JABURU 121:3 - KITABI HABARI MOPIOHE

³ Eeya diila tamo poluli olemu modehu, tamoo-duo̒lawa olemu laito hemodaha.

JABURU 121:3 ပူးပေါင်းရင်းမြစ်များ

JABURU 127:1

Lahu lei Salomo. Wonu diila Eeya tamomongu bele, diila ohuna mongo panilio mokalaja. Wonu diila Eeya tamo lilunga kota, diila ohuna tahi pokawalia modaha.

JABURU 41:2

Potisanangilo tutu taa u mopoo̒tuoto taa u molulupuhu; Eeya mamotulungi mai olio tou̒ oweepita.

JABURU 55:23

Wuduwalo mola ololawalumu ode Eeya, yi Eeya mamotulungi mai olemu; sababu taa juujulu diila poluli lo Eeya olaahelio.

JABURU 66:9

Eeya malodaha mai olamiaatia alihu debo tumutumulo, diila helo poluli olamiaatia lodehu.

JABURU 91:12

Timongolio mamomintaa̒ olemu to paladu lo uluu̒lio, alihu oa̒atumu diila mao̒ meiteduo̒ tobotu.

POHUMAYA 2:8

Eeya modaha totau-tauwalo tahi pohutua aadili, wau moduo̒lai olimongolio tahipo tolia̒nga o-Lio.

POHUMAYA 3:23

Yio̒ mamoonao̒ wolo aamani, diila tameiteduo̒.

POHUMAYA 3:26

Eeya mamodaha olemu. Eeya diila tamopoluli olemu meilotoo̒ ode delomo otuhata loimbulo.

YESAYA 27:3

Wau̒, Eeya, tamodaha mao̒; timii̒du wakutu hebuhuta-U̒ mao̒, hui wau dulahu hedilaaha-U̒ mao̒, alihu diaaluo tamomuyu.

1 PETRUS 1:5

Ngoa̒amilalo boito yito ode limongoli sababu timongoli palacaya to Allahu Taa̒ala. Yi timongoli dilaha-Lio wolo kawasa lo Allahu Taa̒ala alihu timongoli mololimo oa̒ahu udapa-dapato poilaaloolo de topulito lojamani.

BOHULO SEMUEL 2:9

Taa tatapu wau molotolo hilao laito aamani todelomo poloduo̒lo Eeya. Bo tau moleeto moa̒ntulu wau binasa todelomo udiila botie mobaango wau modio̒loma daa̒. Lotolo hihilao diila mowali pomangga, olootolo manusia diila mongohi ohohaama.