JABURU 100:2 - KITABI HABARI MOPIOHE

² Poi̒baadatilo to Eeya wolo wengahu, ponao̒olo mai ode talu lo Eeya wolo lalaa-huwaalo moe̒engahu!

JABURU 100:2 ပူးပေါင်းရင်းမြစ်များ

BOHULO MONGO OLONGIA 8:66

Todulahee owalulio tei Salomo helei̒ walinga totau-tauwala boito. Timongolio ngoa̒amilalo helomuji olio tulusi luli lohualingo ode bele limongolio wolo hilaa uwenga-wengahu, sababu ngoa̒amila balakati u mailohi mai lo Eeya ode wato lo Eeya Dauda wau ode bangusa lo Isirai̒lu umati lo Eeya.

OLUO TAWARI 29:30

Ti Olongia wau tahimuloa lo ulipu helo poa̒hu tau-tauwalo Lewi lopolahu mola ode Eeya puji poloi̒laalo momuji u kilaalangi lei Dauda woli Nabi Asap. Ngoa̒amila tau hemo polahu mola wolo wengahe daa̒ sambela hibonggohuu̒a wau hipoluboa Allahu Taa̒ala.

OLUO TAWARI 31:2

Ti Olongia Hiskia luli lolantu popoo-lemboa̒walo lomongo iimamu wau taulo Lewi lodudua̒ tayadu tuugasi limongolio. Tutuu-gasiyaalo boito leituwoto susuu-a̒liyaalo u odie mola: mopodewo bake yilalango wau bake lo polodame, momaya upacala ibaadati to Bele lo Eeya, wau momuji boli molapali mola oduo̒lo ode Eeya to timii̒du tambati to Bele lo Eeya.

JABURU 42:4

Hui wau dulahu wau̒ hilumoyongo, bo ponu wambao̒ ua̒alou̒. Ilo-ilolaanga musuu̒ hemohintu, “Tou̒toonu Allahu Taa̒alaamu?”

JABURU 71:23

Watotia motingalaa̒ wolo polupolu lo wengahu, sambelo mopolahu mola poloi̒laalo momuji ode Eeya. Jiwa wau batanga lowatotia mopolahu mola wolo wengahu, sababu Eeya malo poa̒ahu mai olo watotia.

JABURU 95:2

Dulo ito monao̒ mai modunggaya wolo Eeya, wolo lahu poloilaalo momuji, potinga-tingalao̒lo mola wolo wengahu ode Eeya wolo lahu poloilaalo momuji.

TINGULI 12:12

Poti wengahulo mola totalu lo Eeya Allahu Taa̒ala limongoli, pee̒-pee̒enta wolo mongo walao̒ limongoli, mongo wato limongoli wau tau-tauwalo Lewi tabilu-biluloa̒ to kokoo-tawaalo limongoli, masababu taulo Lewi diila loo̒tapu tayadu lonto huta tolipu limongoli.

TINGULI 16:11

Totalu lo Eeya Allahu Taa̒ala limongoli, totambati u tilulao-Tio, timongoli musi motiwengahu pee̒-pee̒enta wolo mongo walai̒ mongoli, mongo wato limongoli wau taulo Lewi, tau deli, walao̒ tadidu otiilo otiyamo wau mongo janda tabilu-biluloa̒ to kokoo-tawaalo limongoli.

TINGULI 16:14

Poti wengahulo mola wolo mongo walai̒ mongoli, wolo mongo wato limongoli, taulo Lewi, tau deli, walao̒ tadidu otiilo otiyamo wau mongo janda tabilu-biluloa̒ to kokoo-tawaalo limongoli.

TINGULI 28:47

Timongoli mabilaa-lakatia lo Eeya Allahu Taa̒ala limongoli todelomo totoonulalo sua̒li, bo timongoli diila mohuto motiwato to Olio wolo hilaa u ihilasi wau meenagahu.

PILIPI 4:4

Pohileaala dua̒ timongoli laito meengahu sababu timongoli matilu mumulo lotituwau wolo Eeya. Pee̒entapo watia moloi̒ya mai: poti wengahulo!