JABURU 113:7 - KITABI HABARI MOPIOHE

⁷ Taa mosikini bilintao̒ Eeya lonto peaahuo̒, wau taa modutolo lonto wahu.

JABURU 113:7 ပူးပေါင်းရင်းမြစ်များ

BOHULO MONGO OLONGIA 16:2

‘Muloololio mai yio̒ diila wolo-wolo, bo yio̒ mapiluduu̒-U̒ lowali tau̒wa to umati-U̒ Isirai̒lu. Botia yio̒ ilodusa debo odelo tei Yerobeam wau heloo̒ sababu umati-U̒ Isirai̒lu ilodusa olo, tilinggula lopotoodei omulukaa-U̒.

AYUBA 2:8

Lapatao̒ tei Ayuba lotihuloa̒ totili huntua lo puputo, wau lohama poo̒ lo ulongo u longahu-ngahu wawai̒o.

AYUBA 5:11

Tiolo Allahu Taa̒ala tamopolaio̒ taa dupa-dupaapa, wau moposanangi tutu taa usuusa.

JABURU 107:41

Bo taa mosikini yilopato Eeya lonto osuusa limongolio, ngaalaa̒ limongolio iloduhenga mola debo odelo himbala lohimba.

JABURU 22:15

Lotolo watotia helo pulito debo odelo taluhu u lobangguwato, ngoa̒amila tulalo watotia lolopato lonto leletualio, wau hilaa lowatotia lodidi debo odelo talu.

YESAYA 26:19

Umati lo Eeya tamailate mamuli tumumulai, mimii-lateyaalo limongolio mamuli mobongu mai. Taa u mailobungo todelomo huta mamobongu mai wau motingalaa̒ meengahu. Debo odelo wambulo u moposeehati dunia, Eeya mopo tumulai umati lo Eeya tamalo hiiheo yilate.

YEHESKIEL 17:24

Ngoa̒aa̒miia bungo lo ayu tolipu mapaahamu deu̒ Wau̒ulo Eeya. Bungo lo ayu u molanggato luwodu-U̒; bungo lo ayu u moopa pohutuwo-U̒ mobutu mola panto-pantongo. Bungo lo ayu u seehati powaliyo-U̒ mohengu-henguulo mao̒; wau bungo lo ayu u mohengu wohiya-U̒ tumbingo wau bunga. Wau̒, Eeya, malo tahuda, totoonulalo tahudaa-U̒ mamomata mai.”

YAKOBUS 2:5

Poo̒toloma mao̒! Mongo wutato taa otolia̒ngo! Taa mosikini todunia botie, tilulaoto Allahu Taa̒ala u mowali taa kaya todelomo iimani. Tau-tauwala boito mamowali ngaalaa̒ umati lo Allahu Taa̒ala debo odelo u pilodanti mai lo Allahu Taa̒ala totaa motolia̒nga o-Lio.

BOHULO SEMUEL 24:14

Otaawa li Baginda pohumaya kuno botie, ololeeto bo heputuo lotaa u moleeto. Sababu uito wato diila tamopo ngongoto hilaa li Baginda.