JABURU 101:3 - KITABI HABARI MOPIOHE

³ ololeeto diila tapoluli lowatia. Yilonuo̒ lowatia huhutu lotaa momaahe iimani, wau diila mohuto mou̒ruusania woli mongolio.

JABURU 101:3 ပူးပေါင်းရင်းမြစ်များ

AYUBA 31:1

Wolo tadia watotia malodanti tadulahu humula diila tabilohe lo watotia wolo birahi.

JABURU 119:113

Watotia ilohilao to bubuu-too̒waalo lo Eeya, yilonuo̒ watotia taa udiila lealeaatulo mao̒ tatapu wau molotolo hilao to Eeya.

JABURU 119:37

Dahailo watotia alihu diila mao̒ mohilapita udiila ohuna, wohiyalo mai watotia tutumulo moduduo̒ kahandaki lo Eeya.

JABURU 125:5

Bo taa u hemohutu udiila juujulu bolo potala hukuumanio mai lo Eeya pee̒-pee̒enta wolo taa moleeto. Pohileaala dua̒ umati lo Eeya moa̒ahu!

JABURU 139:22

Timongolio yilonuo̒ daa̒ lowatotia, wau ilanggapu lo watotia odelo musu.

JABURU 14:3

Bo ngoa̒amila tau malohei lonto dalalo u otutu wau lorusa watade, diaaluo penu boli ngotaa mao̒ tahemohutu u mopiohe.

JABURU 36:3

Tio monganggapu batangalio heebati tutu, tilinggula diila mongalati lo totalaalio, wau diila molonua̒ao̒.

JABURU 39:1

Duo̒lo diriheni lopolemboa̒ tamoolahua. Jaburu lei Dauda. Odelei Yudutun.

JABURU 40:4

Eeya longaajali mai olau̒ lopolahu mola lahu bohu, lahu lo poloi̒laalo momuji ode Allahu Taa̒alanto. Dadaata taa loo̒onto wau mailoohe, tulusi pilalacaya to Eeya.

JABURU 41:9

Uali mongolio, “Ngongotio tiluhua daa̒, tio diila pongalo aakali muli mobongu mai.”

JABURU 78:41

Pipiiu̒wa timongolio helo himontala to Allahu Taa̒ala, loposuusa Taa Mantali Allahu Taa̒ala lo Isirai̒lu.

JABURU 78:57

Timongolio helo hiyanati debo odelo loluuhuru limongolio, wau diila mowali yakiniyaalo debo odelo buutio̒ u keukeungo.

JABURU 97:10

Wuu timongoli tai̒lohilao to Eeya, lonui̒lo u moleeto! Sababu moduo̒lai tutumulo umati-Lio, Eeya molopata olimongolio monto kawasa lotaa momaahu palenta.

PILOTIMUA̒TA 20:17

Diila mao̒ potohilaa halata lotaa wewo: belelio, dilelio taabua, mongo watolio, bibiahio, kolodailio, meaalo penu boli wolo u mililikiilio.”

PILOTIMUA̒TA 32:8

Timongolio malolahi lonto papaa-lentaa-U̒. Timongolio malohutu bui̒ losapi lonto hulawa diliidi, lapatao̒ hetiluboolio wau lopodewo mao̒ bake to olio. Uali mongolio, ui-uitolo ila limongolio talodelo mai olimongolio yilumualao̒ lonto Masiri.

POHUMAYA 6:12

Taa moleeto wau huloto hemo himbulo ode utotoonulalo mao̒.

POHUMAYA 6:13

Tio moitohu mato wau mohutu isaarati u mohimbulo.

POHUMAYA 6:25

Yio̒ diila mao̒ oimontala lo ogaaga limongolio, diila mao̒ oa̒anga lomato limongolio u momiyo.

POHUMAYA 8:13

Mohurumati to Eeya boliilio molonuo̒ u moleeto; wau̒ diila motohilaa osombongi wau obatingga. Wau̒ molonua̒ to pii̒li u moleeto wau tataa-heyaalo udiila juujulu.

TAMOO-HUTUBAWA 6:9

Ngoa̒amila boito diila ohuna debo odelo tolopani mohilapita dupoto. Lebe mopiohe ito olulia lohilao lou̒ wolo uwoluo to olanto wolo laito ohilaa ulebe dadaata mao̒.

YESAYA 30:11

Potilamingolo mota, pohamaalo dalalo wewo. Diila pomuyu olami wolo Allahu Taa̒ala mantali lo Isirai̒lu.”

YESAYA 33:15

Timongoli moo̒ taahangi wonu timongoli moloi̒ya wau mohutu u otutu. Diila mao̒ popeehu pae̒da wolo mohama uuntungi ngohuntua daa̒ totaa mosikini, wau diila mao̒ pololimo doi sooloi̒. Diila mao̒ podudua̒ wolo taa u hemolanjana polomatea mate-mateelo mao̒ meaambo ololeeto wewo.

YEREMIA 22:17

Bo yio̒, Yoyakim, wewo. Yio̒ bo hemololohe uuntungi lohihilao. Yio̒ helomate taa diila ototala yila-yilateelo mao̒, wau helodeehe ulipumu wolo diila omanusia.

MIKHA 2:2

Wonu timongolio motohilaa halabolu ngopita, timongolio molambatao̒. Wonu timongolio motohilaa bele ngowale, timongolio mohama hakuulio lou̒ diila modudua̒ wuu̒du. Mopio halata meaambo ngaalaa̒, diaaluo u aamani.

JAKARIA 8:17

Diila mao̒ pomatuju u moleeto ode timongotamu. Diila mao̒ polapali tadia paaluti. Wau̒ molonua̒ to wimbulo wau udiila aadili boli diila omanusia.”

MATIUSI 5:28

Bo botia Wau̒ motahuda mai olemu: titaalo tita molontongo taabua ngota wau lohuo̒ hilaalio, yi tau boito malojina wolo taabua boito todelomo hilaalio.

ROMA 12:9

Potolia̒ngao̒ wolo ihilasi. Lonui̒ mao̒ u moleeto, wau potidihulo tou̒ wolo u mopiohe.

GALATIA 4:9

Bo botia timongoli motota lo Allahu Taa̒ala, meaalo lebe tuhata mao̒, Allahu Taa̒ala motota olimongoli. Naa, yilongola timongoli mohuto muli mohualinga ode roroo-huwaala lodunia botie, u molulupuhu wau mosikini? Yilongola timongoli mohuto muli pohutulio wato lo roroo-huwaalo boito?

TINGULI 13:17

Babaa-langiyalo ulaa̒-laa̒anati boito diila mowali tahuwola duo̒lo batanga limongoli lohihilao, bo musi pobinasalo sama-samaata. Yi omuluka lo Eeya mamoole wau Tio mamopo bilohei odehu hilao ode limongoli. Tio maa omuura lohilao ode limongoli wau mopowali mao̒ olimongoli bangusa uleidaa̒ debo odelo upilo danti-Lio mai ode loluuhuru limongoli,

TINGULI 15:9

Diila mao̒ potoulia u mopo bulotao̒ to olio wolo alaasani deu̒ taunu polulutalo biloli malembidei. Diila mao̒ polulia pikilangi u odito leetio boito tumuwotao̒ ode delomo hilaa limongoli. Wonu timongoli diila mohuto mopo bulotao̒, tau boito mamo ngiibode to Eeya u mopo duloheo̒ olimongoli, yi timongoli mapoi̒laalo-Lio mai ototala.

IBRANI 10:39

Ito botie diila umati tatoutouli wau yilapalo. Bolii̒o mao̒, ito yito umati tapalacaya to Allahu Taa̒ala wau tapilo aahu.

YOSUA 23:6

Sababu uito, poo̒dahailo alihu timongoli modungoheo̒ wau moponao̒ ngoa̒amila utula-tuladee todelomo Buku Butoo̒ lei Musa. Diila mao̒ lambanga penu boli tuwau mao̒ monto bubuu-too̒waalo boito.

2 PETRUS 2:21

Lebe mopiohe tau-tauwalo debo odelo uito diila pee̒enta mao̒ motota dalalo u otutu monto Allahu Taa̒ala, lou̒ timongolio motota mao̒, bo lapatao̒ diila mohuto modudua̒ papaa-lentawalo uilohi mai lo Allahu Taa̒ala to limongolio.

1 YAHYA 2:19

Mumuu-suwaalo li Almasi boito yito tau-tauwalo tamaa lololaa mao̒ olanto, sababu timongolio otutuulio mao̒ memangi diila taunto. Wonu timongolio taunto, tantu timongolio debo pee̒-pee̒enta wolanto. Bo timongolio lololaa mao̒ olanto, alihu mopatatolo mai deu̒ diaaluo penu boli ngotaa mao̒ limongolio tatio̒otutua meituwoto to kaumunto.

BOHULO SEMUEL 15:11

“Wau̒ lolee̒e malo mudua̒ olei Saul lowali olongia, sababu tio malohei lonto ola-U̒, wau diila helo ponao̒ palentaa-U̒.” Tei Semuel masiluukali, wau ilo-iloonua tio helo poi̒laalo suusa to Eeya.