JABURU 103:5 - KITABI HABARI MOPIOHE

⁵ Eeya talo potolu mai tutumulumu wolo u mopiohu, tilinggula yio̒ laito oontonga humula debo odelo bulungi rajawali.

JABURU 103:5 ပူးပေါင်းရင်းမြစ်များ

YESAYA 40:31

Bo taa u mopongaku to Eeya, mamoo̒tapu lotolo bohu. Timongolio debo odelo bulungi angga-angga u tilumomboto molanggato wolo olootolo polipii̒o. Timongolio tumeteo̒ wau diila mowali moongolo, timongolio monao̒ wau diila mowali molulupuhu.

JABURU 107:9

Sababu Eeya mopoo̒luli hilaa lotaa u mototoa̒ngo, wau mopoo̒daata daa̒ wolo totoonulalo u mopiohu totaa polaangolo.

1 TIMOTIUS 6:17

To tau-tauwalo tahi kayawa todunia botie, mamusi pohilemu mao̒ alihu timongolio diila mao̒ sombongi wau diila mao̒ poharapu tou̒ babaa-langiyalo udiila tatapu – debo odelo sua̒liilio wolo okokaya. Timongolio musi motiwunela to Allahu Taa̒ala talongohi mai totoonulalo u hitua-tuawua olanto lou̒ laba-labaalo daatalio alihu olaasanto mao̒.

2 KORINTUS 4:16

Uitolo sababuulio amiaatia diila lotombodu. Eleponu amiaatia debo odelo sipati lobatanga he oduhenga mola lusaalio, bo debo odelo sipati lorohu amiaatia pilowali mai bohu timii̒du dulahu.

JABURU 63:5

Ngotupa lo tutumulo watotia, watotia mosukuru mola to Eeya; bintao̒ mola lowatotia uluu̒ watotia ode Eeya sambela modua̒ mola.

JABURU 104:28

Eeya longohi mai, wau timongoli lohimoa̒ao̒, Eeya lopo dapato mao̒, wau timongolio yilonga tunggula lotolu.

JABURU 23:5

Eeya lopodapato potihunggu ode olau̒ totalu lolaawaniu̒. Eeya lolutulo olau̒ odelo tamu huru-hurumati. Eeya lohinta olau̒ minuumani mopiohu ulaba-labaalo daata.

JABURU 65:4

Duduu-sawaalo watotia mailaba buheeto duo̒lo watotia, bo Eeya helo ngambungu mai.

HOSEA 2:15

Ii̒i-lengiyaalo anggurulio mamuli powalingo-U̒ olio, wau Lumbaya Osuusa mapowaliyo-U̒ huhebu lopolo halapani. Mola teto tio mamolutula ola-U̒ debo odelo tou̒ donggo mudalio mai, tou̒ tio boheli yilumualao̒ lonto Masiri.

YOSUA 14:11

bo debo donggo molotolo debo odelo tou̒ tei Musa helo ngutolia olaatia. Watia donggo molotolo umotuuu̒de u mopaatea meaalo mohutu mao̒ penu boli wolo.

AYUBA 33:25

Batangalio mamowali molotola boli buheli daa̒ seehati debo odelo taa humula.