JABURU 113:9 - KITABI HABARI MOPIOHE

⁹ Eeya longohi mai tau̒ kekeei̒ ode dile tahunusa, lopowali olio tiilo tasanangi tutu wau huru-hurumati tobelelio. Pujiaalo mola Eeya!

JABURU 113:9 ပူးပေါင်းရင်းမြစ်များ

ILOOWALI 25:21

Sababu ti Ribka diila loo̒tapu walao̒, tei Isihaka malodua̒ ode Eeya duo̒lo dilelio. Wau Eeya lodungohei dua̒ lei Isihaka, tilinggula ti Ribka maa ilombodaa̒.

OLUO MONGO OLONGIA 4:17

Bo otutuulo wolo uiloi̒ya lei Elisa. Taunu wumbutio mola, tanu tou̒ wakutu u tutuuwauwa taabua boito malo potutu mai walao̒ talolai̒ ngota.

JABURU 68:6

Allahu Taa̒ala tabilu-biluloa̒ to Bele-Lio u mantali deu̒yito-yito tiyamo lowalao̒ tadidu otiilo otiyamo wau tamooduulua to tahi jandawa.

YESAYA 54:1

Yerusalemu, muloololio mai yio̒ debo odelo taabua hunusa tadiila mowali mopotutu mai. Bo botia potinga-tingalao̒lo meengahu, polahuwalo mola wolo wengahu! Sababu mongo walau̒mu dadaata daa̒, mongilabota walao̒ taabua tadiila tilolaa lodilelio.

YIA̒APO 5:28

Bo humayaalio tio diila ototala, tio diila otuhata lolaa̒anati wau donggo mowali moo̒tapu mai walao̒.

GALATIA 4:27

Sababu todelomo Kitabi tulatulade, “Potiwengahulo yio̒ wuu taabua hunusa, tadiila pee̒enta mao̒ lopotutu mai! Potiwengahulo wau potingala-ngalao̒olo mola wolo meengahu wuu yio̒ tadiila pee̒enta mao̒ loo̒laasa ngongotio lou̒ motutu! Sababu taabua tatilolaa mao̒ lodilelio mamoo̒tapu walao̒ lebe dadaata wolo taabua tatumu-tumuulo wolo dilelio.”

BOHULO SEMUEL 2:5

Taa u muloololio mai hibutuhe sababu ilolaabawa tutu lou̒ aalo, botia lowali buru tahe wuupaalo bo u moo̒tapu mao̒ ua̒alo. Taa u muloololio mai hipolaanga, botia ilolulia lohilao, ilotuheta lou̒ aalo. Dile bintela, botia meengahu, pitulota walao̒ mapilo tutulio mai! Bo tiilo tadadaata walai̒o, tilolaalio, pilolulilio mao̒ modutolo.