mowali odungga lopalaladu marapo.

LAHU MOLAMAHU 3:3

Wau̒ ilodungga lo tamoo-londawa kota, wau yilintuu̒ mao̒, “Wolo timongoli loo̒onto putu lo wantohuu̒?”

LAHU MOLAMAHU 5:7

Wau̒ ilodungga lo tahipo rondawa kota; timongolio helomate wau lomali olau̒, wolimomoou̒ hilama limongolio wolo pakusa.

YESAYA 27:3

Wau̒, Eeya, tamodaha mao̒; timii̒du wakutu hebuhuta-U̒ mao̒, hui wau dulahu hedilaaha-U̒ mao̒, alihu diaaluo tamomuyu.

YESAYA 56:10

Tahuda mai lo Eeya, “Mongo tau̒wa lo bangusaa-U̒ yito taa u hipiitoa̒a! Timongolio diila motota lolo-loolo. Timongolio debo odelo apula poo̒poo̒oyo udiila motubohu, bo tuutuluhu wambao̒ wau tohi-tohiilopo. Sanangi daa̒ timongolio tuutuluhu!

YESAYA 62:6

To dingingo meeseli lo Yerusalemu watia lopo tambati mao̒ tamoo-kawalia; hui wau dulahu timongolio diila mowali motipoo̒yo, bo musi tulusi moe̒ela mola Allahu Taa̒ala to danti u mapilohutu mai lo Eeya.

YEREMIA 51:12

Wohia mao̒ tuoto u moluhu didii-ngingaalo meeseli lo Babel. Poo̒toheetalo dudaha. Potambatia mao̒ tamoo-kawalia. Podapatalo moluhu!” Eeya maloponao̒ wolo u pilatuju lo Eeya ode taulo Babel.

YEREMIA 51:31

Mongo utolia tilumeteo̒ tinggai tunuhu-molunuhe u lopoo̒taa odeli olongia lo Babel kotaalio matiluhu lonto totoonulalo tutulio.

1 KORINTUS 15:14

Wau wonu humayaalio ti Almasi diilalo pilopo tumu-Lio lonto opopate, yi diaaluo hunalio amiaatia mopohabari lolo-loolo wau diaaluo hunalio olo timongoli palacaya, sababu opopalacaya limongoli boito diila opatoa̒a wolo-wolo.

1 KORINTUS 3:7

Oditolio, u polohuna daa̒ yito Allahu Taa̒ala, sababu Tiolo tamopobutu mai. Tamopomulo wau tamomuhuto diila polohuna daa̒;

GALATIA 4:11

Watia molawalo, diila bolo tolopani wolo kalaja tio̒opatea lowatia olimongoli diila ohunalio wambao̒.

TINGULI 8:18

Eelai mao̒ deu̒ Eeya Allahu Taa̒ala limongolilo tamongohi mai okokaya boito ode limongoli. Sua̒li boito pilohutu-Lio sababu tunggula todulahee botie Tio donggo tatapu wau molotolo hilao todaantia u pilohutu-Lio woli nenemoya limongoli.

YOSUA 2:2

Ti olongia kota lo Yerikho loo̒dungohe deu̒ tou̒ hui boito woluo taulo Isirai̒lu lonao̒ mai motulete lou̒ poo̒-poo̒oyo madala lo Yerikho.