JABURU 100:3 - KITABI HABARI MOPIOHE

³ Eelailo deu̒ Eeya boito Allahu Taa̒ala. Eeya lopowali mai olanto wau ito miliki lo Eeya; ito umati-Lio bangusa tatilulao-Tio.

JABURU 100:3 ပူးပေါင်းရင်းမြစ်များ

OLUO MONGO OLONGIA 19:19

Yaa Eeya, Allahu Taa̒ala lo mongowatotia, ambunguolo lopataalo mai mongowatotia monto tau-tauwalo Asyur boito, alihu otaawa mao̒ lo totoonulalo bangusa todunia deu̒ bo EeyaaAlo tatuwa-tuwaulo Allahu Taa̒ala.”

BOHULO TAWARI 16:14

Eeya yito Allahu Taa̒alanto, putuusani-Lio pohupohutu to ngoilanggubu dunia.

AYUBA 10:3

Wolo paedaalio wonu Eeya modeehei odie, wau molapi tilapulo ilomata lo Eeya lohihilao? Wolo paedaalio wonu Eeya moboowo mai huhama wau ranjana lo tahileeta?

JABURU 119:73

Eeyaalo talo powali wau lohutu mai olaatia, wohiyalo mai watia huhaama u mobalaajali totoonulalo palenta lo Eeya.

JABURU 12:4

Pohuheliyalo mao̒ loloo-iyaalo umomiyo boito, yaa Eeya, pohou̒maalo tau-tauwalo bo motohilaa motabibo,

JABURU 149:2

Potisanangilo, wuu Isirai̒lu sababu Talopowali mai olemu; powengahulo, wuu tuango lo Sion sababu Olongiamu!

JABURU 46:10

Eeya helo pohuheli popaatea to ngoilanggubu dunia, buutio̒ wau totobuo̒ mooyoto he ilaantulu-Lio, popoo-risaiyaalo hihuululo hepilobu-Lio.

JABURU 78:52

Lapatao̒ Eeya lotitau̒wa to umati-Lio debo odelo himbala lo himba, wau helodelo olimongolio lolibaya tohuta datahu wau luasi udelita.

JABURU 79:13

Yi amiaatia umati lo Eeya, himba he himbalawa lo Eeya, mamosukuru mola to Eeya u ohiheo-hiheolo mao̒, wau momuji to Eeya wawaalia mola.

JABURU 95:3

Sababu Eeya yito Allahu Taa̒ala tau̒daa̒, Olongia tamolotolo boli buheli tamo ngawaasa totoonulalo dedeewaalo.

PILOTIMUA̒TA 6:7

Timongoli madeloo-U̒ ode lipu udilanti-U̒ wolo tadia odelei Abraham, Isihaka wolei Yako; huta boito wohi-U̒ olimongoli mowali milikiimu lohihilao. Wau̒lo Eeya.”

TAMOO-HUTUBAWA 12:1

Eelailo to Talopowali mai olemu notilonggadu yio̒ donggo humula, tou̒ diipo meidungga tataa-wunuwalo u polupolu losikisa. To maasa boito yio̒ mamoloi̒ya, “Tutumuluu̒ diila sanangi tutu.”

YESAYA 63:11

Lapatao̒ timongolio loe̒ela mola jamani muloololio mai, jamani lei Musa, wato lo Eeya. Timongolio lohintu, “Tou̒toonu Eeya talodelo tomongo tau̒wa lo umati-Lio lolibaya deheto? Tou̒toonu Eeya talongohi mai kawasaa-Lio ode limongolio?

YESAYA 63:19

Eeya helohutu mai olamiaatia debo odelo Eeya diila pee̒anta mao̒ okawasa to olamiaatia; debo odelo amiaatia diila pee̒enta mao̒ lowali umati lo Eeya.

YESAYA 64:7

Diaaluo talodua̒ ode Eeya, meaambo lei̒ tuulungi to Eeya, sababu Eeya loluuo̒ baya lo Eeya to olamiaatia, wau lopoluli mai olamiaatia pilobinasa lodusa lamiaatia.

YEREMIA 10:10

Bo Eeya, yaa Eeya, Allahu Taa̒ala tabanari, Allahu Taa̒ala tamoongohia tutumulo, olongia ohiheo-hiheolo mao̒. Wonu Eeya muluka, dunia humeula mototoo̒ wau moo̒ohuu̒, wonu Eeya muluka daa̒ yi babaa-ngusawalo diila moo̒ taahangi. (

YEHESKIEL 34:11

Eeya Taa Laba-labaalo molanggato lotahuda mai, “Wau̒ lohihilao mamololohe hihiimbaa-U̒ wau molaala olimongolio,

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

EPESUS 2:10

Ito yito pilowali lo Allahu Taa̒ala, wau lotimbulude li Isa Almasi, Allahu Taa̒ala lopoo̒piohu mai olanto alihu ito mohutu mao̒ susuu-aliyaalo u mopiohe umaa pilohetu-Lio olanto.

TINGULI 32:15

Umati lo Eeya lowali kaya, bo yinao momalakala, timongolio hiliingohe, hibutuhe lou̒ aalo. Lapatao̒ timongolio lololaa mao̒ Allahu Taa̒ala, Talopowali mai olio wau diila mololimo Tamoo-poa̒ahua olio tamolotolo boli buheli.

TINGULI 32:6

Wolo mao̒dito timongoli momaalasi opopiohu Eeya, wuu tau-tauwalo hihuulode wau diila o aakali? Diila maa Tio ti Paapamu, talopowali olemu, tahe lopowali olimongoli bangusa tuwau?

TINGULI 4:35

Ngoa̒amila boito pilobilohei lo Eeya ode limongoli u mopobukuti mao̒ deu̒ bo Eeya boito Allahu Taa̒ala, wau diaaluo taweewo.

TINGULI 4:39

Sababu uito pototaalo lou̒ tau todulahee botie wau diila mao̒ lipata: Eeya tatuwa-tuwaulo Allahu Taa̒ala tohulungo wau todunia; diaaluo taweewo.

TINGULI 7:9

Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

1 PETRUS 2:25

Omoo̒omolu timongoli debo odelo himba uilapalo, bo botia timongoli maluli dilelo-Lio u lodudua̒ Diti wau Tamoo-laalawa nyawa limongoli.

1 PETRUS 2:9

Bo timongoli yito bangusa tatilulaoto, mongo iimamu tamomaya li olongia, bangusa tamantali, tolomodu duo̒lo Allahu Taa̒ala, umati lo Allahu Taa̒ala lohihilao. Allahu Taa̒ala lolulaota olimongoli wau lotianga olimongoli yilumuwalo lonto u modio̒lomo u tumuwoto ode delomo baa-Ngio ulaba-labaalo mobaango, wolo makusudu alihu timongoli mopololadu habari pasali lo totoonulalo huhutuu-Lio upolu-polutuo̒.

1 PETRUS 4:19

Sababu uito, wonu woluo tau-tauwalo tamo dutolo sababu Allahu Taa̒ala mokahandaki odito, mamusi tau-tauwala boito tumumulo lou̒ otutu wau mopo palacaya lobatanga to Talo powali mai olimongolio. Tio malaito moe̒elai danti-Lio.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.