JABURU 115:4 - KITABI HABARI MOPIOHE

⁴ Balaahala limongolio monto hulawa wau talaa̒, huhutu uluu̒ lomanusia.

JABURU 115:4 ပူးပေါင်းရင်းမြစ်များ

TINGULI 4:28

Mota teto timongoli mataa̒luku wau hulumati to ila-ila u pilohutu wolo uluu̒ lomanusia, ila-ila lonto ayu wau botu udiila mowali moo̒onto wau moo̒dungohu, diila mowali molamela meaalo diila moo̒obo.

YESAYA 44:10

Diila ohunalio mohutu bui̒ tiluwango wau molubo olio odelo dewa!

WUNGGULI LOMONGO RASULU 19:26

Botia maa iloontonga lo Wutato wau lodungohe lohihilao wolo u hepilohutu lei Paulus boito. Tio loloi̒ya deu̒ dedeewaalo u pilohutu lomanusia sama-samaata diila dewa. Wau tio maloo̒hutu totaa dadaata palacaya to pongaajalilio, wau diila bo wambao̒ tewe to Epesus, bo ngopee̒ to ngoilanggubu madala lo Asia olo.

YESAYA 37:19

Dedeewaalo limongolio olo pilobulio wau ilantululio, sababu dedeewaalo boito sama-samaata diila okawasa. Timongolio bo bui̒ lo ayu wau botu huhutu lo manusia.

WUNGGULI LOMONGO RASULU 19:35

Mapulitio dulutuli lokota lowali lopo duo̒otao̒ taa dadaata boito. Tio loloi̒ya mao̒, “Tuango lipu lo Epesus! Ngota-ngota motota deu̒ Epesus wambao̒ kota u hemolaala bele li Dewi Artemis wau botu mantali umodehu mai monto hulungo.

HOSEA 8:6

Sapi hulawa u tilubo to Samaria boito yito huhutu lotau-tauwalo tahi osiipatia moo̒olohu lo Isirai̒lu! Uito diila Allahu Taa̒ala, wau musi antuluwolo!

JABURU 97:7

Ngoa̒amila taa u hipolubowa balaahala maa poo̒olitolio, tahemo pomangga babaa-langiyalo udiila ohuna; ngoa̒amila dewa mamo sujudu totalu lo Eeya.

YESAYA 44:20

Huhutu boito tutuuwauwa wambai̒o wolo molamela peaahuo̒. Tau boito pilopo lapaalo pikiilangilio u mohulodu, tilinggula tio diilalo ilotulungia. Tio diila lowali lomasisi deu̒ bui̒ uwoluo to uluu̒lio boito bo wimbulo wambao̒

YESAYA 42:17

Taa u yakini tobui̒ balaahala wau momasisi olio odelo ila limongolio, mahinaalio wau poo̒olitolio.”

OLUO MONGO OLONGIA 19:18

Dedeewaalo limongolio olo pilobulio wau ilaantululio, sababu dedeewaalo boito sama-samaata diila okawasa. Dedeewaalo boito bo bui̒ lo ayu wau botu huhutu lo manusia.

BOHULO MONGO OLONGIA 18:26

Yi timongolio loluotao̒ sapi tuwau wau lopo dapato mao̒. Lapatao̒ uito timongolio malodua̒ ode Baa̒l tumulalo mao̒ dumodupo demola ngoputu lodulahu sambela hiwuwaatia̒, “Tameta mai ami, Baal!” Timongolio helohutu uito sambela tulusi hemongelu-ngelungo topalito mesba limongolio. Bo diaaluo totametio mai sama-samaata.

BOHULO MONGO OLONGIA 18:29

Odi-odieelo mola timongolio mololaalaaita tunggula lolaangio debo odelo tai̒lo tuanga lolati. Bo diaaluo talo lametai, diaaluo talo poo̒tuotao̒.

OLUO TAWARI 32:19

Timongolio helo bisala pasali lo Allahu Taa̒ala tahe tuboolo to Yerusalemu tutuuwauwa debo odelo tomimbihu dedeewaalo bangusa wewo, deu̒yito-yito bubuu-iyaalo huhutu lomanusia.

YESAYA 44:9

Tau-tauwalo tahipo hutua bui̒ balaahala boito diila ohuna, wau dedeewaalo u hepujaa limongolio boito diila opae̒daalio. Tau-tauwalo tahipo lubowa bui̒ boito pitoo̒ wau diila motota lolo-loolo, sababu uito timongolio mao̒dungga lo woolito.

DANIALI 3:5

Wonu torompeti motingohei, tilunuhe lo tingohu tulali, kocapi, rebab, gambusi, serdam wau pakaa-kasiyaalo muusiki wewolio, mongo wutato musi mosujudu molubo bui̒ hulawa u mabilongu li Olongia Nebukadnejar.

DANIALI 5:23

Ti Tuani lowatotia lotilaio̒ batanga ode Eeya tosologa wau buheli lei̒ tuwotao̒ mamaa-nggowaalo u mailambato lonto Bele lo Eeya. Lapatao̒ ti Tuani lowatotia wau taduduulaa̒ lolipu, mongodile wau mongopipia li Tuani lowatotia longilu to mamaa-nggowaalo boito. Ti Tuani lowatotia helomuji-muji dedeewaalo upilohutu lonto hulawa, talaa̒, tombaha, wate, ayu wau botu, dedeewaalo udiila mowali moo̒onto, meaalo moo̒dungohu boli mongalati wolo-wolo. Ti Tuani lowatotia diila mohulumati Allahu Taa̒ala tamolantu mai tutumulo meaala mate li Tuani lowatotia wau molantu mai dalalo tutumulo li Tuani lowatotia.